இது பவியின் தளம் .............துளிகள்.

பெற்றோரின் எதிர்பார்ப்பும் , பிள்ளைகளின் போக்கும்

2012-02-02T10:41:00.002+05:30

பிள்ளைகளை அன்பாக , பண்புள்ளவனாக , அறிவுள்ள , புத்திசாலியாக வளர்க்க வேண்டும் என்பதே பெற்றோர் அனைவரினதும் ஆவல் , ஆசையும் கூட . ஆனாலும், சிலரிடம் வசதி வாய்ப்புகள் இருக்கிறது . பிள்ளையை படிக்க வைத்து , பட்டப்படிப்புகளுக்காக வெளிநாடு அனுப்பி படிக்க வைக்கின்றனர் சில பெற்றோர் .

இருந்தும் சில பெற்றோர் தமது வறுமையின் காரணமாக தமது பிள்ளைகளை இடையில் கல்வியை தொடர இயலாது நிறுத்துகிறார்கள் . இன்னும் சில பெற்றோர் தாம் கஷ்டப்பட்டது போல் தமது பிள்ளையும் கஷ்டப்பட கூடாது என நினைத்து கஷ்டத்தின் மத்தியில் தமது பிள்ளைகளை படிக்க வைக்கிறார்கள் .

இப்படியாக பெற்றோர் தமது பிள்ளைகளை கஷ்டப்பட்டு வளர்த்து ஆளாக்கி சமுதாயத்தில் ஒரு அந்தஷ்துள்ளவனாக தமது பிள்ளையும் இருக்க வேண்டும் என்று எண்ணுகிறார்கள் . கடைசி வரைக்கும் தம்மை கண்கலன்காது வைத்து தமது பிள்ளைகள் நம்மை பார்ப்பார்கள் என்று நினைக்கிறார்கள் . ஆனால், பெற்றோர் நினைப்பது போல் இன்று எத்தனை இடத்தில் நடக்கிறது . இல்லையே .

சில பிள்ளைகள் தான் தமது பெற்ற்றோரை வைத்து பராமரிக்கிறார்கள் . பார்க்கிறார்கள் . சந்தோசமாக வைத்திருக்கிறார்கள் . சில பிள்ளைகள் வயோதிப மடங்களில் தமது பெற்றோரை கொண்டு போய் சேர்க்கிறார்கள் . உன்னால் எனக்கு தொல்லை தான் மிச்சம் என்று பேசுகிறார்கள் . அந்த தாயின் மனது எவ்வளவு பாடுபடும் . மனம் வெந்து போகும் . தமது கடைசி காலத்தை அழுகை , புலம்பலுடன் தான் இருப்பார்கள் .

சில பிள்ளைகள் தமது தாய், தந்தையரை மதித்து தம்மை தமது பெற்றோர் எவ்வளவு கஷ்டப்பட்டு வளர்த்து ஆளாக்கி இருப்பார்கள் . ஒரு நேரம் மட்டும் உணவு உண்டு எம்மை வளர்த்தாள் என் தாய் என தமது பழைய நினைவுகளை மீட்டி பார்ப்பார்கள் . தனது பெற்ற்றோரை சொந்த வீடு கட்டி அவர்களை கண்கலன்காது வைத்து பார்க்க வேண்டும் . அவர்களின் தேவைகளை , ஆசைகளை நிறைவேற்ற வேண்டும் என்று நினைக்கிறான் . அவன் தான் பிள்ளை . பற்றுள்ளவன் . பாசமுள்ளவன், அறிவுள்ளவன் .

இன்றைய தொழில்நுட்ப வசதியால் கையில் ஒரு தொலைபேசியும் , காதில் பாட்டும் கேட்டுக் கொண்டு தெருத்தெருவாக பல இளையர்களும் , யுவதிகளும் தெருக்களில் திரிகிறார்கள் . வேலை இல்லை . யாருடனாவது காதல் வசப்பட்டு அவனுடன் ஓடி போவது , கையில் இருக்கும் பணம் செலவழிந்து முடிந்ததும் அப்போதுதான் வீட்டு ஜாபகம் வரும் . பெற்றோர் பிள்ளையை காணவில்லை என்று பதை பதைக்கிறார்கள். பிள்ளைகள் தமது பெற்றோரின் அந்தஸ்து , கவுரவம் அனைத்தையும் குழி தோண்டி புதைக்கிறார்கள் .

உலகம் மாறிப் போச்சு, நடை , உடை பாவனைகள் எல்லாம் மாறி போச்சு , நம் கலாசாரம் மாறிப் போச்சு . என்ன கொடுமையடா ? என்ன வாழ்க்கையடா ? என்று எல்லாம் எண்ணத் தோன்றுகிறது .

வேட்டை படத்தில் எல்லோரும் விரும்பும் பாடல்

2012-01-31T13:39:00.002+05:30

பப்ப பப்பா பப்பபாண், பப்ப பப்பா பப்பபாண்
பத்திகிச்சு பம்பரம் டோய்
பப்ப பப்பா பப்பபாண், பப்ப பப்பா பப்பபாண்
என்ன செஞ்ச மந்திரம் டோய்
அடி ராசாத்தி ரோசாப்பூ என்ன சொல்ல
என் ராத்தூக்கம் தூக்கிகிட்டு போறபுள்ள
நா தில்லானா பாடுறேன் திமிராக ஆடுறேன்
என்னோட கை கோர்க்க வாடி
உன் பொல்லாத மீசையில் குத்தாம குத்துனா
செத்தானான் போவேன் போடா

பப்ப பப்பா பப்பபாண், பப்ப பப்பா பப்பபாண்
பத்திகிச்சு பம்பரம் டோய்
பப்ப பப்பா பப்பபாண், பப்ப பப்பா பப்பபாண்
என்ன செஞ்ச மந்திரம் டோய்

ஹே கோடி இடை பாத்து நா ஒடஞ்சுடேன் நேத்து
முத்தம் கித்தம் தந்து என்ன ஓட்ட வையேண்டி
வாழையடி வாழை என வாழ வை நாளை
மொத்தமாக மூட்டை கட்டி தூக்கி போயேண்டா
உன்ன அப்படியே உப்புமூட்டை துக்கிகிறேண்டி
அடி அஞ்சாறு ஆசை மட்டும் தீதுகிறேண்டி
ஒத்துக்குறேன் ஒத்துக்குறேன்
நீ ஒன்னன்னா சொல்லிதந்தா கத்துகுறேண்டா

ஹே பப்ப பப்பா பப்பபாண், பப்ப பப்பா பப்பபாண்
பத்திகிச்சு பம்பரம் டோய்
பப்ப பப்பா பப்பபாண், பப்ப பப்பா பப்பபாண்
என்ன செஞ்ச மந்திரம் டோய்
அடி ராசாத்தி ரோசாப்பூ என்ன சொல்ல
என் ராத்தூக்கம் தூக்கிகிட்டு போறபுள்ள
நா தில்லானா பாடுறேன் திமிராக ஆடுறேன்
என்னோட கை கோர்க்க வாடி
உன் பொல்லாத மீசையில் குத்தாம குத்துனா
செத்தானான் போவேன் போடா..

ஹே மஞ்ச மோகம் பாத்து நா செவந்துடேன் நேத்து
மைனாவே பச்சை கொடி காட்டு எனக்கு
ஹே விடுகதை வேணம் நீ விடும் கதை வேணாம்
என்ன வேணும் கண்ணா பாத்து சொல்லு எனக்கு
உன் பூ போட்ட பாவாடை போதும் எனக்கு
அதில் வெள்ளி விழா பன்னநாட்ட ஆசை இருக்கு
ஒத்துக்குறேன் ஒத்துக்குறேன்
நா உன்னோட பாப்பாவ பெத்துகுரேண்டா..

என் நண்பனைப்போல யாருமச்சான்

2012-01-31T13:25:00.002+05:30

நட்பு என்பது உறவுகளுக்கு

அப்பாற்பட்டது - துன்பம் ,

துயரங்கள் , சந்தோஷ

நேரத்தில் எல்லாவற்றையும்

பகிர்ந்து கொள்ள நட்பாக

ஒருவனோ , ஒருத்தியோ

தேவை ஒருவருக்கு

வேறு உறவுகள் ஏதாவது

ஒன்றை எதிர்பார்த்து

தான் எமக்கு உதவி செய்வார்கள்

ஆனால், நட்பு அப்படி இல்லை .

ஒரு பிரதி உபகாரத்தையும்

பாராது தாமாவே முன்வந்து

உதவுவார்கள் பாருங்கள்

அதுதான் உண்மையான நட்பு

நல்ல நண்பன் கிடைத்தவன்

அதிஸ்டசாலி - பலசாலி

நண்பன் படம் சூப்பரோ சூப்பர்

2012-01-23T12:34:00.004+05:30

சரிந்திருந்த தனது மார்க்கட்டை வேலாயுதம் படத்துக்குப் பின்பு நண்பன் படம் மூலம் நிமிர்த்தி உள்ளார் விஜய். தனக்கும் இப்படியான கேரக்டரில் நடிக்க முடியும் . ஜீவா , ஸ்ரீகாந்த் ஆகியோர் தமது நடிப்பை விஜய்யுடன் சேர்ந்து அபாரமாக வெளிப்படுத்தி உள்ளனர் .

இந்தியில் வெளிவந்த படத்தை பார்த்தவர்கள் இந்த நண்பன் படத்தை பார்க்க வருகிறார்கள் . ஏனெனில் அந்த படம் போல் நம்ம தமிழ் நடிகர்களும் நடித்து உள்ளனரா , அந்தந்த வேடங்களுக்கு இவர்களும் பொருந்துகிறார்களா? அவர்களின் நடிப்பு நன்றாக இருந்தது . இவர்கள் இந்த படத்தில் நம்ம தமிழ் நடிகர்கள் எப்படி நடித்து உள்ளனர் என்று ஒரு கூட்டம் இந்த படத்தை பார்க்க வருகிறது .

வேறு சிலர் இந்தியில் இந்த படத்தை பார்க்கவில்லை . அவர்களுக்கு இது புதிய கதை . வித்தியாசமான நடிப்பாக இருக்கிறது . கதையும் வித்தியாசமாக இருக்கிறது . நகைச்சுவைகளும் இருக்கின்றன . பஞ்ச வசனங்களும் இல்லை . அடிதடி , குத்து , வாள்வெட்டு என்ற ஒன்றும் இல்லை . வில்லன்களின் தொல்லையும் இல்லை . இதனால் படம் எல்லோரையும் கவர்கிறது .

இன்னும் சிலர் விஜய் ரசிகர்கள் , ஜீவா ரசிகர்கள் , ஸ்ரீகாந்த் ரசிகர்கள் என்று சொல்லிக் கொண்டு படம் பார்க்க வருகிறார்கள் . இதனால் நண்பனுக்கு கூட்டம் அதிகமாக இருக்கிறது . வேற்று மொழிகளில் முன்னணி நடிகர்கள் பலர் சேர்ந்து நடிக்கும் போது நம்ம நடிகர்கள் ஏன் சேர்ந்து நடிக்கிறார்கள் இல்லை என்ற கவலையை இந்த நண்பன் படம் போக்கி இருக்கிறது . அங்கு வசூலும் ஆகிறது . போட்ட முதலுக்கு மேலாக வசூலை வாரிக் குவிக்கிறார்கள் இந்தியில் . இங்கும் முன்னணி நடிகர்கள் சேர்ந்து நடிக்கும் போது படங்களும் வசூலை பெரும் . படமும் வெற்றி பெரும் தானே .

ஆனால் , எதற்க்கும் சிறந்த கதையம்சம் முக்கியம் . நண்பன் படத்தில் மூன்று ஹீரோக்களுக்கும் அவர்கள் நடிப்புக்கு ஏற்ற சம உரிமை இருக்கிறது . தமது கதாபாத்திரத்தை உணர்ந்து நடித்தும் இருக்கிறார்கள் . நல்ல திரைக்கதை இருக்கும் பட்சத்தில் நடிகர்களுக்கு சரிக்கு சமமான அந்தஸ்து இருக்கும் இடத்தில் முன்னணி நடிகர்கள் சேர்ந்து நடிக்கலாம் .

உங்களுக்கு பிடித்த துறையை தேர்ந்தெடுத்து படியுங்கள் . அதில் நீங்கள் நிச்சயம் வெற்றி பெறுவீர்கள் என்ற கருத்தை சொல்லி இருக்கிறது நண்பன் படம் . சங்கர் 3 இடியட்ஸ் படத்தை சிதைக்காமல் அந்த படத்தை இயக்கிய விதம் பாராட்டும்படியாக உள்ளது .

படம் பார்க்கும் போது இது விஜய் தானா என்றும் எண்ணத்தோன்றுகிறது . எதிரிகளை துரத்தி பந்தாடுவது , பஞ்ச வசனம் பேசுவது என்றில்லாமல் எல்லா ரசிகர்களையும் ரசிக்க வைத்துள்ளார் . விஜயின் துள்ளத மனமும் துள்ளும் படத்துக்குப் பிறகு இந்த படத்தில் விஜயை பிடித்து இருக்கிறது என்றுதான் சொல்ல வேண்டும் . படத்தில் சில காட்சிக்க சிரிப்பதோடு நின்று விடாமல் சிந்திக்கவும் செய்கின்றன .

சத்யன் கலக்கி இருக்கிறார் . அவர் பேசும் மேடைபேச்சில் ஒரு சிரிப்பொலி தான் . ஹரிஷின் இசையில் பாடல்கள் எல்லோர் மனதையும் கொள்ளை கொள்கிறது . இம்முறை பொங்கலுக்கு வெளிவந்து நண்பன் வசூல் வேட்டையில் இறங்கி வசூல் மலை பொழிகிறது . விஜய் ரசிகர்கள் மட்டும் இந்த படத்தை பார்க்கவில்லை . எல்லா ரசிகர்களும் இந்த படத்தை பார்க்க வருகிறார்கள் . எல்லோருக்கும் படம் பிடித்து இருக்கிறது .

இந்த வருடம் தொடக்கத்தில் வெளிவந்து சக்கைபோடு போட்டுக் கொண்டு இருக்கிறது நண்பன் . இப்படியான நல்ல படங்களுக்கு வரவேற்பு எப்பவும் ரசிகர்களிடத்தில் இருக்கும் .

நண்பன் அதிரடி - சரவெடி- வசூல்மழை

எல்லோரினதும் ஆசைகள் நிறைவேறுகின்றதா ?

2012-01-23T11:52:00.003+05:30

நாம் ஒவ்வொருவருக்கும் ஒவ்வொரு ஆசைகள் இருக்கின்றன . சிலரது ஆசைகள் நிறைவேறுகிறது . சிலரது ஆசைகள் நிறைவேறாமல் போகிறது . இந்த உலகில் ஆசைகள் இல்லாத மனிதரே இல்லை .

ஒன்றில் வீடு , காணி, பணம் , நகை , சொத்து என ஆசைகள் நீண்டு கொண்டு செல்கின்றன . ஒவ்வொருவருக்கும் வித்தியாசமான ஆசைகள் இருக்கும் . கூடுதலாக பணம் , சொத்து , நகை போன்றவற்றில் பெண்களுக்கு நாட்டம் இருக்கும் .

நான் டாக்டர் ஆக வேண்டும் என்று ஆசைப்படுகிறேன் . அது நிறைவேறியதா ? சிலருக்கு அந்த ஆசை நிறைவேறுகிறது . கடுமையாக படித்து , கஷ்டப்பட்டு தமது கனவை நனவாக்குகிறார்கள் . சிலர் இது நடக்காது என்று தெரிந்தும் அவற்றுக்கு ஆசைப்படுவார்கள் . ஏழ்மையில் படித்து , கஷ்டப்படுபவன் நல்ல நிலையை அடைகிறான் .

நகை, பணம், சொத்து என ஆசை பேராசையாக மாறுகிறது . இதனால் , அவன் இந்த சொத்துக்களை அனுபவிக்காமலே மரணித்து விடுகிறான் . இவன் திருடிக் கொண்டு போவானோ , அவன் திருடிக் கொண்டு போவானோ என தினம் தினம் நிம்மதி இல்லாமல் செத்து பிழைக்கிறான் . ஆனால், தனக்கு தேவையானதை , தன சம்பாத்தியத்தில் உழைத்து முன்னேறுபவன் சந்தோசமாக வாழ்க்கையை களிக்கிறான் .

நமக்கு ஆசைகள் இருக்க வேண்டும் . அதுவே பேராசையாக இருக்க கூடாது . சிலர் தமது பிள்ளைகளை கல்யாணம் செய்து பேரப்பிள்ளையை நான் இருப்பதற்க்கு முன்பு காண வேண்டும் என்று ஆசைப்படுகிறார்கள் . அது சிலருக்கு அந்த ஆசை நிறைவேறுகிறது . சிலர் அந்த ஆசை நிறைவேருவதட்க்கு முன்பு மரணம் அடைந்து விடுகிறார்கள் . நமது சமூகத்தில் நடக்கும் விடயங்களில் இதுவும் ஒன்று .

ஆசை நூறுவகை . ஒன்று இரண்டு அல்ல . ஆசைப்பட வேண்டும் . அந்த ஆசை நிறைவேறக்கூடியதாக இருக்கவும் வேண்டும் .

தோல்வியில் இருந்து மீள .......

2012-01-21T11:38:00.000+05:30

எந்த விடயத்திலும் தோல்வி தான் கிடைக்கிறது . எடுக்கிற காரியம் ஒன்றும் வெற்றி கிடைப்பது இல்லை என்றும் ஏங்குவோர் பலர் . பலருக்கு தோல்வி என்பது தொடர்கதையாக இருக்கும் . வெற்றி என்னும் கனியை பெற படாதபாடு பெற வேண்டி உள்ளது .

நாம் தோல்வி அடையும் போது தான் வெற்றியின் இனிமை தெரிகிறது . எந்த விடயத்திலும் உடனே வெற்றி கிடைக்காது . தோல்வி தான் வெற்றியின் முதல் படி . அதுவே தொடர் தோல்வி என்றால் என்ன செய்வது ? கிரிக்கெட் , டென்னிஸ் , வியாபாரம் , வாழ்க்கை , காதல் போன்றவற்றில் கூடுதலானோர் தோல்வியை அடைகிறார்கள் . அதிலும் சிலர் தமது கடின உழைப்பாலும் , முன்னேற்றத்தாலும் , வெற்றிபெறுகிறார்கள் .

தோல்வி அடைந்தவர்கள் தமது வாழ்க்கையை வெறுக்கிறார்கள் , தற்கொலை செய்து கொள்கிறார்கள் , அன்பை முறிக்கிறார்கள் . இவர்களுக்கு ஒரு பிரச்சனையை தீர்க்கவோ , பேசித் தீர்த்து முடிக்கவோ அவர்கள் முன்வருவதில்லை .

பிரச்சனைகள் வந்தால் அதனை தீர்க்க என்ன வழி? என்ன செய்யலாம் என திட்டமிட்டு செயற்பட வேண்டும் . வெற்றி எனும் ஏணியின் படிகள் தோல்விகள் தானம்மா . வெற்றி அடைந்தவர்கள் ஒரு நாள் தமது வாழ்விலோ, விளையாட்டிலோ தோல்வி அடைந்தால் அவர்களுக்கு அதனை தாங்க முடிவதில்லை . ஜீரணிக்க முடிவதில்லை . அவர்களுக்கு அதனை பொறுத்துக் கொள்ள முடிவதில்லை . ஆனால், தோல்வி அடைந்தவன் ஒரு நாள் வெற்றி பெரும் போது அவனிடன் இறுமாப்பு ஏற்படாது . தான் பட்ட கஷ்டத்துக்கு பலன் கிடைத்தது என்று நினைத்துக் கொள்வான் .

