வாங்க பீட்சா சாப்பிடுவம்

இன்றைய நவநாகரிக உலகில் பிட்டு , இடியப்பம் போன்ற உணவுகளை விட எல்லோரும் விரும்பி உண்ணும் உணவுகளில் ஒன்றாக மாறி இருக்கிறது பீட்சா . 

இலகுவில் தயாரித்து , இலகுவில் உண்ணக்கூடியது இந்த பீட்சா. வெளிநாடுகளில் எல்லாம் அன்றாட உணவுகளில் இதுவும் ஒன்று . சிறியவர்கள் முதல் பெரியவர்கள் வரை விரும்பி உண்கிறார்கள் .பீட்சா, பிட்