தோல்வி அடைந்தவனிடம் தான் வெற்றியின் அருமை தெரியும் . ஆனால் , வெற்றி அடைந்தவனிடம் மமதை இருக்கும் . அவன் தனது வெற்றிக்கான ரகசியங்களை சொல்லிக் கொடுக்க மறுப்பான் . ஆனால் , ஒரு விளையாட்டை எடுத்துக் கொண்டால் ;தோல்வி அடைந்தவன் எல்லாவற்றையும் வடிவாக விளங்கப்படுத்தி எப்பிடி செய்தால் வெற்றி பெறலாம் என்று அவன் அதற்க்கான பிரச்சனைகளை முன்வைத்து எப்படி அவற்றை தீர்க்க முடியும் என்று கூறுவான் . இதுதான் அவனது பண்பு.

வாழ்வில் வெற்றிகள் நிரந்தரமில்லை அதுபோல் தோல்விகளும் நிரந்தரமில்லை . வெற்றிபெறுபவர்கள் எல்லாம் வல்லவர்களும் இல்லை . தோல்வி அடைந்தவர்கள் எல்லாம் மூடர்கள் இல்லை . ஒருநாள் அவனும் புத்திசாலி ஆவான் . எதுவும் நிரந்தரமில்லை . வெற்றி என்பது பட்டம் பூச்சி . மாறி மாறி வரும் . உனக்கு மட்டும் அது நிரந்தரமில்லை .

அஜித்தின் பில்லா -2

2012-01-18T12:04:00.003+05:30

மங்காத்தா படத்தின் மாபெரும் வெற்றிக்குப் பிறகு அஜித் நடித்துக் கொண்டு இருக்கும் படம் பில்லா - 2. மிகுந்த எதிர்பார்ப்புடன் இருக்கிறார்கள் தல ரசிகர்கள் . மங்காத்தா படத்தின் காட்சிகள் அனைத்தையும் ரசித்த ரசிகர்கள் படத்தையும் சூப்பர் ஹிட் படமாக மாற்றினார்கள் .

அஜீத் நடிக்கும் 51 வது படம் ‘ பில்லா 2. பார்வதி ஒமணக்குட்டன் நாயகியாக நடித்து இருக்கிறார். இந்த படத்தை‘சக்ரி டொலெட்டி இயக்க, யுவன் சங்கர் ராஜா இசையமைத்து இருக்கிறார். அஜித் நடித்து வரும் பில்லா-2 படத்தின் போஸ்டர்கள் வெளியாகியுள்ளது. ரசிகர்கள் எல்லோரும் பெரிய வரவேற்பு தெரிவித்துள்ளனர். " கையில் துப்பாக்கியுடன் கோபப்பார்வையோடு ‘ஒவ்வொரு மனிதனுக்கும் ஒரு இறந்த காலம் உண்டு. ஒவ்வொன்றும் வரலாறு’ என்பதை குறிக்கும் வாசகங்கள் இடம்பெற்றுள்ளது. இது ரசிகர்களிடையே அதிக வரவேற்பை பெற்றுள்ளது.

அஜித்துக்கு மெஹா ஹிட் படமாக அமைந்தது பில்லா . 2007ம் ஆண்டில் அஜித்திற்கு மாபெரும் ஹிட் படமாக அமைந்தது . அதன் தொடர்ச்சியாக இப்போது பில்லா-2 உருவாகி வருகிறது. தூத்துக்குடியில் சாதரண மனிதனாக டேவிட்டாக இருந்தவர் எப்படி பில்லாவாக மாறுகிறான் என்பதே பில்லா-2 படத்தின் கதை. படத்தின் சூட்டிங் ‌பெரும்பகுதி முடிவடைந்து உள்ளது .

திரையுலகில் மங்காத்தா திரைப்படத்தை விட பில்லா-2 திரைப்படத்தின் விற்பனை 30 சதவிகிதம் அதிகரித்துள்ளது. பில்லா படத்தில் இடம் பெற்ற TITLE TRACK போலவே பில்லா 2 படத்தில் இடம் பெற இருக்கும் பாடலும் வித்தியாசமாக இருக்க வேண்டும் என்று யுவன் அதிகம் யோசித்து வருகிறார்.

இதுவரை இல்லாத அளவிற்கு அஜீத்தின் பில்லா 2 விற்பனையாகி இருப்பது படக்குழுவினரை மேலும் உற்சாகப்படுத்தி இருக்கிறது.

இந்த படத்தில் அஜீத் நடிப்பை பற்றி கூறிய இயக்குநர், ‘டேவிட் என்ற சாதாரண மனிதன் தூத்துக்குடியில் இருந்து வந்து டான் பில்லாவாக எப்படி உருவாகிறார் என்பதை வாழ்ந்து காட்டியிருக்கிறார் அஜீத் என்றார்.

அடுத்து அஜித் விஷ்ணுவர்த்தன் இணையும் படத்துக்கும் பெரும் எதிர்பார்ப்பு நிலவி வருகிறது . இன்னுமொரு செய்தி உலா வருகிறது . கமல் நடிக்கவிருக்கும் புதிய படம் ஒன்றில் முக்கிய கதாபாத்திரம் ஒன்றில் அஜித்தும் நடிக்கவுள்ளதாக செய்திகள் வெளியாகி உள்ளன . பொறுத்திருந்து பார்ப்போம் என்ன நடக்கிறது என்று .

அஜித்துக்கு மங்காத்தா படத்தை விட பில்லா -2 படம் அமோக வெற்றியை கொடுக்கிறதா என்று பொறுத்திருந்து பார்ப்போம் .

என்ன உலகமடா இது ....

2012-01-18T11:22:00.003+05:30

கல்யாணம் பேசி திருமணம்

செய்து கொள்கிறார்கள்

குழந்தைகள் பெற்றுக் கொள்கிறார்கள்

அதன் பின்பு மனக்கசப்பு என்று

இருவரும் விவாகரத்து செய்கிறார்கள்

இருவரும் வேறுவேறு திருமணம்

செய்து கொள்கிறார்கள் - அவர்கள்

தமது குழந்தைகளின் எதிர்காலம்

பற்றி சிந்திக்கிறார்களா - இல்லை

பிள்ளை அப்பாவுடன் ஒரு கிழமை

அம்மாவுடன் ஒருகிழமை என்று

திரிந்து கடைசியில் இருவரும்

துரத்தி விட வீதியில் படுத்து

உறங்குகிறது - மற்றவர்களிடம்

கையேந்தி வயிற்றுப் பசி

போக்கிக் கொள்கிறது ஏன்

இந்த நிலைமை இறைவா ...

இறைவா ....என்று மனம்

நொந்து கொள்ள வேண்டி இருக்கிறதே .....

இனிய பொங்கல்

2012-01-14T17:01:00.003+05:30

தைத்திருநாள் வந்ததம்மா

சந்தோசம் தந்ததம்மா

இத்தனை நாள் காத்து இருந்தோம்

சந்தோசம் தரும் நாளாம்

தைத்தாயே வருக

எம் மனதில் உள்ள கவலைகள்

அகல வேண்டும் , துயரங்கள்

நீங்கி சந்தோசம் பொங்க

இறைவா எல்லோருக்கும்

நல்வழிகாட்டு , நல்வாழ்க்கை

கொடு - தைத்தாயே இவ்வருடம்

நல்ல வருடமாகவும் , சந்தோசம்

தரும் நாளாகவும் அமைய

வேண்டும் தைதாயே வருக

சந்தோசம் தருக......

பொங்கலுக்கு வாழ்த்து தெரிவிக்க ....

2012-01-14T16:58:00.001+05:30

நாம் எமது நண்பர்களுடன் பொங்கல் வாழ்த்து தெரிவிக்க நமக்கு பல தளங்கள் உதவுகின்றன . நமக்கு எப்படியான வகையில் நாம் விருப்பபடுகின்றோமோ அப்படி எல்லாம் நாம் பொங்கலுக்கு நமது நண்பர் , உறவுகளுக்கு வாழ்த்து தெரிவிக்கலாம் .

வாழ்த்து அட்டை மூலமாகவோ , அல்லது குறும்செய்தி மூலமாகவோ நாம் எமது வாழ்த்துக்களை அனுப்பலாம் .

வாங்க எங்கு போய் வாழ்த்து அனுப்பலாம் என்று பார்ப்போம் :

குறும் செய்தி மூலம் வாழ்த்து அனுப்ப :

http://www.pongalfestival.org/pongal-messages.

http://mobiles.maxabout.com/sms/pongal-sms/156

வாழ்த்து மடல் அனுப்ப :

http://www.123greetings.com/events/pongal/

http://www.123pongal.com/pongal/cards/

http://www.365greetings.com/events/pongal/

http://www.meme4u.com/ecards/holidays/pongal/card_902.htm

http://greetsco.com/ecards/1155/a-colorful-pongal-wish/

கரும்பின் மகிமை

2012-01-14T16:32:00.003+05:30

பொங்கலுக்கு முக்கிய பங்கு வகிப்பதில் கரும்புக்கும் முக்கியத்துவம் உண்டு . பொங்கலுக்கு இனிப்பாக எல்லாம் செய்து சாப்பிடுகிறோம் . அதுபோல் கரும்பும் இனிப்பானது தான் . மங்கலத்தின் அடையாளம் . எல்லோரும் பொங்கல் பொங்கும் போது நான்கு பக்கமும் கரும்பு நட்டு இருப்பார்கள் .

தை மாதம் தொடக்கி விட்டால் எப்போது பொங்கல் வரும் என்று காத்து இருப்போம் . கரும்பு நீண்டு பெரிய தடி போல் உயர்ந்து காணப்படும் . கரும்பை அடி முதல் நுனி வரை சுவைக்கலாம் . இனிப்பாக சுவையாக இருக்கும் .

நுனிக்கரும்பு உப்புச்சுவை உடையது .அடிக்கரும்பு தித்திப்பாய் இருக்கும் . கரும்பு உழைப்பின் அருமையை நமக்கு எல்லோருக்கும் உணர்த்துகிறது . வாழ்க்கை போராட்டமாக இருந்தாலும் அதன் முடிவில் கரும்பு போல் இனிமையான வாழ்க்கை கிடைக்கும் .

இளமையில் கஷ்டப்பட்டு உழைத்தால் முதுமையில் சிரமமில்லாமல் இனிமையான வாழ்க்கை அமையும் . இவ்வுண்மையை உணர்ந்து கரும்பை நாம் எல்லோரும் சுவைக்க வேண்டும் . வாழ்வின் தார்ப்பரியத்தை நாம் கரும்பில் இருந்து தெரிந்து கொள்ளலாம் .

கரும்பின் மேற்பரப்பில் எத்தனையோ வளைவுகளும் , முடிச்சுகளும் இருக்கும் . ஆனால், அவற்றை எல்லாம் அகற்றி உள்ளே இனிப்பான சாறு இருக்கிறது . பொங்கல் பண்டிகைகளில் தமிழர்கள் எல்லோரும் கரும்புக்கு முக்கியத்துவம் கொடுக்கிறார்கள் .

மங்கலகரமாக இருக்க கரும்புகளை பொங்கலுக்கு வைத்து அழகுபடுத்தி பார்க்கிறோம் . அதோடு இன்னொரு விடயம் என்னவென்றால் குண்டான உடலைக் கூட இளைக்க செய்யும் மகிமை இந்த கரும்புக்கு இருக்கிறது . இரசாயனங்கள் இல்லை . தேவையற்ற கொழுப்பைக் கரையச் செய்கிறது .இரத்த அழுத்தத்தை கட்டுப்படுத்தி , உடலில் சக்தியையும் நமக்கு தருகிறது கரும்பு .

எனவே பொங்கலுக்கு கரும்பை பாவித்து அதன் பயனை பெறுங்கள் .

நண்பனா ? வேட்டையா ?

2012-01-12T11:41:00.007+05:30

இம்முறை பொங்கலுக்கு பெரிய நடிகர்களின் படங்கள் என்றால் அது நண்பனும் , வேட்டையும் தான் . அதுவும் இரண்டு படங்களும் ஒரு நடிகர் நடித்த படங்கள் அல்ல . இரண்டு, மூன்று நடிகர்கள் சேர்ந்து நடித்து இருக்கும் படங்கள் .

நண்பன் படத்தில் விஜய், ஜீவா , ஸ்ரீகாந்த் சேர்ந்து நடித்து இருக்கிறார்கள் . வேட்டை படத்தில் ஆர்யா , மாதவன் இருவரும் முன்னணி நடிகைகளான அமலாபால் , சமீரா ரெட்டி ஆகியோரும் நடித்து இருக்கிறார்கள் .

இம்முறை பொங்கலுக்கு ஜெயிக்கப் போவது யார் என்று எல்லா ரசிகர்களும் ஆவலுடன் காத்து இருக்கிறார்கள் . விஜய் வேலாயுதம் வெற்றிக்கு பிறகு பெரிதும் நண்பனை எதிர்பார்த்துக் கொண்டு இருக்கிறார் . மூன்று நாயகர்கள் சேர்ந்து நடிக்கும் படங்களுக்கு ரசிகர்கள் மத்தியில் எவ்வாறு வரவேற்பு இருக்கும் என்று இந்த படத்தில் ஒரு முன்னோட்டமாக இருக்கும் . படத்துக்கு கிடைக்கும் வரவேற்பை பார்த்து ஏனைய நடிகர்களும் இரண்டு , மூன்று நடிகர்கள் சேர்ந்து நடிக்கும் படங்களை தேர்வு செய்து நடிக்க வாய்ப்புகள் உண்டு .

இந்திப் படங்களில் முன்னணி நடிகர்கள் பலர் சேர்ந்து நடிப்பார்கள் . படங்களும் வெற்றிகரமாக ஓடும் . வசூலும் நன்றாக இருக்கும் . ரன் , பையா படங்களை இயக்கிய லிங்குசாமி வேட்டை படத்தை இயக்கி உள்ளார் . பாடல்களும் நன்றாக வந்துள்ளது .

இதேபோல் பிரமாண்டம் என்று சொன்னால் சங்கர் தான் . சங்கர் இயக்கி வெளியாக இருக்கும் படம் நண்பன் . இப்படத்தின் பாடல்களுக்கும் ரசிகர்கள் மத்தியில் நல்ல வரவேற்பு . பாடல்கள் எல்லோருக்கும் பிடித்து இருக்கிறது .

பொறுத்திருந்து பார்ப்போம் . எந்த படம் வெற்றி பெறுகிறது ? எந்த படம் வசூலில் சாதனை படைக்கிறது என்று ? இரண்டு படங்களுக்கும் நல்ல வரவேற்பு உண்டு . எனினும் ரசிகர்களின் தீர்மானம் , ரசிகர்களுக்கு படங்கள் பிடித்து இருக்கணுமே ? பார்ப்போம் என்ன நடக்கிறது என்று .......

அந்த விவசாயியின் மனம் ......

2012-01-10T12:19:00.002+05:30

என் கனவெல்லாம் தீரப்போகிறது

அவனின் கடனை அடைக்க வேண்டும்

என் மனைவிக்கு ஆசையாக பட்டு

புடவை எடுத்துக் கொடுக்க வேண்டும்

இந்த வருடம் நல்ல காலம்

பிறக்க வேண்டும் என்று எண்ணிக்

கொண்டே நாட்களை அறுவடைக்காக

எண்ணிக் கொண்டு தூங்குகிறான்

அவன் - காலையில் எழுந்து பார்க்கிறான்

மழை வெள்ளத்தில் நெற்பயிர்கள்

அடித்து செல்கின்றன - அவனின்

நினைவுகள் கனவாகவே போனது

நனவாகவில்லை - தவிடு பொடியாகியது

மனது சுக்கு நூறாகியது ......

துன்பங்களுக்கு மத்தியில் வாழ்வை போக்கும் விவசாயிகள்

2012-01-10T11:53:00.002+05:30

இன்றைய நிலையில் வாழ்க்கை செலவுகள் அதிகரித்துக் கொண்டு இருக்கின்றன . ஒருவேளை உணவு உண்பதற்கே துன்பப்படும் மக்கள் பலர் . விவசாயத்தை நம்பியே தமது வாழ்வாதாரத்தை நம்பி இருக்கும் விவசாயிகள் பலர் துன்பங்களுக்கு மத்தியில் வாழ்கின்றனர் .

கிராமப்புறங்களில் வாழும் விவசாயிகள் பலர் மின்சாரம் இல்லாமல் கஷ்டப்படுகின்றனர் . பூச்சி கொல்லிகளால் அவர்களின் பயிர்கள் நாசம் அடைகின்றன . அறுவடை நேரம் மழை வந்து கொட்டோ கொட்டென்று கொட்டி பயிர்கள் வெள்ளத்தில் அடித்து செல்லப்படுகின்றன .

நாம் அன்றாடம் உண்ணும் சோறுக்கு சொந்தக்காரன் அந்த விவசாயி . 'கடவுள் எனும் முதலாளி கண்டெடுத்த தொழிலாளி விவசாயி "என்று நாம் பாடல்களை பாடினால் மட்டும் போதாது . அவன் படும் கஷ்டத்தை நாம் உணர்வதும் இல்லை . அவனது வாழ்வு உயர்வதும் இல்லை . கஷ்டத்தின் மத்தியில் தமது அன்றாட வாழ்வை போக்குகின்றான் .

இன்று பலர் தமது அன்றாட தொழிலான விவசாயத்தை கைவிட்டு வேறு புதிய நிறுவனங்களில் வேலைகள் நிமித்தம் செல்கின்றனர் . தமது காணி நிலங்களை விற்று தமது பிள்ளைகளின் வயிற்று பசியை போக்க தமது சொந்த மண் , கலாசாரம் என்பவற்றை விட்டு நகர்ப்புறங்களில் குடியமர்கின்றனர் .

கடன்வாங்கி விவசாயம் செய்து தமது அறுவடை நேரத்தில் கடனை திருப்பி கொடுக்கலாம் என்று எண்ணி இருக்கும் போது மழை வந்து அழித்து விடுகின்றது . இதனால் வாங்கிய கடனை திருப்பிச் செலுத்தாமல் தமது உயிரை தாமே போக்கிக் கொள்கிறார்கள் . இப்படி அவர்களின் கஷ்டம் ஏராளம் .

தை மாதத்தில் நாம் விவசாயம் செய்து நமக்கு ஒரு வாய் சோற்றுக்கு சொந்தக்காரன் விவசாயி . அவனை இந்த மாதத்திலாவது நினைக்க வேண்டாமா ? நாம் சோற்றை வாய்க்குள் வைக்கின்றோம் . விவசாயிகள் சேற்றுக்குள் நின்று வியர்வை சிந்தி உழைத்து பெறுகின்ற அந்த நெல்லரிசி சோற்றை தான் நாம் உண்கின்றோம் . அவன் எவ்வளவு கஷ்டப்படுகின்றான் .

விவசாயிகளின் வாழ்விலும் நிம்மதி , சந்தோசம் அமைய வேண்டும் . அவர்களின் குடும்பம் முன்னேற வேண்டும் . எல்லா வசதிகளுடனும் விவசாயிகளும் சந்தோசமாக இருக்க வேண்டும் என்பதே எல்லோரினதும் அவா .

நாம உச்சத்தில் இருந்தா நம்மை மதிப்பாங்க .......

2012-01-09T12:34:00.003+05:30

எல்லோரும் நாம் முன்னணியில் இருக்க வேண்டும் . சம்பாதித்து சொத்து , பணம் , நகை என சேர்த்து இந்த சமூகத்தில் பெரிய புள்ளியாக இருக்க வேண்டும் என ஆசைப்படுகிறார்கள் . சிலர் உச்சத்தை அடைகிறார்கள் . சிலர் அப்படி நினைக்கிறார்களே தவிர நடைமுறையில் அவை சாத்தியப்படுவதில்லை .

சம்பாதித்து சொத்து , பணம் என வைத்திருப்பவர்களுக்கு கார் இருக்கும் , மாடி வீடு இருக்கும் இப்படி அவரின் சொத்துகள் பல . சில நல்ல உள்ளங்கள் இல்லாதவர்களுக்கு கொடுத்து உதவுவார்கள் . சிலர் இல்லாதவர்களிடம் வறுவி சொத்துகள் சேர்ப்பவர்களும் இருக்கின்றனர் . சண்டை , சச்சரவு செய்து சொத்துகளை பறித்துக் கொள்வோரும் உண்டு .

இந்த சமுதாயத்தில் நாம் பேசப்பட வேண்டும் என்றால் நாம் ஒரு விளையாடு வீரராகவோ , சினிமா நட்சத்திரமாகவோ , அரசியல்வாதியாகவோ இருக்க வேண்டும் . அல்லது வீர தீர செயல்கள் செய்யும் சாகச வீரராக இருக்க வேண்டும் . அப்படி எல்லோராலும் இருக்க முடியுமா ?

நாம் பேர் , புகழ் , அந்தஸ்துடன் இருக்கும் போது நம்மை பலர் மதிப்பார்கள் , எங்கும் நமக்கு முன்னிலை அளிக்கப்படும் . அதே நாம் தாழ்ந்து கஷ்டப்பட்டால் ஒரு சனம் திரும்பி பார்க்க மாட்டார்கள் . இதுதான் இந்த உலகம் . ஓகோ ஆகா என இருக்கும் போது வாழ்த்துவார்கள் . தாழ்ந்தால் தூற்றுவார்கள் . என்ன வாழ்க்கைடா என எண்ணத் தோன்றுகிறது .

ஒரு அனாதையாய் , யாரும் மதிக்காமல் இருக்கும் ஒருவன் தனது சம்பாத்தியத்தால் முன்னுக்கு வந்து பெரிய நிறுவனத்துக்கு தலைமை அதிகாரியாகிறான் . அவனுக்கு தான்பட்ட கஷ்டங்கள் , துன்பங்கள் தெரியும் . அதனால் , அவன் ஏழை , அனாதைகளுக்கு உதவும் மனப்பான்மை உள்ளவனாகத் திகழ்கிறான் . அப்படி எத்தனை பேருக்கு உதவி செய்யும் மனப்பான்மை உள்ளது ?

தாழ்த்தாலும் பேசும் , வீழ்ந்தாலும் பேசும் , உயர்ந்தாலும் பேசும் . இந்த சமூகம் . கஷ்டப்பட்டு முன்னுக்கு வந்தவன் கடின உழைப்பால் இன்னும் முன்னேறி கொண்டு இருக்கின்றான் . இடையில் கஷ்டப்படாது முன்னேறியவன் இருப்பதையும் இழக்கிறான் .

தற்கொலை செய்பவர்கள் முட்டாள்கள்

2012-01-09T11:52:00.003+05:30

உலகம் எங்கும் தற்கொலை செய்து கொள்பவர்கள் அதிகரித்துக் கொண்டு செல்கிறது . தம்மையே தாம் அழித்துக் கொள்கிறார்கள் . அது தவறு . இறைவன் நம்மை படைத்து இந்த சமூகத்தில் நாமும் ஒருவராய் வாழ்ந்து இன்ப, துன்பங்களை அனுபவித்து சந்தோசமாக வாழ்ந்து நமது வயதுபோனவுடன் நோய்வாய்ப்பட்டு மரணத்தை தழுவுகிறோம் .

இயற்கையின் நியதியை மாற்றி தமது இயலாமையை இந்த உலகையே வெறுத்து தற்கொலைக்கு செல்கிறார்கள் . இவர்கள் முட்டாள்கள் தானே . தாய் பத்து மாதம் சுமந்து கஷ்டப்பட்டு இந்த சமூகத்தில் ஒருவனாக தனது மகன் / மகளோ திகழ வேண்டும் என்று அவள் எவ்வளவு கஷ்டப்படுகிறாள் . ஆனால், பிள்ளைகள் அவற்றை சிறிது கூட நினைத்து பார்க்காமல் இந்த தற்கொலைக்கு முயற்சிக்கிறார்கள் .

ஒரு வருடத்தில் பத்து இலட்சத்துக்கு மேற்பட்டோர் தற்கொலை செய்து கொள்கிறர்கள் . பத்திரிகைகளிலும் , செய்திகளிலும் தினம் தினம் செய்திகள் வருகின்றன . காதல் தோல்வி , கடன் சுமை , தனிமை , மன அழுத்தம் ,பரீட்சை முடிவுகள் , வீட்டில் ஏதாவது பிரச்சனை , காணி தகராறு என தற்கொலைக்கு ஏதுவான காரணிகள் அமைகின்றன .

பிரச்சனைகள் நமக்கு வரும் போது அதனை எப்படி சமாளிக்க முடியும் , என்ன செய்யலாம் என சிந்திக்க வேண்டும் . காதலில் பிரச்சனை என்றால் நான்கு , ஐந்து நண்பர்களுடன் பேசி சிறந்த முடிவை எடுப்பதை விடுத்து எல்லாவற்றையும் வெறுத்து இவ்வுலகை ஏன் வெறுப்பான் . கடன் பிரச்சனை என்றால் தன்னால் சமாளிக்க முடியாது விடத்தில் அதனை எப்படி தீர்க்கலாம் என சிந்திக்க வேண்டும் .

பரீட்சை முடிவு தவறாக இருக்கும் பட்சத்தில் திருப்பி படித்து அந்த பரீட்சையில் சிறந்த பெறுபேறை பெறலாம் . இப்படி தன் உயிரை தானே அழித்து கொள்வது நியாயமா? இவை எல்லாம் முட்டாள் தனம் தானே . எப்போதுமே எமக்கு நமது பெற்றோர்கள் தான் சிறந்த நண்பர்கள் . அவர்களிடம் எமது பிரச்சனைகளை முன் வைக்கும் போது அவர்கள் அந்த பிரச்சனைக்கு ஒரு தீர்வு சொல்வார்கள் .

எமது ஆருயிர் நண்பனிடம் இருந்து ஒரு சிறந்த முடிவை எடுக்கலாம் . அதனை விடுத்து இந்த உலகையே வெறுப்பது ஏன் ? நாம் வாழ வேண்டியவர்கள் ? சந்தோசத்தை அனுபவிக்க பிறந்தவர்கள் என்று நினைக்க வேண்டும் . தற்கொலைகள் குறைய வேண்டும் . பிரச்சனைகளுக்கு தீர்வு கிடைக்க வேண்டும் .

ஆரோக்கியமான உணவுகளை உண்ணுவோம்

2012-01-04T13:44:00.004+05:30

நாம் உயிர்வாழ , நோய் நொடி இன்றி வாழ சத்தான உணவுகளை உண்ண வேண்டும் . ஆரோக்கியமான வாழ்வு வாழ ஆரோக்கியமான உணவுகளை நாம் உண்ண வேண்டும் . எம்மில் எத்தனை பேர் ஆரோக்கியமான உணவுகளை உண்கின்றோம் ?

நாவுக்கு ருசியாக , பொரித்த, வறுத்த உணவுகள் எப்போதுமே நம் ஆரோக்கியத்துக்கு கேடு தான் . உண்ணும் உணவுகளில் பல சத்தத்துக்க நிறைந்துள்ளன . நமது உடல் நிலைமைக்கு ஏற்ற சத்துகள் நிறைந்த உணவுகளை நாம் உண்டால் தான் நாம் ஆரோக்கியமாக வாழ முடியும் .
ஆரோக்கியம் என்பது நம் உடல்நிலைக்கு ஏற்ப , தேவையான அளவோடு , தேவையான சத்துகள் நிறைந்த உணவுகளில் தான் இந்த ஆரோக்கியம் உண்டு . நாம் நொறுக்குத்தீனி உணவுகளை உண்பதன் மூலம் எமக்கு ஆரோக்கியம் கிடைத்து விடாது . நான்கு , ஐந்து தடைவைகள் உண்பதும் ஆரோக்கியம் ஆகாது .

ஒரு நேரம் வடிவாக சாப்பிட்டாலும் சத்தான உணவுகளை உண்டால் போதும் . விரும்பிய சாப்பாடு என்றால் வயிறு முட்ட சாப்பிட்டு விட்டு , எமக்கு விரும்பாத உணவு என்றால் ஒரு வாய் சாப்பிட்டு விட்டு போவதில் என்ன ஆரோக்கியம் இருக்கப் போகிறது ? சோறை குறைத்து சத்தான உணவுகளை அதிகம் உண்டால் போதும் .
ஒவ்வொரு நாளும் கீரை , பழங்கள், காய்கறிகள் என்பவற்றை உணவில் சேர்த்துக் கொள்ளுங்கள் . அதோடு ஒரு மரக்கறி வகைகளை உண்ணாமல் சத்தான மீன் வகைகளையும் உண்ண வேண்டும் . மீனில் புரதம் , கொழுப்பு சத்துக்கள் நிறைந்துள்ளன . விட்டமின்களும் உண்டு . கண்பார்வைக்கும் , சருமத்தின் பொலிவுக்கும் , நரம்பு மண்டலத்தின் உறுதிக்கும் மீன் சிறந்தது .
நோய்வாய்பட்ட ஒருவர் எத்தனை தடவை உணவு உண்ண வேண்டும், என்ன உணவு உண்ண வேண்டும் என்று வைத்தியரிடம் கேட்டு தெரிந்து கொள்ள வேண்டும் . ஒருவரது வயது, பால் , எடை , உடல் உழைப்பு என்பவற்றை பொருத்தும் அவர் எவ்வளவு உணவை உட்கொள்ள வேண்டும் என்ற அளவு உள்ளது . இவற்றை பொறுத்து நீங்கள் உங்களது உணவுகளை உட்கொள்ளலாம் .

ஆரோக்கியமான வாழ்க்கைக்கு உணவும் , நீரும் , சுத்தமான காற்று மிகவும் முக்கியம் ஆகிறது . ஆரோக்கிய வாழ்வு தான் குடும்பத்தின் மகிழ்ச்சி .

சிந்தனைக்கு ......

2012-01-04T13:03:00.003+05:30

அன்பு இருக்கும் இடத்தில் நல்வாழ்வு இருக்கும்
மனச்சாட்சி என்பது ஒரு சிறந்த வழிகாட்டி
இதயக்குமுறலை மூழ்கடிக்கும் கலை இதமான சிரிப்புத்தான்
தான் சிறந்த அறிவாளி என தன்னைத் தானே எண்ணுபவன் முட்டாள் .
எந்தக்காரியமும் நனவாகும் வரை கனவாகத்தான் தெரியும் .
அடக்கம் வெற்றிக்கு திறவுகோல் , ஒழுக்கம் உயர்வுக்கு வழிகாட்டி .
நல்ல இதயம் தங்கத்துக்கு சமம் .தாயின் இதயம் என்றும் வாடாத மலர்
பிறருக்கு உதவி செய்வதன் மூலம் உங்கள் சுமையை நீங்கள் குறைத்து கொள்ளலாம் .
உன் வீடு சுத்தமாக இல்லாதபோது அடுத்த வீட்டை குறை கூறாதே .

ஆடம்பர செலவை குறைப்போமா ???

2012-01-02T11:27:00.002+05:30

இந்த வருடத்தில் உங்களது திட்டம் என்ன என்று பலரையும் கேட்டால் அவர்கள் முதலில் சொல்வது தாம் ஆடம்பர செலவுகளை இந்த வருடத்திலாவது குறைக்க வேண்டும் என்று தான் சொல்வார்கள் . இது பலரும் சொல்லும் விடயம் .

அதிலும் ஆண்களை விட பெண்கள் தான் ஆடம்பர செலவுகளுக்காக அதிகம் செலவு செய்கிறார்கள் . ஒவ்வொரு நாடுகளிலும் வேலையில்லா பிரச்சனை , பொருளாதார நெருக்கடி , சனத்தொகை அதிகரிப்பு என்று ஒவ்வொரு ஆண்டும் பிரச்சனைகள் அதிகரித்துக் கொண்டு இருக்கின்றன .

இப்போது வீடுகளிலும் ஒருவர் சம்பாதித்து குடும்ப செலவுகளை கொண்டு நடத்த முடியாது . இருவரும் வேலைக்கு செல்ல வேண்டும் என்று ஆகிவிட்டது . இருந்தும் சில வீடுகளில் ஆண்கள் மட்டுமே வேலைக்கு செல்கிறார்கள் . அந்த வீட்டில் நிர்வாகம் சரியாக இருக்கின்ற படியால் அவர்கள் சந்தோசமாக வாழ்கிறார்கள் . திட்டமிட்டு செலவழிக்கிறார்கள் . ஆடம்பர செலவுகள் குறைவு அதுதான் அவர்களின் சந்தோசத்துக்கு காரணம் .

ஆடம்பர செலவு என்று கூறுவது தேவையில்லாத பொருட்களை கடைகளுக்கு போனால் பார்த்ததும் வாங்குவது , உடனே பார்த்ததும் அந்த பொருளை பற்றியோ , விலையை பற்றியோ பாராது உடனே வாங்குவது , ஆடைகளை கடைகளில் அதிகம் அள்ளிக் கொண்டு வந்து அவற்றை போடாமல் பெட்டிக்குள் அப்படியே வைத்திருப்பது , பல வகைகளை அதிகம் வாங்கி வைத்துவிட்டு அது அழுகியதும் குப்பைக்குள் வீசுவது , சாப்பாடுகளை அதிகம் செய்து மீதி இருந்தால் அவற்றை கொட்டுவது இப்படி சொல்லிக் கொண்டே போகலாம் .

கிடைக்கும் வருமானத்தை வைத்துக் கொண்டு திட்டமிட்டு செலவழிக்க வேண்டும் . எதிர்காலத்தை பற்றி சிந்திக்காமல் ஆடம்பரமாக செலவு செய்கிறார்கள் . பக்கத்து வீட்டு பெண் என்ன சாரி கட்டுகிறாரோ அதே போல் தனக்கு வேண்டும் என்று சில பெண்கள் அடம்பிடிக்கிறார்கள் . அவர் வசதியான பெண் . அவளுக்கு வாங்க வசதி உண்டு . ஆனால், நம்மிடம் அவளை போல் வசதி உண்டா ? என்று நாம் சற்று சிந்திக்க வேண்டும் . நமது தகுதிக்கு ஏற்ப ஆசைப்பட வேண்டும் .

பெண்கள் பலர் அதிகமாக செலவு செய்வது தமது அழகை மேம்படுத்தவும் , அவர்களின் உடை அலங்காரத்துக்கும் தான் . இந்த செலவுகளை நீங்கள் ஒரு குடும்பம் என்று போனவுடன் உங்களது வசதிக்கு ஏற்ப அவற்றை தெரிவு செய்து செலவுகளை குறைக்க முயலலாம் .

வருமானத்தில் சிறிதளவை சேமிக்கலாம் . அந்தரம் , ஆபத்து வேளைகளில் உடனே உதவும் . மற்றவர்களிடம் போய் கடன் கேட்க வேண்டிய அவசியம் இல்லை . ஆடம்பர செலவுகளை நாம் எவ்வளவு குறைக்க முடியுமோ அவ்வளவு குறைத்தால் நாம் சிக்கனமாக , சேமிப்புடன் எதிர்காலத்தில் சந்தோசமாக வாழ முடியும் .

மனது பட்டாம்பூச்சியாக .......

2012-01-01T10:56:00.001+05:30

மனது வெறுமையாக

மனம் பட்டாம் பூச்சி

போல பறக்கிறது

ஆகா என்ன அச்சு

இவளுக்கு புத்தாண்டில்

ஏதாவது கனவு கண்டு

விட்டாளா இவள்

என்ன முகத்தில் ஒரு

ஒளி வட்டம் வீசுகிறது

என்ன நடந்தது ம்ம்ம்ம்

பதில் இல்லை நான்

ரொம்ப ரொம்ப சந்தோசமாக

இருக்கிறேன் என்கிறாள்

காரணம் என்ன என்று கேட்டால்

சிரிக்கிறாளே ...............................

புது வருடத்தில் என் முதல் பதிவு

2012-01-01T10:50:00.003+05:30

2011 ஆம் ஆண்டை விடைகொடுத்து விட்டு 2012 ஆம் ஆண்டில் நாம் எல்லோரும் காலடி எடுத்து வைத்திருக்கின்றோம் . புதிய சிந்தனைகள் , புதிய உத்வேகத்துடன் , புது பொலிவுடன் இந்த ஆண்டை வரவேற்போம் .

எனக்கு பிடித்த விடயங்கள், தெரிந்த விடயங்கள் , அறிந்த விடயங்கள் என்பவற்றை எனது தளத்தில் பதிவிடுவது வழமை . பல நண்பர்கள் எனது பதிவுகளுக்கு தமது கருத்துக்களை தெரிவித்து கொண்டுள்ளனர் . நண்பர்களின் ஊக்கத்தாலும் , பல நண்பர்கள் எனது தளத்துக்கு வந்து எனது பதிவுகளை வாசிப்பதாலும் தான் நான் பல பதிவுகளை பதிவுடுகிறேன் .

ஒவ்வொரு வித்தியாசமான பதிவுகளாகவும் , எல்லோருக்கும் பிடித்த விடயங்கள் பற்றிய விடயங்களை எனது பதிவுகளில் இட்டு வருகிறேன் . சினிமா சம்பந்தப்பட்ட பதிவுகள் ஆயின் பல பதிவர்கள் வருகிறார்கள் . ஆனால், சில நல்ல எல்லோருக்கும் தேவையான , அறிந்திருக்க வேண்டிய விடயங்கள் என்றால் பார்வையாளர்களின் வரவு குறைவாகவே இருக்கும் . அதனால் , இடைக்கிடை சினிமா சம்பந்தப்பட்ட விடயங்களை சேர்த்துக் கொள்வது வழமை .

போன ஆண்டும் பல முக்கிய , காத்திரமான பதிவுகளை இட்டுள்ளேன் . இவ்வருடமும் பல நல்ல விடயங்களை பகிர்ந்து கொள்வேன் என நம்புகிறேன் . எல்லோருக்கும் மீண்டும் எனது புது வருட வாழ்த்துக்கள் உரித்தாகட்டும் .

புதிய ஆண்டு புத்தாண்டு 2012....

2011-12-31T12:53:00.005+05:30

உங்கள் அனைவரினது வாழ்விலும்
துன்பங்கள் நீங்கி இன்பங்கள் உண்டாகி
சந்தோசத்துடனும் , மகிழ்வுடனும்
இந்த ஆண்டை வழியனுப்பி

2012 ஆம் ஆண்டை புத்துணர்வுடன்
இன்முகத்துடன் வரவேற்போம் .
பகைமைகள் , விரோதங்கள் ,
பொறாமைகள் , சண்டைகள் சச்சரவுகள்
எல்லாம் நீங்கி மக்கள் நிம்மதியாகவும்
சந்தோசத்துடனும் இருக்க
வேண்டும் இந்த புதிய வருடம்
எல்லோருக்கும் சிறப்பாக அமைய

உலக மக்கள் அனைவரும் சந்தோசமாக
இருக்க வேண்டும் என்று பிரார்த்தித்து
இந்த ஆண்டை நன்றியுடன் விடை கொடுத்து

2012 ஆம் ஆண்டை முக மலர்வுடன்
வரவேற்போம் .......

2011 இல் எனக்கு பிடித்த படங்கள்

2011-12-31T12:39:00.004+05:30

இந்த வருடம் முடிந்து அடுத்த வருடம் பிறக்கப் போகிறது . இந்த வருடம் எப்படி தமிழ் சினிமாவுக்கு அமைந்தது . தோல்விப்படங்கள் நிறையவே வெளிவந்தது . மிகவும் எதிர்பார்த்து போகும் படங்கள் ஊத்திக் கொண்டன . எதிர்பாராமல் போன படங்கள் வெற்றி அடைந்தன .

அந்த வரிசையில் எனக்கு யதார்த்தமான படங்கள் வரிசையில் தென்மேற்கு பருவக்காற்று , வாகை சூடவா படங்கள் எனக்கு பிடித்து இருந்தன . யதார்த்தமான , எல்லோரும் பார்க்க கூடிய வகையில் அமைந்தன இப்படங்கள் .

அஜித்தின் நடிப்பில் வெளிவந்த மங்காத்தா படமும் எனக்கு பிடித்து இருந்தது . அஜித், அர்ஜுன் ஆகியோரின் நடிப்பு பிளஸ். வெங்கட்பிரபுவின் தொய்வில்லாத திரைக்கதை . வித்தியாசமான கதைக்களம், வில்லத்தனமான அஜித்தின் நடிப்பும் எல்லோரையும் கவர்ந்தது . பாடல்களும் நன்றாக இருந்தது .

ஏழாம் அறிவு படம் சூர்யாவின் படங்களில் இன்னொரு மைல்கல் . சூர்யாவின் அபரிதமான நடிப்பும் , வித்தியாசமான கதைகரு , களம் , ஸ்ருதியின் அழகு , மற்றையது படத்தின் பாடல்கள் . இவை எல்லாம் என்னை கவர்ந்தது . பிடித்தும் இருந்தது . சூர்யாவையும் எனக்கு இன்னும் இன்னும் பிடித்தது .

ஜீவாவின் நடிப்பில் வெளிவந்த படம் கோ . கார்த்திகா ஜோடியாக நடித்து இருந்தார் . பத்திரிகையாளர்கள் எதிர்நோக்கும் பிரச்சனையை மையமாக கொண்டு வெளிவந்து வெற்றிகரமாக ஓடிய படம் . ஜீவா எல்லோரினதும் மனங்களை கொள்ளை கொண்டார் இந்த படத்தின் மூலம் .

எங்கேயும் எப்போதும் படம் எதிர்பாராது வந்து ஓகோ ஓகோ என நூறு நாளை தாண்டி ஓடிய படம் . ஜெய் , அஞ்சலி ஆகியோருக்கு ஒரு வெற்றி படமாக அமைந்த படம் . வாகன விபத்துகள் இப்போது அதிகம் இடம்பெறுகின்றன . இந்த வாகன விபத்தை வித்தியாசமான கதையம்சத்துடன் , வித்தியாசமாக கதை சொன்ன விதமும் எல்லோருக்கும் பிடித்திருந்தது . படமும் வெற்றி படமாக அமைந்தது .

கார்த்தி நடித்து சந்தானத்தின் காமெடியில் வெளிவந்து வெற்றிகரமாக ஓடிய படம் சிறுத்தை . கார்த்தியின் வெற்றி படங்களில் இதுவும் ஒன்று . தமன்னா ஜோடியாக நடித்து இருந்தார் . இரட்டை வேடத்தில் நடித்து இருந்தார் கார்த்தி . படம் சக்கை போடு போட்டது . விறு விறுப்பான திரைக்கதை . பாடல்களும் சூப்பர் ஹிட் .

தனுஷ் நடிப்பில் வெளிவந்தது வேங்கை. பாடல்கள் எல்லாம் பிடித்து இருந்தது . படம் ஓகோ என்று சொல்லா விட்டாலும் படம் பார்க்கலாம் . பாடல்கள் சூப்பர் ஹிட் . படம் எனக்கு பிடித்து இருந்தது . பல படங்களின் சாயல் தெரிந்தது .

சிம்பு , பரத் , அனுஷ்கா நடித்து இருந்தனர் வானம் படத்தில் . வித்தியாசமான கதையம்சம் . சூப்பர் ஹிட் பாடல்கள் . இந்த படமும் பார்க்கலாம் .

விக்ரம், அனுஷ்கா நடிப்பில் வெளிவந்து வெற்றிகரமாக ஓடிய படம் தெய்வத்திருமகள் . இந்த படம் விக்ரமின் வெற்றி படங்களில் ஒன்றாக அமைந்தது . அனுஷ்காவுக்கு நல்ல நடிகை என்ற அந்தஸ்தை பெற்றுக் கொடுத்தது . விக்ரமின் சிறப்பான மனம்குன்றிய கேரக்டரில் நடித்து இருந்தார் . பாடல்களும் சிறப்பாக இருந்தது .

விஜய், ஜெனிலியா , ஹன்சிகா நடிப்பில் வெளிவந்து வெற்றிகரமாக ஓடிய படம் வேலாயுதம் . மசாலாப் படம் . பாடல்கள் சிறப்பாக அமைந்தன . விஜய் நீங்க நாட்களுக்குப் பிறகு வித்தியாசமான ஒரு பாத்திரம் ஏற்று , அண்ணன் , தங்கை பாசத்தையும் கலந்து கட்டி வெற்றி பட வரிசையில் இணைந்த படம் வேலாயுதம் .

இன்னும் பல படங்கள் விடுபட்டு இருக்கலாம் எனது நினைவுகளில் இருந்து . இப்போதைக்கு என் மனதில் நின்ற படங்கள் இவை .இப்படி இந்த வருடம் பறுவாயில்லை என்று அமைந்தது . இனி அடுத்த வருடம் பல முன்னணி நடிகர்களின் பல வெற்றி படங்கள் வெளிவர இருக்கின்றன . பார்ப்போம் எப்படி அமைகிறது தமிழ் சினிமாவின் போக்கு என்று .

2011 ஆம் ஆண்டின் சிறந்த பாடலாசிரியர்

2011-12-30T14:54:00.002+05:30

தமிழ் சினிமாவில் பல வெற்றி பாடல்கள் வருகின்றன . ரசிகர்கள் இப்போது இசையை மட்டுமே ரசிப்பதில்லை . பாடலின் வரிகளையும் ரசிக்கிறார்கள் . வாலி , வைரமுத்து ஆகியோரின் பாடல்களை ரசிக்கிறார்கள் . பழைய காலத்து பாடல்கள் என்றால் கண்ணதாசனின் பாடல்வரிகள் சிறப்பாக இருக்கும் . தனக்கென தனியாக வாலி, வைரமுத்துக்கு பிறகு ஒரு இடத்தை பிடித்திருப்பவர் பாடலாசிரியர் நா . முத்துக்குமார் தான் .

இவர் இந்த ஆண்டு 98 பாடல்களை எழுதியுள்ளார் . அதில் பல ஹிட் பாடல்கள் . ரசிகர்களை கவர்ந்த பாடல்கள் . எல்லோருக்கும் பிடித்து இருந்தது . வரிகளை கேட்டு கேட்டு ரசித்திருந்தனர். அதிக இசையமைப்பாளர்களுடன் பணியாற்றி இருக்கிறார் . அடுத்த ஆண்டு வெளியாக இருக்கும் பல புதிய படங்களுக்கு பாடல்கள் எழுதிக் கொண்டிருக்கிறார் .

ஏழாம் அறிவு படத்தில் கார்த்திக் பாடிய "முன் அந்திச் சாரல் நீ " எல்லோராலும் விரும்பப்பட்டது . நா . முத்துக்குமாரின் பாடல்களில் என்னை மிகவும் கவர்ந்த பாடல் . நான் ரசித்த பாடல்களில் இதுவும் ஒன்று . பாடகர் கார்த்திக்குக்கும் ஹிட் பாடலாய் அமைந்தது .

கோவிந்த கோவிந்தா... (எங்கேயும் எப்போதும்), உன் பேரே தெரியாதே, சொட்டச் சொட்ட நனைய வைத்தாய்..., ஆரிரரோ... , விழிகளில் ஒரு வானவில்... (தெய்வத் திருமகள்), வாரேன் வாரேன்... (புலிவேசம்), விழிகளிலே விழிகளிலே... (குள்ளநரிக் கூட்டம்) என்று பாடல்கள் நீண்டு கொண்டு செல்கின்றது . இந்த பாடல்கள் எல்லாம் இந்த வருட ஹிட் பாடல்களில் அடங்கும் . ரசிகர்கள் பலரை மீண்டும் , மீண்டும் கேட்க தூண்டிய பாடல்கள் .

பில்லா 2, நண்பன், வேட்டை, ஒரு கல் ஒரு கண்ணாடி, அரவான், தாண்டவம் என அடுத்த ஆண்டு வெளியாக இருக்கும் படங்களுக்கு பாடல்கள் எழுதிக் கொண்டு இருக்கிறார் . அதில் நண்பன் பாடல்கள் வெற்றிநடை போடுகின்றன .நண்பன் படத்தில் இரண்டு பாடல்களை நா. முத்துக்குமார் தான் எழுதியுள்ளார் . "நல்ல நண்பன் வேண்டும் என்று " என்ற பாடல் நட்பை பற்றிய பாடல் . வேட்டை , நண்பன் படங்கள் பொங்கலுக்கு வெளிவர இருக்கின்றன . அடுத்த ஆண்டு பாடல்கள் இன்னும் அதிகம் எழுதுவார் போல் இருக்கிறது . தனக்கென்று தனியாக ஒரு நல்ல பாடலாசிரியராக வலம் வருகிறார் நா. முத்துக்குமார் அவர்கள் .

அர்த்தமுள்ள பாடல்வரிகள் , எல்லோருக்கும் விளங்க கூடிய வசனங்கள் , அழகான கோர்வை என வித்தியாசமாக தனக்கென்று ஒரு பாணியை அமைத்து பல பாடலாசிரியர்களுக்கு மத்தியில் மிளிரும் வைரமாகத் திகழ்கிறார் நா. முத்துக்குமார் . அடுத்த ஆண்டும் வெற்றிகள் , ஹிட்ஸ் தொடரட்டும் .

குழந்தைகளின் அழகு

2011-12-29T12:52:00.003+05:30

குழந்தைகள் எல்லாம் அழகு தான் . அவர்களின் மழலை பேச்சு , சிரிப்பு எல்லாவற்றுக்கும் மயங்காதவர்கள் யாரும் இல்லை . எமக்கு கோபம் வந்தாலும் குழந்தைகளின் முகத்தை பார்த்ததும் நாம் எமது கோபத்தை மறந்து விடுகிறோம் .

கிறிஸ்துமஸ் கொண்டாட்டங்களுக்கு எல்லோரும் தயாராவார்கள் . அதுபோல் குழந்தைகளுக்கு நத்தார் தாத்தாவின் தொப்பி , உடை அலங்காரம் என்பவற்றை செய்து பார்த்தால் அவர்களும் அழகாக இருப்பார்கள் . குழந்தைகளும் சந்தோசத்தில் குதூகலமாக இருப்பார்கள் .

வாங்க கிறிஸ்துமஸ் தாத்தாவின் தொப்பி அலங்காரங்களுடன் குழந்தைகளை பார்ப்போம் .

உன் பார்வை ஒன்றே போதுமே ...............

உன் சிரிப்பில் என் கோபம் நீங்கியது

உன் குறும்பை நான் ரசிக்கிறேன்

தூக்கத்தில் உன் அழகை ரசிக்கிறேன்

தமிழ் சினிமாவின் வசூல் நாயகர்கள்

2011-12-28T13:33:00.001+05:30

தமிழ் படங்களின் வெற்றி , சாதனைகள், வசூல் என பலதரப்பட சாதனைகள் இருக்கின்றன . அதில் அதிக சம்பளம் வாங்கும் நடிகராகவும் , வசூலில் நாயகனாகவும் முன்னணியில் எப்போதும் இருப்பவர் நம்ம சூப்பர் ஸ்டார் ரஜினி தான் . வசூல் சக்கரவர்த்தி .

சென்னை ஃபாக்ஸ் ஆபீஸின் வசூல் சக்கரவர்த்திகள் என்றால் முதலில் இடம்பெறுபவர் ரஜினி தான் . படமும் வெற்றி பெறும் . வசூலும் ஆகும் . தயாரிப்பாளர்கள் , இயக்குனர்கள் என எல்லோரும் சந்தோசப்ப்படும்படியாக வசூல் இருக்கும் . அடுத்து நம்ம உலக நாயகன் கமல் . அதுக்கு அடுத்தது வசூல் சக்கரவர்த்திகளாக விஜய், அஜித் என்று போகும் .

ஆனால் சூர்யாவின் அபரிதமான வளர்ச்சியால் விஜய் , அஜித் எல்லோரையும் குறஸ் பண்ணி விட்டார் சூர்யா . சிங்கம் வெற்றிக்குப் பிறகு ஏழாம் அறிவு படத்தில் நடித்த சூர்யா தசாவதாரம் , எந்திரன் போன்ற படங்களின் வசூலை மாற்றி விட்டதாம் என்றால் பாருங்கள் . இதனால் ரஜினி , கமல் அடுத்தது சூர்யா என்று வசூல்சக்கரவர்த்தியாகி இருக்கிறார் . விஜய் அடுத்தது தான் .

சூர்யாவின் கடின உழைப்பும் , சிறப்பான நடிப்பும் , வித்தியாசமான கதையம்சமுள்ள , விதம்விதமான கதாபாத்திரங்களை தெரிவு செய்து நடிப்பது , உரிய கால நேரத்துக்குள் படத்தை முடித்துக் கொடுப்பது என்று சூர்யாவை பற்றி சொல்லிக் கொண்டே போகலாம் . ஒரு காலத்தில் சூர்யாவா என்றவர்கள் இப்போது விழி பிதுங்கி நிக்கிறார்கள் . சூர்யாவின் அபரிதமான வளர்ச்சியை பார்த்து . இப்போது விஜயை விட அதிக சம்பளம் வாங்கும் நடிகரும் சூர்யா தான் .

மங்காத்தாவும் அஜித்தின் படங்களில் அதிக வசூல் ஆன படங்களில் ஒன்றாக மாறி இருக்கிறது . இதனால் பில்லா - 2 படத்துக்கும் வியாபாரம் சூடு பிடித்து இருக்கிறது .சூர்யாவின் மாற்றான் படத்துக்கு இன்னும் வியாபாரம் எகிறுமா ? பொறுத்திருந்து பார்ப்போம் . அடுத்த ஆண்டு கள நிலவரங்கள் எப்படி அமைகிறது என்று .

என்றும் மாறாத வடுக்களாக ......

2011-12-26T12:36:00.004+05:30

சுனாமி சுனாமி என்று

வந்தது வெள்ளப்பெருக்கு

மக்களை காவு கொண்டது

சொத்துக்களை சூறையாடியது

இன்னும் எத்தனை வலிகள் , துன்பங்கள்

இன்னும் ஆறாத வடுக்கள் ,

ஆண்டுகள் புரண்டு போனாலும்

அந்த நாள் நினைவுகளை அழிக்க

தான் முடியுமா , அந்த நாள் சோகத்தை

மறக்கத்தான் முடியுமா ?

அழிவுகள் வந்து நம் மக்களையும்

காவு கொண்டு போகிறதே

பேரலையால் காவு கொண்டு

போய் இன்றோடு ஏழு ஆண்டுகள்

முடிந்து விட்டது அல்லவா .......

என்றும் மாறாத வடுக்களாய்

எம் நினைவுகளில் .................

எல்லோரும் சந்தோசமாக நத்தாரை கொண்டாடுங்கள்

2011-12-24T11:09:00.002+05:30

மார்கழி மாதம் பிறந்து விட்டாலே எல்லோருக்கும் சந்தோசமும் , குதூகலமும் தான் . கிறிஸ்மஸ் என்றால் நம் நினைவுக்கு வருவது கிறிஸ்மஸ் தாத்தாவும் , கிறிஸ்மஸ் மரமும் , அழகான கண்கவர் மின்விளக்குகளும் தான் .

வீதிகளில் அலங்காரங்கள் செய்தும் , வியாபார நிறுவனங்களில் அழகான கிறிஸ்மஸ் மரங்களும் , விளக்குகளும் கண்களை கவரும் விதமாக இருக்கும் . கடைகளில் எல்லாம் கிறிஸ்மஸ் கரோல் கீதங்கள் ஒழித்துக் கொண்டு இருக்கும் .

ஒவ்வொரு நாடுகளும் ஒவ்வொரு விதமாக அலங்காரமாக சோடித்து அழகான பெரிய கேக் செய்து அசத்துவார்கள் . அல்லது அழகான கிறிஸ்மஸ் மரங்கள் தங்கத்தில் செய்து பார்ப்பவர்களை மயங்க வைப்பர், பெரிய அதிக நீளமான அலங்கார விளக்குகளை எரியவிட்டு இருப்பர். பார்ப்பவர்களை சந்தோசப்படுத்தும் விதமாகவும் , அதிசயிக்க வைப்பதாகவும் அமைந்திருக்கும் .

இயேசுவின் பிறப்பை சித்தரிக்கும் சிறிய பொம்மைகளால் செய்யப்பட்ட மாட்டுத்தொழுவ காட்சிகள், சண்ட குலோஸ், வாழ்த்து அட்டை மற்றும் பரிசுப் பரிமாறல், கிறிஸ்துமஸ் மரத்தை அழகூட்டல், கிறிஸ்துமஸ் கெரொல் பாடல், சிறப்பு விருந்து என்பன பொதுவாக அடங்கும். எல்லோரும் தேவாலயங்களுக்கு சென்று வழிபாடு செய்வார்கள் .

எல்லோரும் சந்தோசமாகவும் , குதூகலத்துடனும் கிறிஸ்மஸ் கொண்டாடுங்கள் . அனைத்து நண்பர்களுக்கும் எனது நத்தார் வாழ்த்துக்கள் உரித்தாகட்டும் .

கிறிஸ்மஸ் வாழ்த்து அனுப்ப .........

2011-12-22T10:45:00.005+05:30

இப்போது எல்லாம் நண்பர்களுக்கு வாழ்த்துக்கள் அனுப்பும் காலம் . வாழ்த்து மடல்கள், அட்டைகள் அனுப்புவோம் எமது நண்பர்கள், உறவுகளுக்கு . அதற்க்கு எங்கு போய் வாழ்த்து அட்டைகளை பெறலாம் , வாழ்த்து அனுப்பலாம் என்று பார்ப்போம் .

ஒவ்வொரு வடிவங்களில் , டிசைன்களில் , தோற்றங்களில் எமக்கு பிடித்த வாழ்த்து மடல்களை அனுப்ப முடியும் . எல்லோரும் குதூகலாமாக கொண்டாடும் நத்தார் பண்டிகை நெருங்குகிறது . எல்லோர் வீட்டிலும் குதூகலம் , சந்தோசம் என்று வீடுகளில் ஆனந்தம் பொங்குகிறது .

எல்லோரும் சந்தோசமாக நத்தரை கொண்டாடுங்கள். சொந்தங்களுடன் , உறவுகளுடன் இணைந்து நத்தாரை கொண்டாடுங்கள் .

http://www.123greetings.com/events/christmas/ : உங்களுக்கு விரும்பிய வடிவங்களில் நண்பர்களுக்கு வாழ்த்து அனுப்புங்கள் . பல டிசைன் இருக்கிறது .

http://www.care2.com/send/catxmas1.html

http://uk.moo.com/products/christmas-cards.html

http://www.bluemountain.com/ecards/christmas

http://www.jacquielawson.com/cards_christmas.asp

http://www.ojolie.com/ecards_christmas.php

http://www.egreetings.com/

சிம்புவின் ஒஸ்தி எப்படி ?

2011-12-22T10:19:00.003+05:30

இப்போது திரை அரங்குகளில் பாக்ஸ் ஆபீசில் முதலிடமாக ஓடிக் கொண்டு இருக்கிறது ஒஸ்தி . சிம்பு, ரிச்சா, சந்தானம், சோனு மற்றும் பலர் இந்த படத்தில் நடித்து இருக்கிறார்கள் . சிம்புவுக்கு இந்த படத்தில் பொலிஸ் வேடம் . இந்தியில் வெளியாகி வெற்றிகரமாக ஓடிய தபாங் என்ற படத்தின் ரீமேக் தான் இந்தப் படம் .

ஆக்சன், துள்ளல் , நகைச்சுவை என எல்லாம் சேர்ந்த மாஸ் படமாக இந்த படம் வெளியாகி இருக்கிறது . பாடல்களும் துள்ள வைக்கின்றன . ‘ஒஸ்தி மாமே’ பாடல் முணுமுணுக்க வைக்கிறது. மங்காத்தா படத்தின் நூறாவது நாள் அன்று ஒஸ்தி வெளியிடப்பட்டது . அஜித்தின் தீவிர ரசிகர் சிம்பு என்பது நமக்கு எல்லோருக்கும் தெரிந்த விடயம் .
விண்ணைத்தாண்டி வருவாயா திரைப்படத்தின் வெற்றிக்குப் பிறகு சிம்பு இந்தப் படத்தில் ஒஸ்தி வேலன் என்ற கேரக்டரில் நடித்து இருக்கிறார் . சந்தானம் நகைச்சுவையில் கலக்குகிறார் . சிம்புவின் வெற்றி படத்தில் இதுவும் ஒன்றாக அமையுமா என்பதை பொறுத்திருந்து பார்ப்போம் .

திரைப்படங்களில் அதிகரித்துக் காணப்படும் வன்முறைகள்

2011-12-18T13:34:00.005+05:30

இப்போது எல்லாம் நாடகங்கள் , திரைப்படங்கள் போன்றவற்றில் அதிக வன்முறைக்காட்சிகள் காணப்படுகின்றன . ஆபாச நடனமும் , பாடல்களும் அதிகரித்து இருக்கின்றன . ஆகா இந்த பாடல் கேட்க அருமையாக இருக்கிறதே என்று நினைத்தால் அந்த பாடலை தொலைக்காட்சியில் பார்க்க முடியாது .

திரைப்படங்களில் ஒரே இளையர்களை சீரழிக்கும் மது பாவனை , கலாசார சீரழிவு , சிகரட் பாவனை என எல்லாவற்றிலும் இளம்பராயத்தினரை சீரழிக்கும் காட்சிகள் இடம்பெறுகின்றன . வெட்டு, குத்து என வன்முறைக் காட்சிகள் அதிகம் .

கலாச்சார உறவுமுறை சீரழிவு , குத்தாட்டம் , கும்மாளம் என்று எமது கலாசாரத்துக்கு எதிரான நிகழ்ச்சிகள் . இதனால் , இளம்பராயத்தினர் இளம் வயதில் இந்த திரைப்படங்களை பார்த்து சீரழிகின்றனர் . அவர்கள் போல் தாமும் நடந்து கொள்கிறார்கள் .

இளம் பெண்கள் குட்டை பாவாடையும் , டீசேட்டும் அணிந்து நடிகைகள் போல் தாமும் இருக்க வேண்டும் என்று நினைத்து நடக்கிறார்கள் . அழகு அழகு என்று அழகுக்கலை நிலையங்களில் அதிக நேரத்தை செலவழிக்கிறார்கள் .

எல்லோரும் உட்காந்து திரைப்படங்களை பார்த்து ரசிக்க முடிவதில்லை . இப்படி வன்முறை காட்சிகளும் , கலாசார சீரழிவுகளும் திரைப்படங்களில் அதிகம் இடம்பெறுகின்றன .

சத்தான நெய்

2011-12-14T13:08:00.004+05:30

இயற்கையான , சத்தான உணவுகள் எனக்கு எப்பவுமே நன்மை தரக்கூடியவை . நமது தமிழர்களது உணவில் பெரிதும் நாம் பயன்படுத்துவது நெய்யில் செய்யப்பட்ட உணவுகள் . அதிகம் எல்லோரும் விரும்பி கூட சாப்பிடுவோம் .

பசுப்பாலில் செய்யும் பொருட்களுக்கு எப்போதுமே வரவேற்பு உண்டு . பால் பொருட்களிலேயே அதிக சுவையையும், இனிய நறுமணத்தையும் கொண்டது நெய் தான். தனியாகப் பிரித்தெடுக்கப்பட்ட வெண்ணெய் அல்லது பால் கொழுப்பு உருக்கப்படும் போது நெய்யாகிறது. வெண்ணெய்யைச் சுமார் 100 டிகிரி சி வெப்பத்தில் உருக்குகின்ற போது அதிலுள்ள நீர் ஆவியாகி, நெய் கிடைக்கிறது. நம் பாட்டிமார் தாமே பசுவில் பால் எடுத்து இந்த நெய்யை செய்வார்கள் . கடைகளில் வாங்குவதை விட சுத்தமாக அவர்கள் செய்வார்கள் .

மருந்துகள் கெடாமல் பாதுகாக்க நெய்யே சிறந்த பொருளாகும். நெய்யை ரசாயனம் என்று ஆயுர்வேத மருந்தாளர்களால் அழைக்கப்படுகிறது. ஏன் என்றால் முழு உடல் நலம் கொடுத்து நீண்ட ஆரோக்கியத்தைக் கொடுக்கும் குணம் நெய்க்கு உண்டு.
மருத்துவக் குணம் வாய்ந்த மூலிகைகளில் உள்ள அணுக்களின் சுவர்களை ஊடுருவக்கூடிய தன்மை நெய்க்கு இருப்பதால் இத்தகைய மருந்து தயாரிப்பில் நெய்யை அதிகம் பயன்படுத்துகின்றனர்.

நெய் வெள்ளை நிறத்திலிருந்து, இள மஞ்சள் நிறம் வரை அதிலுள்ள கரோட்டின் அளவைப் பொறுத்தது. நெய்யில் ஏறத்தாழ 8 சதவிகித அளவு தாழ்நிலை செறிவுற்ற கொழுப்பு அமிலங்கள் இருப்பதனால் நெய் எளிதாக செரிமானம் ஆகிறது. இவ்வமிலங்கள் மிகச்சிறந்த உண்ணத்தக்க கொழுப்புகள். மேலும் நெய்யைத் தவிர பிற தாவர எண்ணெய்கள் எதிலும் இவை காணப்படுவதில்லை. நெய் மற்றும் மீன் எண்ணெய்யைத் தவிர வேறு எந்த தாவர எண்ணெய்களிலும், கொழுப்புகளிலும், விட்டமின் ஏ கிடையாது .

ஒரு ஸ்பூன் நெய்யில் 14 கிராம் கொழுப்பு சத்துக்கள் நிறைந்துள்ளது. மதியம் உண்ணும் சாதத்தில் சிறிதளவு நெய் சேர்த்து உண்பது உடம்புக்கு நல்லது . உடம்புக்கு குளிர்ச்சியை கொடுத்து உஸ்ணத்தை குறைக்கும் . உப்பு , லேக்டோஸ் போன்ற சத்து கிடையாது . பாலில் செய்த பொருட்கள் ஒத்துக் கொள்ளாதவர்கள் நெய்யை பயன்படுத்தலாம் .

நெய் நோய் எதிர்ப்பு சக்தியை அதிகரிக்கிறது. நாம் தோசை சாப்பிடும் போது நெய் விட்டு தோசை சாப்பிட்டால் ருசியாக இருக்கும் . பூந்தி நட்டு செய்யும் போது நெய் சேர்த்து செய்வார்கள் .
குடற்புண் கொண்டவர்கள் பசியின்மையால் அவதியுறுவார்கள். சரியான நேரத்திற்கு உணவு சாப்பிடாமலும், அதிக பட்டினியாகவும் இருப்பவர்களின் வயிற்றில் ஜீரண அமிலங்கள் சுரந்து குடலின் உட்புறச் சுவர்களை புண்ணாக்கி விடுகின்றன.இவர்கள் உணவில் நெய் சேர்த்து சாப்பிட்டு வந்தால் குடலின் உட்புறச் சுவர்களில் உள்ள புண்கள் ஆறுவதுடன், சுரப்பிகள் பலப்படும்.

நாம் நெய் பயன்படுத்துகிறோம் . அதன் பயன்கள் நமக்கு தெரிவதில்லை . இப்போது நெய்யின் பயன்பாடுகள் தெரிந்தமையால் இப்படி எல்லாம் இந்த நெய்யில் விசேஷங்கள் உண்டா என்று எண்ணுபவர்களும் உண்டு . நெய்யை பாவிக்கதவர்கள் இனியாவது நெய்யை உணவில் சேர்த்துக் கொள்ளுங்கள் . நெய்யால் எமக்கு தீங்கு ஒன்றும் இல்லை . நெய் என்று சொல்லி சிலர் கலப்படம் உள்ள நெய்யை விற்கிறார்கள் . அது உடலுக்கு கேடு . சுத்தமான , உணவுக்கு பயன்படுத்தும் நெய்யை வாங்கி உபயோகிக்கவும் .

இந்த ஆண்டு உங்களுக்கு எப்படி அமைந்தது ?

2011-12-14T12:11:00.002+05:30

ஒவ்வொருவருக்கும் ஒவ்வொரு ஆண்டும் நல்லது , கெட்டது என ஏதாவது நடக்கும் . சிலருக்கு அதிஸ்டம் அடித்து சந்தோசமாக இருந்திருப்பார்கள் . சிலர் நட்டம் அடைந்து பொருள், பண்டங்களை இழந்திருப்பார்கள் . இப்படி ஒவ்வொருவருக்கும் ஏதாவது நன்மை , தீமை நடந்திருக்கும் .

இந்த ஆண்டு நண்பர்களே உங்களுக்கு எப்படி அமைந்தது ? உலகில் ஒவ்வொரு நாளும் சாதனைகள் , கவலையான சம்பவங்கள் , அழிவுகள் , ஆர்ப்பாட்டங்கள் , கண்டுபிடிப்புகள் என ஏதாவது நடந்து கொண்டு தான் இருக்கின்றன .

இந்த நவீன யுகத்தில் வாழ்க்கையில் நிம்மதியாக இருப்பது என்பது கஷ்டமான நிலைமையாக இருக்கிறது . தினம் தினம் குடும்ப பிரச்சனை , அயல் வீட்டில் பிரச்சனை , உறவுகளில் விரிசல் , கணவன், மனைவி சண்டை , பிள்ளைகளால் குழப்பம் என்று பிரச்சனைகள் கூடிக் கொண்டே செல்கின்றன .

போன ஆண்டு ஏற்பட்ட வலிகள் , துன்பங்கள் இந்த ஆண்டு இருக்கக்கூடாது என நாம் ஒவ்வொரு ஆண்டும் துன்பங்களை மறந்து சந்தோசமான நிகழ்வுகளை மட்டும் நினைவில் வைத்துக் கொண்டு காலத்தை ஓட்டுகிறோம். ஒவ்வொரு ஆண்டும் பிறக்கிறது . எப்படி ஒரு ஆண்டு முடிவடைந்தது என்று எண்ணுகிறோம் . உடனே ஓராண்டு பிறந்து முடிந்து விட்டது என எண்ணத்தோன்றுகிறது அல்லவா நமக்கு ?

நிறுவனங்களில் இலாபம் அடைந்தவர்கள் ஐயோ இந்த ஆண்டை போல அடுத்த ஆண்டு இதை விட இலாபம் உழைக்க வேண்டும் என்று எண்ணுவார்கள் . நட்டம் அடைந்தவர்கள் ஐயோ இந்த ஆண்டை போல இல்லாமல் அடுத்த ஆண்டிலாவது இலாபம் பெற வேண்டும் என்று எண்ணுவார்கள் . இப்படி இருக்கிறது உலகம் .

அதே சுபகாரியங்களில் ஈடுபட்ட குடும்பங்கள் குழந்தை இந்த ஆண்டில் பிறக்க வேண்டும் , சந்தோசமாக குடும்பத்தை கொண்டு செல்ல வேண்டும் , சந்தோசமாக , ஒற்றுமையாக இருக்க வேண்டும் என்று விரும்புகிறார்கள் . கல்யாணம் செய்யாதவர்கள் இந்த ஆண்டிலாவது எனக்கு திருமணம் நடக்க வேண்டும் என்று விரும்புகிறார்கள் . இப்படி எண்ணி இருந்தவர்களுக்கு இந்த ஆண்டு எப்படி அமைந்தது ?

சில முக்கிய வைபவங்கள் நிகழ்ந்திருக்கும் . சந்தோசமான நிகழ்ச்சிகள் நடந்திருக்கும் . நீங்கள் நீண்டநாட்கள் காணாதவர்களை இந்த ஆண்டு சந்திக்க நேர்ந்திருக்கும் . உங்களுக்கு எப்படி அமைந்தது இந்த வருடம் ? சிலருக்கு அவர்களின் குடும்ப முக்கிய உறுப்பினர்களை இழந்திருப்பர் . அவர்களுக்கு இந்த ஆண்டு துன்பகரமான ஆண்டாக அமைந்திருக்கும் .

சரி எனக்கு இந்த ஆண்டு நல்ல ஆண்டு என்றும் சொல்ல முடியாது . சரியில்லை என்றும் சொல்ல முடியாது . மொத்தத்தில் பருவாயில்லை என்றுதான் எண்ணத்தோன்றுகிறது . கோவில் தரிசனம் கூடுதலாக இந்த ஆண்டு கிடைத்தது . பல கோவில்களுக்கு சென்று வந்தேன் . இன உறவுகளோடு சந்தோசமாக போய் வந்து சந்தோசமாக இருந்தேன் .

கையில் பணம் இல்லை என்று ஒருநாள் கூட இருந்ததில்லை . எப்போதும் அதுக்கு குறைவில்லை . சுபகாரியங்கள் என்று பார்த்தால் இந்த ஆண்டு அப்படி எதுவும் நிகழவில்லை . சரி பாப்போம் . அடுத்த ஆண்டு எப்படி அமைகிறது என்று ? நல்லகாலமாக அமையும் என்ற நம்பிக்கை உண்டு . நம்பிக்கை தான் வாழ்க்கை . ம்ம்ம்ம் சரி என்ன நடக்கிறது என்று பாப்போம் .

நண்பர்களே உங்களுக்கு எப்படி இந்த ஆண்டு இருந்தது ? அடுத்த ஆண்டு உங்களது பிளான் என்ன ?

எல்லோரும் விரும்பும் Teddy Bear

2011-12-12T12:08:00.001+05:30

சிறு குழந்தைகள் முதல் பெரியவர்கள் வரை எல்லோரும் அதிகம் விரும்புவது இந்த Teddy Bear. எல்லோருக்கும் அதன் தோற்றம், அழகு , வடிவம் எல்லாம் பிடித்து இருக்கிறது . குழந்தைகள் தாம் நித்திரைக்கு செல்லும் போது இந்த teddy bear இல்லாமல் செல்ல மாட்டார்கள் . அதனையும் அனைத்துக் கொண்டு தான் நித்திரை செய்கிறார்கள் .

ஒவ்வொருவரும் தத்தம் வசதிகளுக்கு ஏற்ப தமது குழந்தைகளுக்கு இந்த teddy bear வாங்கி கொடுக்கிறார்கள் . இந்த பொம்மைகளுடன் விளையாடி மகிழும் குழந்தைகள் தான் அதிகம் . அதற்க்கு ஏற்ப ஒவ்வொரு வித்தியாசமான , அழகான , எல்லோரும் ரசிக்கும் படியான , வெவ்வேறு வர்ணங்களில் , வெவ்வேறு அளவுகளில் இந்த பொம்மைகள் கடைகளில் காட்சிபடுத்தி வைக்கப்பட்டுள்ளன .

எல்லோரும் இந்த டெட்டி பியரை ஒரு நண்பனாக அரவணைத்து கொள்கிறார்கள் . பெண்களும் அதிகம் இந்த பொம்மையை விரும்புகிறார்கள் . பலரின் பெஸ்ட் நண்பன் அல்லவா . பண்டிகைகள் , விழாக்கள் என்றால் எப்போதும் இந்த டெட்டி பியர் இருக்கும் . அலங்கரிக்கப்பட்டு பார்க்க அழகாக காட்சிதருகிறது அல்லவா இந்த டெட்டி பியர் .

தமிழனுக்கு எப்போது நிம்மதி பிறக்கும் ?

2011-12-11T13:00:00.001+05:30

தமிழன் இல்லாத நாடும் இல்லை . ஆனால் , தமிழனுக்கு என்று ஒரு நாடும் இல்லை . இது நம் எல்லோருக்கும் தெரிந்த விடயம் . தமிழன் எங்கு தான் சந்தோசமாக இருக்கிறான் . எங்கும் துன்பமும் , கவலையுடனும் தான் இருக்கிறான் .

ஒன்றில் , உறவுகளால் , சகோதரர்களால் அல்லது இன்னொரு தமிழனால் துன்பங்களை அனுபவித்துக் கொண்டு இருக்கிறான் . எத்தனை உறவுகள் கஷ்டப்படுகிறார்கள் . வேறு நாடுகளுக்கு சென்று இரவு, பகல் பாராது உழைத்து தமது உறவுகளை சந்தோசமாக வைத்திருக்க பாடுபடுகிறார்கள் .

இப்போது முல்லை பெரியாறு ஆணை தொடர்பாக சர்ச்சை நிலவுகிறது . இதிலும் தமிழனுக்குத்தான் துன்பம் . எப்போது தான் இந்த துன்பங்கள் நீங்கி இன்பங்களை இந்த தமிழன் அனுபவிக்கப் போகிறானோ தெரியவில்லை .

எவ்வளவு காலம் துன்பங்களையே அனுபவித்துக் கொண்டு இருப்பது . வாழு அல்லது வாழவிடு .

8 ஆம் எண்காரர்கள் நல்லவர்களா ???

2011-12-11T12:44:00.001+05:30

8 ஆம் நம்பர் என்றால் ஐயோ என்று வாயைபிளக்கிறார்கள். அப்படி என்னதான் இருக்கு இந்த எட்டில் . பெரிய ஞானிகள் , அறிவாளிகள் , அரசியல்வாதிகள் , கண்டு பிடிப்பாளர்கள் , நடிகர்கள் என்று பல சாதனை படைத்தோர் எல்லாம் எட்டாம் எண்காரர்களாக தான் இருக்கிறார்கள் .

ஆனால், ஒன்று இவர்கள் எல்லாம் தமது இந்த உன்னத நிலைக்கு மிகவும் கஷ்டப்பட்டுத்தான் வந்து இருப்பார்கள் . எதிலும் கஷ்டப்பட்டால் தான் பலன் கிடைக்கும் . எட்டாம் எண்காரர்கள் எந்த விசயத்திலும் கஷ்டப்பட்டுதான் அதில் பலன் பெறுவார்கள் .

சிம்பிளாக முடிக்க வேண்டிய காரியங்களிலும் மிகவும் சிரமத்தின் மத்தியில் செய்து முடிப்பார்கள் . கடின உழைப்பாளிகள் . இருந்தும் உழைப்புக்கு ஏற்ற ஊதியம் குறைவாகத்தான் பெறுவார்கள் . கடும்போராட்ட குணம் நிறைந்தவர்கள் . மனதை ஒரு நிலையில் வைத்திருக்க மாட்டார்கள் . எல்லா இடமும் மனதை அலை பாய வைத்துக் கொண்டு இருப்பார்கள் .

சிறு வயதிலே பெரியவர்கள் போல பேச்சிலும் , நடை உடை பாவனைகளிலும் முதிர்ச்சி அடைந்தவர்கள் இந்த எண்காரர்கள் . ஏதாவது குறை , சஞ்சலம் ஏதாவது ஒன்று இவர்களுக்கு எப்போதும் இருந்து கொண்டே இருக்கும் . 8, 17, 26 ஆம் திகதிகளில் பிறந்தவர்கள் என்றால் இவர்கள் தமது வாழ்வில் தோல்விகள் , வேதனைகள் , அவமானங்கள் போன்றவற்றை சந்தித்தே இருப்பார்கள் .

பலரும் இந்த எட்டாம் எண்காரர்கள் என்றால் பயப்படுகிறார்கள் . எட்டாம் எண்ணில் ஏதாவது நற்காரியத்தையும் செய்ய தவிர்க்கிறார்கள் . ஆனால் எட்டாம் எண்காரர் போல் நல்லவர்களே இல்லை . எல்லோருக்கும் உதவும் மனப்பாங்கு கொண்டவர்கள் , எல்லோருடனும் அன்பாக, பண்புடன் பேசி எல்லோருடனும் சந்தோசமாக பேசி , சிரித்து மகிழ்வார்கள் .

கொலை, களவு , கொள்ளை , கடத்தல் போன்றவற்றில் சிக்கி மாட்டி கொள்ளும் பேர்வழிகளும் இவர்கள் தான் . தெய்வநம்பிக்கை அதிகம் இந்த எட்டாம் நம்பர்காரர்களிடம் உண்டு . இரும்பு , கணணி பொறியியலாளர்கள் , விவசாயம் , கட்டிடம் கட்டல் , வியாபாரம் போன்ற துறைகளில் ஈடுபட்டால் இவர்களுக்கு நன்மைதரும் . மனம்போல் வாழ்வு கிடைப்பது அரிது . இவர்களின் நண்பர்கள் 1, 4, 5 ஆகவே இருப்பார்கள் . இவர்களுடன் தான் அதிகம் நட்பாக இருப்பார்கள் .இந்த எட்டாம் எண்காரர் 5 ஆம் எண்காரர்களை , 1 ஆம் எண்காரர்களை திருமணம் செய்வது நன்று .

அதிரடி என்றால் சேவாக்

2011-12-09T12:07:00.001+05:30

நேற்றைய போட்டியில் சேவாகின் தூள் பறக்கும் அதிரடியை யாரும் மறந்து விட மாட்டார்கள் . எந்த பந்து வந்தாலும் எல்லாம் நொறுக்குத்தான். நான்கு ஓட்டங்களும் , ஆறு ஓட்டங்களுக்கும் பறந்து கொண்டு இருந்தது பந்துகள் . பந்து வீச்சாளர் ஒருவரை கூட விட்டு வைக்கவில்லை சேவாக் . எல்லாம் தூள் பறக்கும் அடி .

தொடக்க வீரராக சேவாக் , கம்பிர் ஜோடி தொடக்கம் முதலில் இருந்தே அதிரடியாக ரன்களை சேர்த்தனர். இந்திய அணிக்கு தலைவராக இருந்து ஒரு அரைசதம் கூட அடிக்காதவர் என்ற குற்றச்சாட்டால் தவித்து வந்தசேவாக் அதிரடியாக ஆடி 67 பந்துகளில் சதமடித்தார். மேற்கிந்தியத் தீவுகளின் ஆன்ட்ரே ரஸ்ஸல் வீசிய 44-வது ஓவரில் பவுண்டரியை அடித்து இரட்டைச் சதத்தைப் பூர்த்தி செய்தார் சேவாக். 140 பந்துகளில் 6 சிக்ஸர், 23 பவுண்டரி உதவியுடன் அவர் 200 ரன்களை எட்டினார்.மொத்தம் 149 பந்துகளில் 7 சிக்சர்கள், 25 பவுண்டரிகள் அடித்து 219 ரன்களில் அவுட்டானார். இதன்மூலம் ஒருநாள் போட்டிகளில் அதிக ரன்கள் எடுத்த சச்சினின் 200 ரன்கள் என்ற சாதனை முறியடித்தார் சேவாக் .

ஒருநாள் போட்டிகளில் 200 ரன்கள் அடிப்பது என்பது எல்லோருக்கும் முடியாது . ஆனால் அப்படி அடித்தால் அது செவாக்கால் மட்டுமே முடியும் என்று தான் பலரும் எண்ணி இருந்தார்கள் . அதை சேவாக் செய்து காட்டி உள்ளார் .கில்லி என்றால் கில்க்ரிஸ்ட் தான் . அவரின் ஓய்வுக்குப் பின்பு இப்போதைய கில்லி என்றால் சேவாக் தான் . அதில் எவ்வித சந்தேகமும் இல்லை .

இதுமட்டுமல்லாமல் டெஸ்ட் போட்டி ஒன்றில் 300 ஓட்டங்களையும் ஒரு நாள் போட்டியில் 200 ஓட்டங்களையும் கடந்த ஒரே வீரர் விரேந்தர் சேவாக் மட்டுமே. ஒருநாள் போட்டியில் ஓர் இன்னிங்ஸில் அதிக ரன்கள் குவித்தவரான சச்சினின் (200 ரன்கள் 147 பந்துகள்) சாதனையையும் தகர்த்து வரலாற்றுச் சாதனை படைத்தார் சேவாக். மேற்கிந்தியத் தீவுகளுக்கு எதிராக இரட்டைச் சதமடித்ததன் மூலம் ஒருநாள் போட்டியில் இரட்டைச் சதமடித்த இரண்டாவது வீரர் என்ற பெருமையைப் பெற்றார் சேவாக்.

ஒருநாள் போட்டியில் 8,000 ரன்களையும் கடந்து சாதனை படைத்தார். சாதனைகள் இப்படியே சேவாக்குக்கு தொடர்கிறது . சேவாக் இரட்டைச் சதமடித்து ஆட்டமிழந்து வெளியேறியபோது இந்திய வீரர் ரோஹித் சர்மா மட்டுமின்றி, மேற்கிந்தியத் தீவுகள் வீரர்களும் தங்களின் பாராட்டுகளைத் தெரிவித்தனர். ரசிகர்களின் உற்சாக குரலுக்கு மத்தியில் மட்டையை காண்பித்து மகிழ்ச்சியை வெளிப்படுத்தியவாறு வெளியேறினார்.

2010-ம் ஆண்டு குவாலியரில் நடைபெற்ற தென் ஆப்பிரிக்காவுக்கு எதிரான ஆட்டத்தில் சச்சின் அடித்த 200 ரன்களே ஒருநாள் போட்டியில் எடுக்கப்பட்ட அதிகபட்ச ரன்னாக இருந்தது என்பது குறிப்பிடத்தக்கது . இவ்வாண்டு அந்த சாதனையை மேற்கிந்தியத் தீவுகளுக்கு எதிரான போட்டியில் சேவாக் முறியடித்து உள்ளார் . டெஸ்ட் போட்டியில் இரண்டு முச்சதங்களை அடித்துள்ளார். 2004-ம் ஆண்டு முல்தானில் நடைபெற்ற பாகிஸ்தானுக்கு எதிரான டெஸ்ட் போட்டியில் 309 ரன்களும், 2008-ம் ஆண்டு தென் ஆப்பிரிக்காவுக்கு எதிராக 319 ரன்களும் குவித்துள்ளார். சர்வதேச அளவில் டெஸ்ட் போட்டியில் இரண்டு முறை முச்சதம் விளாசியவர்களில் சேவாக்கும் ஒருவர். ஆஸ்திரேலியாவின் டான் பிராட்மேன், மேற்கிந்தியத் தீவுகளின் பிரையன் லாரா ஆகியோர் முச்சதம் விளாசிய ஏனைய வீரர்கள்.

1999-ம் ஆண்டு மொஹாலியில் நடைபெற்ற பாகிஸ்தானுக்கு எதிரான ஆட்டத்தில் அறிமுக வீரராக களம் கண்ட சேவாக், தன்னுடைய 240-வது ஆட்டத்தில் இரட்டைச் சதமடித்தார். இதுவரை 240 போட்டிகளில் விளையாடி 8,025 ரன்கள் குவித்துள்ளார். இதுவரை 15 சதமும், 37 அரைசதங்களும் அடித்துள்ளார். 8 ஆயிரம் ரன்களை எட்டிய 6-வது இந்திய வீரர் சேவாக். சச்சின், கங்குலி, திராவிட், அசாருதீன், யுவராஜ் சிங் ஆகியோர் 8 ஆயிரம் ரன்களுக்கு மேல் குவித்துள்ள ஏனைய வீரர்கள் .

ஒருநாள் கிரிக்கெட் போட்டியில் இரட்டைச் சதமடிப்பேன் என்று ஒருபோதும் எதிர்பார்த்ததில்லை என்று சேவாக் கூறியுள்ளார். நானும், கம்பீரும் ஆட்டத்தைத் தொடங்கியபோது, நாம் கொஞ்சம் பொறுமையாக விளையாடினால், அதன்பிறகு பெரிய அளவிலான ஸ்கோரை எட்ட முடியும் என்று கம்பீரிடம் தெரிவித்தேன். மைதானம் நன்றாக இருந்தது. பவுண்டரி எல்லை 150 அடி தூரத்தில்தான் இருந்தது. பேட்டிங் பவர் பிளே தொடங்கியபிறகே இரட்டைச் சதமடிக்க முடியும் என்று நினைத்தேன். என்னுடைய கேட்ச்சை சமி தவறவிட்டபோது கடவுள் என்னோடு இருக்கிறார் என்று தெரிந்துகொண்டேன். என்னுடைய குடும்பத்தினருக்கும், ரசிகர்களுக்கும் நன்றி தெரிவித்துக் கொள்கிறேன். எல்லோருமே நான் இரட்டைச் சதமடிக்க வேண்டும் என்று எதிர்பார்த்தார்கள் என்பது எனக்குத் தெரியும். இந்த ஆட்டத்தில் சிக்ஸர் அடிக்க வேண்டும் என்று விரும்பினேன். அதை செய்தேன் என்றார்.

எல்லோரது வாழ்த்துக்களும் சேவாக்குக்கு வந்து கொண்டு இருக்கும் . கில்லி , அதிரடி மன்னன் சேவாக்குக்கு எனது வாழ்த்துக்களும் . எனது அபிமான கிரிக்கெட் நச்சத்திரங்களில் சேவாக்கும் ஒருவர் .

வாங்க தமிழ் பேசுவோம்

2011-12-07T16:01:00.001+05:30

நமது தாய் மொழி தமிழ் . சரி . அதை இன்று எத்தனை பேர் ஒழுங்காக வாசிக்க, படிக்க , எழுத தெரிகிறது . தமிழில் பேசிக் கொண்டு தமிழ் வாசிக்க தெரியாது . இப்போது பிறந்து வளரும் பிள்ளைகளை இங்கிலீஷ் மீடியத்தில தான் நாங்க சேர்ப்போம் என்று விடாப்பிடியாக இருக்கிறார்கள் பெற்றோர் .

கொச்சை தமிழிலும் , ஆங்கிலம் கலந்த தங்கிலீசும் தான் இப்போதைய பிள்ளைகள் பேசுகிறார்கள் . புலம்பெயர்ந்த அங்கு பிறந்த பிள்ளைகள் அங்கத்தைய மொழியையும் கற்று , தமிழ் டியூஷன் போகிறார்கள் . எத்தனை பெற்றோர் அப்படி படிக்க வைக்கிறார்கள் .

நாம் தமிழர் . நமது பிள்ளைகளுக்கு நமது தாய் மொழியையும் கற்றுக் கொடுக்க வேண்டும் . நாம் ஆங்கிலம் கட்டாயம் கற்கத்தான் வேண்டும் . நம் தமிழ் மக்கள் இருக்கும் ஒவ்வொரு நாட்டிலும் ஒவ்வொரு மொழிகள் உள்ளன . டட்ச் , பிரெஞ்சு எல்லாம் கற்றாலும் தமிழை பேசவாவது கற்றுக் கொள்ளுங்கள் .

வாங்க தமிழ் கற்க ஏற்ற தளங்கள் என்னென்ன என்று பார்ப்போம் .

http://www.unc.edu/~echeran/paadanool/ : ஒவ்வொரு பிரிவு , பிரிவுகளாக பிரிக்கப்பட்டு உள்ளது . ஆங்கில வடிவில் தமிழை இலகுவாக கற்கலாம் .

http://www.ancientscripts.com/tamil.html

http://ethirneechal.blogspot.com/2010/06/learn-tamil-online.html : விபரமாக தமிழை கற்றுக் கொள்ள .

இன்னும் பல தமிழ் கற்க , படிக்க , வாசிக்க உண்டு . சில தளங்கள் ஆன்லைன் மூலம் தமிழ் கற்க உதவும் . நண்பர்களே உங்களுக்கு தெரிந்த இணையத்தில் தமிழ் கற்க ஏற்ற தளங்களை நீங்களும் பகிர்ந்து கொள்ளுங்கள் .

ரஜனியின் அடுத்த படம் என்ன ?

2011-12-05T14:20:00.001+05:30

எந்திரனின் மாபெரும் வெற்றிக்கு பிறகு ரஜனி எந்த படத்தில் நடிப்பார் என்று எல்லோரும் ஆவலுடன் எதிர்பார்த்து காத்து இருந்தார்கள் . அதுக்கு இப்போதுதான் விடை கிடைத்துள்ளது . ராணா படம் என்று தான் இவ்வளவு நாளாக காத்து இருந்தோம் .

ஆனால், அந்த படம் இல்லை . கோச்சடையான் என்ற படத்தில் ரஜனி நடிக்க உள்ளார் . அவருக்கு ஏற்பட்ட நோயிலிருந்து முழுமையாக குணமடைந்து கம்பீரமாக தோற்றமளிக்கிறார் சூப்பர் ஸ்டார் . சௌந்தர்யா ரஜினி இயக்க, கே எஸ் ரவிக்குமார் மேற்பார்வையில் வரவிருக்கும் படம் இது. இந்தப் படத்தில் நாயகியாக அனுஷ்கா நடிப்பார் என்று கூறப்படுகிறது. அனுஷ்காவின் மார்க்கட் தான் இப்போது ஏறி உள்ளது .

ரஜனியின் தங்கை வேடத்தில் சினேகா நடிப்பார் என்று எதிர்பார்க்கப்படுகிறது . எத்தனை நடிகைகள் தாங்கள் ரஜனியுடன் ஒரு படத்திலாவது நடித்து விட வேண்டும் என்று ஏங்கித் தவிக்கிறார்கள் . ரகுமான் இசை அமைப்பார் என்று தெரிகிறது . கோச்சடையன்'. 3டி-யில் தயாராகும் வரலாற்றுப் படம் ஆகும் . வரலாற்று கதைகளில் நடிக்க தீவிர ஆசை காட்டி வருகிறார் ரஜனி .

ஸ்டண்ட் மாஸ்டர் யார் தெரியுமா இந்த கோச்சடையான் படத்துக்கு பீட்டர் ஹெயின் தான் . சிவாஜி , எந்திரன் படத்துக்கு பிறகு இந்த படத்திலும் சூப்பர் ஸ்டாருடன் சேர்ந்து பணியாற்ற இருக்கிறார் .

எனக்கு பிடித்த பாடகர் கார்த்திக்

2011-12-03T17:10:00.001+05:30

இசையில் , பாடல்களில் மயங்காதோர் யாரும் இல்லை . இப்போது வெளி வந்து கொண்டு இருக்கும் பல பாடல்களில் பாடகர் கார்த்திக்கின் குரல் எப்படியும் இருக்கும் . ஒரு பாடலாவது பாடி இருப்பார் . இனிமையான குரல் , எல்லோரையும் மயக்கும் குரல், எல்லோருக்கும் பிடித்த குரல் , சிறப்பான உச்சரிப்பு என எல்லாவற்றிலும் சிறந்து விளங்குகிறார் பாடகர் கார்த்திக் .

சமீபத்தில் வந்த பாடல்களில் பல சூப்பர் ஹிட் பாடல்களை தந்தவர் கார்த்திக் தான் . என்பது சதவீத பாடல்கள் கார்த்திக் பாடியவையாகத்தான் இருக்கின்றன . 1980 ஆம் ஆண்டு பிறந்தவர் கார்த்திக் . ஆரம்பத்தில் இசைப்புயல் ரகுமானிடம் இருந்து பல பாடல்களை பாடினார் . பின்னர் பல இசை அமைப்பாளர்கள் விரும்பும் பாடகராக மாறத்தொடங்கினார் . தமிழ் , இந்தி, தெலுங்கு , மலையாளம் , கன்னடம் ஆகிய மொழிகளில் பல பாடல்களை பாடி உள்ளார் .

எனக்கொரு கேர்ள் பிரண்ட் வேணுமடா என்ற பாடலின் மூலம் எல்லோரது மனதையும் தொட்டவர் . 2001 ஆம் ஆண்டு பிரசாந்தின் ஸ்டார் படத்தில் "நேந்துக்கிட்டேன் ....." என்ற பாடல் மூலம் அறிமுகமானார் . அந்த முதல் பாடலே எல்லோருக்கும் பிடித்த சூப்பர் ஹிட் பாடல் ஆனது . மூவாயிரத்துக்கு மேற்பட்ட பாடல்களை பாடி முடித்துள்ளார் இந்த பத்து வருடங்களில் . கஜனி படத்தில் " ஒரு மாலை " பாடல் ஹிட் பாடல் .

வாரணம் ஆயிரம் படத்தில் கார்த்திக் பாடிய " அவ என்ன என்ன " அந்த பாடல் எல்லா இளையர்களும் விரும்பி கேட்கும் பாடல் ஆனது . "தேரடி வீதியில் தேவதை வந்தா ", கண்பேசும் வார்த்தைகள் ",கனவெல்லாம் பலிக்குதே , உயிரே என்னுயிரே , காலங்காத்தால , விழி மூடி யோசித்தால் ", "அசிலி பிசிலி ", "சுத்துதே சுத்துதே பூமி "
என்று இவரது சூப்பர் ஹிட் பாடல்கள் ஏராளம் .

மயக்கும் குரலை கொண்டு பல சூப்பர் ஹிட் பாடல்களை தந்து கொண்டு இருக்கிறார் கார்த்திக் . வேலாயுதம் , மங்காத்தா படங்களிலும் இவர் பாடிய பாடல்கள் உண்டு . அரவான் படத்தின் மூலம் இசையமைப்பாளர் ஆகி இருக்கும் கார்த்திக் இன்னும் பல விருதுகளை பெற வேண்டும் , இன்னும் பல பாடல்களை பாட வேண்டும் என்பதே எல்லோரினதும் விருப்பு . ஆவல் . ஆசை .

இந்த மறதிக்கு மருந்து என்ன ???

2011-11-28T14:38:00.001+05:30

ஐயோ எதுவும் ஞாபகம் வருகுதில்லை . என்ன செய்வது . உடனுக்குடன் மறக்கிறேன் . என்ன செய்ய ? அடே இப்பதானே சொன்னேன் . உடனே மறந்திட்டாயா ? ஐயோ இவனோட பெரும் தொல்லை . இப்படி மறதி என்பது எல்லோருக்கும் வருவது தான் .

எனினும் சிறுவர்களுக்கும் , வயதுபோன முதியவர்களுக்கும் தான் இந்த மறதி அதிகம் காணப்படும் . பாடசாலையில் ஆசிரியர் வீட்டுப்பாடம் கொடுத்து விடடால் மறந்து போய் செய்யாமல் போய் எத்தனை நாள் நாம் எல்லாம் அடி வாங்கி இருப்போம் . ம்ம்ம்ம்ம்ம் அது எல்லோருக்கும் நடப்பது தானே .

அப்போது ஆசிரியர் தடியால் அடித்து அடித்து என்ன சொல்வார் . மறதிக்கு மருந்து மாச்டற்ற பிரம்பு என்பார் . கையை பார்த்தா கை சிகப்பாக , இரத்த கலரில் இருக்கும் . அதெல்லாம் பழைய ஞாபகம் . சரி விடயத்துக்கு வருவோம் . இந்த மறதிக்கு என்ன தான் தீர்வு ?

நாம் சத்தான உணவுகளை உன்ண வேண்டும் . பச்சை காய்கறி வகைகள் , கீரை வகைகளை உணவில் ஒவ்வொரு நாளும் சேர்த்துக் கொள்ள வேண்டும் . சிறு வயதில் இருந்தே பிள்ளைகளுக்கு இந்த பழக்கத்தை பழக்க வேண்டும் . ஆரோக்கியமான உணவுகளை உண்டு வந்தால் மறதி என்ற பேச்சுக்கே இடமில்லை .

எப்போதும் மனதை ஒருநிலைப்படுத்தி வைத்திருக்க வேண்டும் . அலைபாய விடக் கூடாது . அப்போது மறதி தானாக வந்து விடும் . எனவே டென்சனை குறைக்க வேண்டும் .

விட்டமின் நிறைந்த உணவுகள், பழங்கள் என்பவற்றை நாம் அன்றாட உணவில் சேர்த்துக் கொள்ள வேண்டியது அவசியம் . தலையில் அடி பட்டு , மண்டை கலங்கி இருந்தாலும் இந்த மறதி பிரச்சனை வர செய்யும் . அதிகம் தண்ணீர் அருந்த வேண்டும் . நீர்ச்சத்து அதிகம் உள்ள உணவுகளை உண்டால் உடம்புக்கு நல்லது .

உறைப்பு அதிகம் உட்கொள்ளல் கூடாது . காரம் குறைவாக இருக்க வேண்டும். அது எல்லோருக்கும் நல்லது . எளிதில் செரிமானம் அடையக் கூடிய உணவுகளை உண்டால் நல்லது . பழச்சாறு தயாரித்து நாமே செய்து ஒவ்வொரு நாளும் குடிக்கலாம் . மனதுக்கும் , உடம்புக்கும் கூலாக இருக்கும் அல்லவா ?

ம்ம்ம்ம்ம்ம்ம்ம் மறதியை நாமே மாற்றலாம் . மறதி இல்லாமல் , வாழ்வில் டென்சன் இல்லாமல் இருப்போம் .

கண்ணீரால் ஒரு கவிதை

2011-11-28T14:18:00.001+05:30

காதலித்து பார் கவிதை

வரும் என்றார்கள்

ஆனால், அவளுக்கு

காதலிக்கும் போது

கவிதை வரவில்லை

காதலில் தோற்ற பின்பு

தான் அவளுக்கு நிறைய

கவிதை வந்தது

எழுதுகிறாள் கனத்த

இதயத்துடன் அது

கவிதை வடிவம்

அவளின் கண்ணீராய்

காகிதங்களை நனைக்கின்றன

ஈர விழிகளுடன் அவளது

பொழுதுகள் கழிகின்றன .......

காதலில் தோற்றவேளை.......

2011-11-28T14:02:00.001+05:30

நான் அவனை சந்திக்கும்

நேரம் எல்லாம் என்

காதலை சொல்ல

விரும்பினேன் எனினும்

என்னால் முடியவில்லை

அவனின் மனதில் என்ன

இருக்கிறது என்று அறிந்து

பின்பு சொல்வோம் என்று

பொறுத்திருந்தேன் என்

மேல் விழுந்தது இடி

அதுதான் எனக்கு முதல்

என் நண்பி அவனிடம்

தன் காதலை சொல்லி

விட்டாள்- அவனும் ஏற்றுக்

கொண்டான் - என் மனம்

பதைபதைத்தது , இதயம்

கனத்தது எனினும் நான்

நினைத்தேன் இதே நான்

எனது காதலையும் முதலில்

சொல்லி இருந்தால் ஏற்று

இருப்பானோ ,அல்லது

வெறுத்து இருப்பானோ என்று

எண்ணினேன் ம்ம்மம்மம்ம்ம்ம்

என்ன செய்வது இப்படி

காதலில் தோற்றவர்கள் என்னை

போல் எத்தனை பேர் இருக்கிறார்கள் ???

கூட இருந்து குழி பறிப்பவர்கள்

எத்தனை பேர் ? யாரைத்தான் நம்புவதோ ???

எனது நண்பியின் ஏக்கம் இது . நண்பி என்னையும் அந்த துரோகி என்று நினைத்து விடாதே . ஹி..........ஹி ....ஹி .............

நடிகர் ரஜனியை உங்களுக்கு பிடிக்க காரணம்

2011-11-25T12:39:00.001+05:30

நடிகர் ரஜனியை கூடுதலாக எல்லோருக்கும் பிடிக்கும் . சூப்பர் ஸ்டார் அல்லவா . குழந்தைகள் முதல் பெரியவர்கள் வரை எல்லோரும் அவரின் படங்களை விரும்பி பார்க்கிறார்கள் . ரஜனி ஒரு ஸ்டார் ஆக திகழ்ந்து கொண்டு இருக்கிறார் .

அநேக படங்கள் வெற்றி படங்கள் தான் . வசூலிலும் சக்கை போடு போடுகிறது ரஜனியின் படங்கள் . இப்போதெல்லாம் பழைய படங்களை ரீமேக் செய்யும் காலம் . அதில் ரஜனியின் படங்களை ரீமேக் செய்ய அதிகமானோர் விரும்புகிறார்கள் . ரஜனி நடித்த படத்தின் தலைப்பை பயன்படுத்தவும் துடிக்கிறார்கள் .

எந்திரன் பல கோடிகள் செலவழித்து எடுக்கப்பட்ட படம் என்று எமக்கு தெரியும் . நல்ல வசூல் போட்ட முதலை விட வசூல் ஆகி இருக்கிறது . ரஜனி சூப்பர் ஸ்டார் தான் என்று புரிகிறது . இந்த வயதிலும் ரஜனி பட்டையை கிளப்பிக் கொண்டு தான் இருக்கிறார் . ரஜனியை அசைக்க முடியாது .

சரி விசயத்துக்கு வருவோம் . ரஜனியை எல்லோருக்கும் பிடிக்கிறது . ஒவ்வொருத்தருக்கு ஒவ்வொரு காரணம் இருக்கிறது . நான் சின்ன வயதில் இருந்து ரஜனியின் படங்களை அதிகம் ரசித்து பார்ப்பதுண்டு . அவரின் நடிப்பு , ஆக்சன் , ஸ்டைல் என்று சொல்லிக் கொண்டே போகலாம் .

பாட்சா, எஜமான் படத்தில் அவரின் நடிப்பு பிடிக்கும் . முத்து , படையப்பா அவரின் ஸ்டைல் பிடிக்கும் . எந்திரன் பிரமாண்டம் . இப்படி ஒவ்வொரு படங்களையும் சொல்லிக் கொண்டே போகலாம் . தலையை சிலுப்பி விடும் விதம் , பாடல்களில் அவரின் நடிப்பு , நகைச்சுவை காட்சியில் அவரின் நடிப்பு, பாணி என்பன எனக்கு ரொம்ப ரொம்ப பிடிக்கும் .

சினிமாவுக்கு வெளியில் என்று பார்த்தால் எல்லோரிடமும் எளிமையாக பழகும் விதம் , ஏனைய நடிகர்களை ஊக்குவிக்கும் பாங்கு போன்றன எனக்கு பிடிக்கும் . நண்பர்களே உங்களுக்கும் ரஜனியை பிடித்து இருக்கும் . உங்களுக்கு பிடித்த விடயங்கள் என்ன ? வாங்க உங்க கருத்தையும் தெரிவியுங்க ....

முதியவரின் அவஸ்தை

2011-11-25T12:12:00.001+05:30

கொட்டும் மழையில்

நனைந்து பிச்சை எடுத்துக்

கொண்டு இருக்கிறார் ஒரு

முதியவர் -அவரின் கால்கள்

நடுங்குகின்றன , கைகள்

விறைக்கின்றன- இருந்தும்

தனது வயிற்று பசியை

தீர்ப்பதற்க்கு அவர் படும்

அவஸ்தையை பார்க்கும்

போது கவலைதான் வருகிறது

எதிர் தெருவில் நின்று

நான் கவனித்த விடயம்

எனக்கு அவருக்கு உதவி செய்ய

முடியாமல் போனது ஏனெனில்

அந்த நேரம் நான் காத்திருந்த

பஸ் வந்து விட்டது - அதனால்

எனக்கு உதவ முடியவில்லை .

அந்த வயோதிபருக்கு எத்தனை

பிள்ளைகளோ யார் கண்டார் .......

மழலையின் சிரிப்பில் ........

2011-11-23T10:43:00.001+05:30

உனது மழலை சிரிப்பை

நான் ரசிக்கிறேன் ,

ஆனந்தப்படுகின்றேன்.

உன் சிரிப்பை யார் தான்

விரும்ப மாட்டார்கள் .

பெற்றோர்கள் துன்பத்திலும்

தமது குழந்தையின் ஆனந்த

சிரிப்பை பார்த்து ஆனந்தம்

அடைகின்றனர் அல்லவா ?

இதுதான் உண்மையான சந்தோசம் .

மழலையின் சிரிப்பில்

ரசித்தால் துன்பமில்லை ,

கவலை இல்லை ,

யோசனை இல்லை

இவ்வளவும் மழலையின்

அந்த காந்த சிரிப்பில்

இருக்கிறது .

உனது ஆனந்த சிரிப்பில்

பத்து மாதம் சுமந்து

கஷ்டப்பட்டு உன்னை இந்த

உலகுக்கு கொண்டு வந்த

உனது தாய் கூட தனது

வலியை, கஷ்டத்தை

மறக்கிறாள் அல்லவா ???

நாம் ரசிக்கும் செல்லங்கள்

இந்த புன் சிரிப்பை எப்போதும்

தவள வேண்டும் , மகிழ்வுடன்

வாழ வேண்டும் ...

திருமணங்கள் சொர்க்கத்தில் நிச்சயிக்கப்படுகின்றனவா ? திருமணங்கள் நிச்சயிக்கப்படுவது ரொக்கங்களிலா? உங்கள் பதில் என்ன ?

2011-11-21T17:06:00.001+05:30

ஆணாக இருந்தாலென்ன , பெண்ணாக இருந்தாலென்ன நிச்சயம் இருவரும் திருமணம் செய்து கொள்ள வேண்டும் . அப்போதுதான் வாழ்வின் தொடக்கத்தை ஆரம்பிக்கிறார்கள் . திருமணம் பெற்றோரால் நிச்சயிக்கப்படுபவையும் உண்டு . ஆனால், சில திருமணங்கள் இருமனம் ஒன்று சேர்ந்து காதல் திருமணங்களிலும் முடிகின்றன .

என்னப்பா நீ இன்னும் கல்யாணம் செய்து கொள்ளவில்லையா என்று கேட்டால் அவன் சொல்லுவான் எனக்கென்று ஒருத்தி எங்க பிறந்து , எங்க வந்து கொண்டு இருக்கிறாளோ தெரியவில்லை . அவளுக்காக காத்து இருக்கிறேன் என்கிறான் .

இன்னுமொருவன் நான் எனக்கென்று ஒரு நல்ல வேலை தேடி கைநிறைய சம்பாதித்து ஒரு நல்ல நிலைமைக்கு வந்ததும் திருமணம் செய்து கொள்ள வேண்டும் . அப்போதுதான் எனக்கு வரப்போகின்ற மனைவியை கண்கலன்காது காப்பாத்த முடியும் என்கிறான் . இது படித்த , திறமையான , புத்திசாலியான ஒருவன் சொல்வது .

இதே பெண்களிடம் கேட்டால் ; என்னடி உனக்கு எப்போ கல்யாணம் என்றால் அவள் சொல்வாள் எங்கு இருக்கிறானோ , என்ன செய்கிறானோ யார் கண்டது . சந்தையில் காய்கறிகளுக்கு ஏலம் பேசுவது போல் எமக்கு எப்போது ஏலம் பேசி முடிவதோ தெரியவில்லையே என்கிறாள் .

இன்னொருத்தி நான் சம்பாதிக்கிறேன் , நல்ல சம்பளம் பெறுகிறேன் இருந்தும் என்னிடமும் சீதனம் எதிர்பார்க்கிறார்கள் . அம்மா , அப்பா படிக்க வைத்தார்கள் . பணம் அதிகம் செலவழித்து படிக்க வைத்தார்கள் . நானும் படித்து பட்டம் பெற்று நல்ல சம்பளம் பெறுகிறேன் . இருந்தும் என்னிடமும் வரதட்சனை கேட்கிறார்கள் . நான் கல்யாணம் செய்து உழைத்து அம்மா , அப்பாவிடமா கொடுக்க போகிறேன் . இல்லையே . ஆனால் , எனது பெற்றோர் என்னை படிக்கவும் செலவழித்து , இனி அவர்கள் கேட்கும் லட்சங்களையும் கொடுக்க முடியுமா ? அதனால் , நான் அவர்கள் கேட்கும் பணத்தை நானே சேமித்து முடித்தவுடன் தான் எனக்கு கல்யாணம் என்று உறுதியாக என் பெற்றோரிடம் கூறி விட்டேன் என்கிறாள் .

என்னடா இது படிச்சாலும் இப்படி கேட்கிறார்கள் ? படிக்காவிட்டாலும் இப்படி கேட்கிறார்கள் என்ன வாழ்க்கைடா?

சரி வேலை செய்யும் இடங்களில் ஒருவருக்கு ஒருவர் பேசி இருமனங்கள் ஒன்று சேர்ந்து விட்டால் நிம்மதி என்று பார்த்தால் அங்கும் தலை இடி தான் . அம்மா நான் உனக்கு ஏற்ற மருமகளை பார்த்து விட்டேன் . நீ போய் பார்த்து பேசு என்பான் . அவர்கள் போய் என்ன பேசுவார்கள் ஏதோ பையன் விருப்பபட்டுட்டான் சரி . எங்களுக்கும் ஓகே . எவ்வளவு கொடுப்பீங்க ? ?? அவ்வளவுதான் . போச்சடா போ .அதிலும் சில திருமணங்கள் நடக்கும் . சில திருமணங்கள் தட்டுப்படும் . அவனும் என்ன செய்வது பெற்ற்றோர் எங்களுக்கு பிடிக்கவில்லை . உனக்கு வேறு ஒரு பெண் பார்க்கிறோம் என்று சொல்வார்கள் . நாங்க உன்ன கஷ்டப்பட்டு வளர்த்தோம் . நீ யார் சொல் கேட்கப் போகிறாய் என அவனை அடக்கி வைத்து விடுவார்கள் ? அவனும் என்ன செய்வது தலையை ஆட்ட வேண்டியது தான் .

இப்படித்தான் பல வீடுகளில் நடக்கிறது . என்னதான் உலகம் மாறினாலும் , தொழில் நுட்ப வசதி வாய்ப்புகள் வந்தாலும் இந்த சீதனம் / வரதட்சனை பிரச்சனை தொடர்ந்து கொண்டுதான் இருக்கிறது . சிலர் எல்லோருக்கும் தெரியும்படி வாங்குகிறார்கள் . சிலர் அவருக்கும், இவருக்கும் தெரியாமல் உள்வீட்டுக்குள் கதைத்து பேசி முடித்து விடுகிறார்கள் .

எத்தனை திருமணங்கள் வரதட்சனை கேட்டு கொடுக்காதபடியால் இடையில் நிறு இருக்கின்றன . எத்தனை திருமணங்கள் வரதட்சனை இல்லாமல் நடைபெறாமல் இருக்கின்றன . பணமாகவோ , நகையாகவோ , ஏதாவது சொத்தாகவோ அதாவது வீடு , காணி போன்றன இருக்க வேண்டும் . இப்படி இருக்கிறது நிலைமை . நம் தமிழர்களின் முக்கிய பிரச்சனைகளில் ஒன்றாக அல்லவா இது மாறிக் கொண்டு இருக்கிறது . அதுக்குள் போட்டியும் இருக்கிறது என்ற மகனுக்கு என்ன குறைச்சல் . இவ்வளவு அவன் சம்பாதிக்கின்றான் . இவ்வளவு இலட்சம் கொடுத்தால் என்ன என்று மகனின் தாயார் கேட்கின்றார் .

பெண்ணை பெற்றோர் எவ்வளவு கஷ்டப்படுகிறார்கள் ஒரு திருமணத்தை செய்து முடிப்பதற்க்கு . இப்போதைய படித்த இளையர்கள் எங்களுக்கு சீதனமே வேண்டாம் . பெண் நல்ல குணாம்சமுள்ள பெண்ணாக இருந்தால் சரி என்கிறார்கள் . ஆனால் இந்த மகன்மாரை பெற்ற தாய்மார்கள் தான் விடாப்பிடியாக , பிடிவாதமாக இருக்கிறார்கள் சீதனம் வாங்குவதற்க்கு.

இந்த சமுதாயம் திருந்துவது எப்போது ? இப்போது காதல் கல்யானம்களிலும் இந்த பிரச்சனை இருக்கிறது . பெண் காதலித்து ஒருவரை கல்யாணம் செய்துகொள்ளப் போவதாக பெற்ற்ரோரிடம் தெரிவிக்கிறாள் . பெற்றோர் யாரம்மா அந்த பையன் என விசாரித்து வீடு செல்கிறார்கள் . அங்கு சீதனப் பேச்சும் இடம்பெறுகிறது . சமுதாயத்தில் ஒருவர் , இருவர் திருந்தி பிரயோசனம் இல்லை . எல்லோரும் திருந்த வேண்டும் . எல்லோரும் வாழ வேண்டும் . வசதி , வாய்ப்புகள் இல்லாமல் எத்தனை பெண்கள் கல்யாணம் செய்து கொள்ளாமல் தாய்மாருடன் தமது காலத்தை வீண் பொழுது கழிக்கிறார்கள் .

எல்லோரும் இவற்றை உணர வேண்டும் . நாம் திருந்த வேண்டும் . இந்த சமூகம் திருந்த வேண்டும் . நம் இனம் திருந்த வேண்டும் என்பதே எல்லோரினதும் அவா . இப்போது சொல்லுங்கள் திருமணங்கள் சொர்க்கத்தில் நிச்சயிக்கப்படுகின்றனவா ? திருமணத்தை ரொக்கங்கள் தீர்மானிக்கின்றனவா என்று ?

உங்களது நண்பர்களுக்கு திருமண வாழ்த்து தெரிவிக்க வேண்டுமா ? வாங்க வாழ்த்து தெரிவிக்கலாம் .

2011-11-18T12:01:00.001+05:30

எமக்கு எல்லோருக்கும் நண்பர்கள், உறவினர்கள் என்று பலர் இருக்கிறார்கள் . அவர்களுக்கு திருமணம் நடக்கின்றது என்றால் நாம் நேரில் சென்று வாழ்த்து தெரிவிப்போம் . அல்லது வாழ்த்து மடல் அனுப்புவோம் . அல்லது செய்தி அனுப்புவோம் .

நாம் திருமணத்தில் கலந்து கொள்ள முடியவில்லை என்றால் வாழ்த்து செய்தியை அவர்களுக்கு அனுப்புவோம் . அந்த வாழ்த்தை அனுப்ப நமக்கு உபயோகம் தரும் தளங்கள் உள்ளன. அந்த தளங்களை உங்களுக்கு தருகிறேன் . உங்களது நண்பர்கள், உறவினர்களுக்கு நீங்கள் வாழ்த்து அனுப்ப இந்த தளம் போய் உங்களுக்கு பிடித்த வாழ்த்தை கொப்பி செய்து அனுப்புங்கள் .

திருமணத் தம்பதியினரை வாழ்த்தி வாழ்த்து தெரிவிக்க : http://www.articleswave.com/weddings/best-wishes-for-weddings.html

http://www.articleswave.com/weddings/best-wishes-for-weddings.html

http://blakeflannery.hubpages.com/hub/Wedding-Card-Messages-----What-To-Write-In-A-Card

http://www.my-best-wishes.com/

http://www.wishesmessagessayings.com/wedding-messages.html

http://www.samplemessages.in/wedding-wishes-messages.html

ஐஸ்வர்யா ராய்க்கு பெண் குழந்தை

2011-11-16T12:15:00.001+05:30

என்று ஐஸ் கர்ப்பமாக இருக்கிறார் என்று அமிதாப் சொன்னாரோ அன்றில் இருந்து எல்லோரும் ஐஸ்க்கு என்ன குழந்தை பிறக்கும் , எப்போது பிறக்கும் என்று காத்திருந்தோர் பலர் . அதுவும் நவம்பர் இரண்டாம் வாரத்தில் குழந்தை பிறக்கும் என்று மருத்துவர்கள் அறிவித்ததில் இருந்து ஐஸ்வர்யாவின் ரசிகர்களும், மீடியாக்களும் எப்பொழுது குழந்தை பிறக்கும், என்ன குழந்தை பிறக்கும் என்று டென்ஷனாக சுற்றிக் கொண்டிருந்தனர்.

இன்றைக்குத்தான் ரசிகர்களின் டென்சன் குறைந்து இருக்கு . அதுதானப்பா நம்ம ஐஸுக்கு இன்று காலை 10 மணி அளவில் சுக பிரசவத்தில் அழகிய பெண் குழந்தை பிறந்துள்ளது . பிரசவத்திற்காக மும்பையில் உள்ள செவன் ஹில்ஸ் மருத்துவமனையில் சேர்த்தனர். இன்று அழகிய பெண் குழந்தையை பெற்று எடுத்துள்ளார் ஐஸ் .

இதுவரைக்கும் ஐஸ் பற்றி வெளிவந்த செய்திகள் ஏராளம் .இரட்டை குழந்தைகள் பிறக்கும் என்றும் கூறினார்கள் ஜோசியர்கள் . பத்திரிகைகளிலும், இணையங்களிலும் அதிகம் ஐஸ் பற்றி தான் . புளி அச்சாறு, பீட்சா, டோக்லா, தயிர் வடை, பாவ் பாஜி, பரோட்டா என்று பல உணவுப் பொருட்கள் சாப்பிட ஆசையாக உள்ளதாம். மனைவியின் ஆசையை நிறைவேற்ற அபிஷேக் கடை, கடையாக அலைந்து அவர் கேட்கும் உணவுப் பண்டங்களை வாங்கி வந்து தருகிறார். மனைவியின் ஆசையை நிறைவேற்றுகிறார் என்று நாம் படித்த செய்திகள் பல .
ஐஸ்வர்யா ராய்க்கும், அபிஷேக் பச்சனுக்கும் கடந்த 2007ம் ஆண்டு திருமணம் நடந்தது குறிப்பிடத்தக்கது . குட்டி ஐஸ் பிறந்திருக்கிறார் என்று அபிஷேக் மிகவும் சந்தோசத்தில் உள்ளார் . எல்லோரினதும் வாழ்த்துக்களும் ஐஸுக்கும் .

எனக்கு பிடித்த Ferrero Rocher

2011-11-16T11:49:00.001+05:30

எனக்கு சொக்லேட் பிடிக்கும் . ரொம்ப பிடிக்கும் . எல்லோருக்கும் சொக்லேட் பிடிக்கும் தானே . சரி எனக்கும் சொக்லேட் என்றால் வெள்ளை சொக்லேட் கூடுதலாக பிடிக்கும் . கோகோ சொக்லேட் பிடிக்கவே பிடிக்காது . ஆனால், அதுக்கும் காரணம் உண்டு . கொஞம் கைக்கும் தானே . அதுதான் .

வெள்ளை சொக்லேட் பிடிக்கும். பருப்பு , கச்சான் போட்ட சொக்லேட்கள் என்றால் ரொம்பவும் பிடிக்கும் . எனது அங்கிள் வெளிநாட்டில் இருந்து வந்து Ferrero Rocher சொக்லேட் தந்தார் . நான் சொன்னேன் . அங்கிள் இதென்ன சொக்லேட் . நான் சாப்பிட்டதே இல்லையே. நல்லா இருக்குமா ? ருசியா ? என்று கேட்டேன் . அங்கிள் சொன்னார் .

ஐயோ . நீ இன்னும் இந்த சொக்லேட் சாப்பிட்டது இல்லையா . ரொம்ப நல்லா இருக்கும் . வெளிநாடுகளில் எல்லோரும் விரும்பி சாப்பிடுவார்கள் . விலையும் கூட . ம்ம்ம்ம் அப்படியா ? நானும் சாப்பிட்டு பாப்போம் என்று சாப்பிட்டேன் . அன்றில் இருந்து இன்று வரை Ferrero Rocher என்றால் போதும் . யாரேனும் வெளிநாட்டில் இருந்து வந்தால் சரி . கொண்டுவராமல் விடவே மாட்டார்கள் . எப்பிடியும் எனக்காக கொண்டு வருவார்கள் .

ஒன்று, இரண்டு அல்ல முழுதும் சில மணித்தியாலங்களுக்குள் முடிந்து விடும் . இப்போது எனக்கு பிடித்த சொக்லேட்டாக மாறி விட்டது என்றால் பாருங்களேன் . நண்பர்களே நீங்களும் இந்த Ferrero Rocher சாப்பிட்டது உண்டா ?

சிம்மக்குரல் பாடகர் ஜேசுதாஸ்

2011-11-15T11:39:00.001+05:30

பிரபல பின்னணிப் பாடகரும் , கர்நாடக சங்கீத இசை மேதையுமான கே. ஜே . ஜேசுதாஸ் திரைத்துறையில் பாடகராக அறிமுகமாகி 50 ஆண்டு காலத்தை நிறைவு செய்துள்ளார் . திரைத்துறையில் இது மிகப்பெரிய சாதனை ஆகும் . மதம், மொழி என்பதற்க்கு அப்பாற்பட்டது இசை . இசைக்கு மயங்காத மனிதன் இல்லை . நல்ல இசை கேட்கும் போது, பாடல்களை கேட்கும் போது நம்மையே நாம் மறந்து விடுகின்றோம் .

தெய்வீக குரலை உடைய ஜேசுதாஸ் அவர்கள் பாடிய அணித்து பாடல்களும் மனதுக்கு இதம் தரும் குரல் , கேட்க கேட்க ரசனையான பாடல்களும் அற்புத குரல் வளமும் இயற்கையிலே அமையப் பெற்றவர் . அது ஒரு கொடை. இறைவன் அளித்த கொடை . எல்லோருக்கும் நல்ல குரல்வளம் வாய்ப்பதில்லை. அப்படி வாய்த்தாலும் அந்த நல்ல குரலை அவர்கள் பயன்படுத்தி சிறந்த பாடகர்களாக திகழ்ந்து விடுவதில்லை . தமது திறமையை அவர்களே மழுங்கடித்து விடுவார்கள் .

தனது 50 ஆண்டுகால கலை வாழ்க்கையில் மலையாளம், தமிழ், தெலுங்கு, கன்னடம், இந்தி. பெங்காலி, ஒரியா, குஜராத்தி, துலு, மராத்தி, ஆங்கிலம், ரஷ்யன் உள்ளிட்ட 14 மொழிகளில் 50 ஆயிரத்துக்கும் மேற்பட்ட பாடல்களைப் பாடி சாதனை புரிந்துள்ளார். ம்ம்ம்ம் இப்போதைய பாடகர்கள் இளம் பாடகர்கள் இவ்வளவு காலம் தாக்குப்பிடிப்பார்களா என்றால் சந்தேகம் தான் . இரண்டு, பத்து பாடல்கள் தான் பாடி இருப்பார்கள் . பின்பு அவர்களின் பாடல்களை கேட்க முடிவதில்லை .

1961ம் ஆண்டு நவ.14ம் தேதி கல்பாடுகள் என்ற மலையாள படத்திற்காக தனது முதல் பாடலை பாடினார். அப்போது தொடங்கிய தனது இசை பயணத்தை இப்போதும் தனது 71 வயதிலும் தொடர்கிறார் என்றால் அது சாதனை தானே . பல விருதுகளை தமது குரல்வளம் மூலம் , பாடல்கள் மூலம் வென்று எடுத்துள்ளார் . தெய்வீகப் பாடகர் எனப் போற்றப்படும் ஜேசுதாசின் பாடல்களை கேட்டு மயங்காதோர் இல்லை . திரைத்துறையில் சிறந்த பாடல்களை பாடியதற்காக 7 முறை தேசிய விருதும், 17 முறை மாநில விருதும் பெற்றுள்ளார்.

என்னை விட்டால் யாருமில்லை" , 'மலரே குறிஞ்சி மலரே", "தெய்வம் தந்த வீடு வீதியிருக்கு" , 'செந்தாழம் பூவில்', 'பூவே செம்பூவே', 'ராஜ ராஜ சோழன் நான்', 'கண்ணே கலைமானே', 'வெள்ளைப்புறா ஒன்று' இந்த பாடல்களுக்கு மயங்காதோர் இல்லை. எனக்கும் மிகவும் பிடித்த பாடல்கள் . காலம் கடந்தும் கேட்டு ரசிக்க கூடிய பாடல்கள் .

சிம்மக்குரலோன், காந்தக்குரலோன் என தனது குரலால் மயக்கும் வல்லமை கொண்டவர் பாடகர் ஜேசுதாஸ் . இவர் பாடிய பக்தி பாடல்கள் மனதை உருக்கும் வல்லமை படைத்தவை. வயதையும் காலத்தையும் கடந்த ஒரு அற்புதமான பாடகர் . ஒரு மிகச்சிறந்த ஆண்குரலுக்கு சொந்தக்கார பாடகர்களில் ஒருவர் பாடகர் ஜேசுதாஸ் . பாடகர் எஸ் . பி. பி க்கு அடுத்து நான் ரசிக்கும் இன்னொரு குரல் என்றால் அது ஜேசுதாஸ் அவர்களின் குரல் தான் . அந்த காலத்து பாடல்களுக்கு உயிர் கொடுத்தவர்கள் .

பட்டினிச்சாவும் , வறுமையும்

2011-11-14T13:40:00.001+05:30

ஒவ்வொரு நாளும் பட்டினியாலும் , வறுமையாலும் எவ்வளவு உயிர்கள் இந்த உலகில் பலியாகிக் கொண்டு இருக்கிறார்கள் . உணவு, உறைவிடம் , உடை இன்றி தவிக்கிறார்கள் . பஞ்சம் , பசி என ஒருவேளை உணவுக்கு கூட வசதி இல்லாமல் இருக்கும் குடும்பங்கள் எத்தனை . எங்கே செல்கிறது இந்த உலகம் .

சில வசதி படைத்தவர்கள் தாம் முன்னேறி தாம் சந்தோசமாக வாழ்ந்தால் சரி. மற்றவர்களை பற்றி எமக்கு கவலை இல்லை என்று அதிக செலவுகள் செய்து சொகுசாக வாழ்கிறார்கள் . செல்வந்தன் இன்னும் வசதி கூடி சொத்து , சுகபோகங்களுடன் வாழ்கிறான் . ஏழை அவன் இன்னும் தாழ்ந்து போகிறான் . அவன் முன்னேற இந்த உலகில் அவனுக்கு வாய்ப்புகள் , வசதிகள் இல்லை .

இன்று உலகில் வேலையில்லாப் பிரச்சனை அதிகமாகி விட்டது . இளைஞர் , யுவதிகள் திண்டாடுகின்றனர் . படித்து விட்டு நல்ல வேலையை எதிர்பார்த்து தமது காலத்தை வீணடிக்கின்றனர் . படித்த படிப்புக்கு ஏற்ற வேலை கூட கிடைப்பதில்லை .

பிறந்தநாள் கொண்டாட்டம் , கல்யாணம் என்று ஆடம்பரச் செலவுகள் செய்கிறார்கள் . அதிகம் செலவு செய்து ஆகோ ...ஓகோ என்று கொண்டாட்டங்கள் கொண்டாடுகிறார்கள் . சாப்பாடுகள் விதம் விதத்தில் ஓடர் செய்கிறார்கள் . எல்லோரும் சாப்பிட்டு முடிந்ததும் மீதியாக உள்ள சாப்பாட்டை கொட்டுகிறார்கள் . அதனை ஒருவேளை கூட சாப்பிடாத , கஷ்டப்பட்ட மக்களுக்கு கொடுத்து அவர்களின் வயிற்று பசியை போக்கினால் என்ன . அதனை இவர்கள் செய்வதில்லை . அப்படி அவர்கள் வாயார சாப்பிட்டு வாழ்த்தும் போது எவ்வளவு சந்தோசம் வரும் தெரியுமா ?

இருப்பவர்களுக்கு கொடுத்து பயனில்லை . இல்லாதவர்களுக்கு கொடுக்கும் போது தான் எமது மனம் குளிரும் . இருப்பவர்கள் புளியப்பத்தில் வந்து அதையும், இதையும் போட்டு இரண்டு வாய் சாப்பிட்டு கொட்டி விட்டு போவார்கள் . இல்லாதவர்கள் , பசியோடு இருப்போருக்கு கொடுக்கும் போது அவர்கள் ஒன்றும் விடாமல் வயிறார சாப்பிட்டு நம்மை ஒரு சந்தோசத்துடன் ஒரு பார்வை பார்ப்பார்கள் பாருங்கள் . அதுதான் திருப்தி .

இன்னும் சில நாடுகளில் போதிய உணவு , தண்ணீர் இல்லாமல் எவ்வளவு குழந்தைகள் , பெரியோர்கள் இருக்கின்றனர் . அவர்களை பார்த்தால் ஆவது நாம் திருந்த வேண்டாமா ?கொட்டாமல் , சிந்தாமல் உணவுகளை உண்ணுங்கள் . நமக்கு இறைவன் மூன்று வேளையும் சாப்பிட்டு நன்றாக இருக்கின்றோமே என்று நினைத்து இறைவனுக்கு நன்றி சொல்லுங்கள் .

மனநிறைவு அடைவது எப்படி ?

2011-11-14T13:09:00.001+05:30

எங்களது மனம் ஒரு நிலையில் நிற்காது . அலைபாய்ந்து திரியும் . அதை இப்படி செய்தால் நல்லமா , எப்படி செய்தால் நல்லம் என்று மனதை போட்டு குழப்பிக் கொண்டு இருப்போம் . யாருடைய மனதுக்குள் என்ன இருக்கிறது என்று நாம் புரிந்து கொள்ள முடியாது . அவர்கள் பேசும் பேச்சில் இருந்து தான் நாம் அவர்களை பற்றி அறிந்து கொள்ள முடிகிறது .

மனதை அலைபாய விடாதே . மனதை ஒருநிலைப்படுத்து என்று சொல்கிறார்கள் . எல்லோராலும் அப்படி இருக்க முடிகிறதா . ம்ம்ம்ம்ம்ம்ம் இல்லையே . தியானம் அவசியம் . ஆனால், எல்லோரும் மனதை ஒருநிலைப்படுத்தி இருக்க அவர்களுக்கு முடிகிறதா ? சந்தேகம் தான் .

உயர்ந்த நிலையில் இருப்பவர்கள் தம்மை விட வசதி அதிகமாகவும் , ஆடம்பரமுள்ளவர்களாகவும், சொத்துகள் , வீடுகள் என்று வசதி உடையோரிடம் பழகத்தான் ஆசைப்படுகிறார்கள் . விருப்பபடுகிறார்கள். அவர்களது வாழ்க்கையை , வசதிகளை தமது வாழ்க்கையோடு , வசதியோடு ஒப்பிட்டு பார்த்து அவர்கள் இப்படி இருக்கிறார்கள் , அப்படி இருக்கிறார்கள் என ஏக்கம் அடைகின்றனர் . இதுதான் துன்பத்திற்க்கு ஆரம்ப புள்ளியாகி வாழ்க்கையை நரகமாக்குகிறது .

எம்மை விட வசதி குறைந்தவர்களுடன் எமது வாழ்க்கையை ஒப்பிட்டு பார்க்க வேண்டும் . அப்போது எமது வாழ்க்கை இன்னமும் வசதி கூடியதாகத் தெரியும் . மனதை இவ்வாறு சமாதானப்படுத்தி வாழும்போது தான் துன்பத்திலிருந்து தானாகவே விடுதலை கிடைத்து விடுகிறது . இதுதான் மன நிறைவு என்று சொல்வார்கள் . மனதை இப்படித்தான் நிறைவோடு வைத்திருக்க முடியும் .

நாம் அம்பானி ஆகி விட வேண்டும் , பில்கேட்ஸ் ஆக வேண்டும் என்று நினைத்து இரண்டு நாளில் ஆகிவிட முடியுமா ? நமக்கு எது முடியுமோ அதனை தான் செய்ய வேண்டும் . நாம் கோடீஸ்வரர் ஆக வேண்டும் என்றால் உடனே ஆகி விட முடியுமா . இல்லை . நாம் முன்னேற வேண்டும் என்றால் கடின உழைப்பு , புத்திசாலித்தனம் , தைரியம் , தன்னம்பிக்கை போன்ற குணாதிசயங்கள் நம்மிடத்தில் இருந்தால் தான் நாம் முன்னேற முடியும் .

அவர் இப்படி இருக்கிறார் , நல்ல சாரி அவள் அணிந்து இருக்கிறாள் , நகைகள் அடுக்கி போட்டு இருக்கிறாள் என்று நாம் மற்றவர்களை பார்த்து ஏங்குகிறோம், பொறாமை படுகின்றோம் . அது தவறு . நமது வசதி வாய்ப்புக்கு ஏற்ப தான் நாம் வாழ முடியும் .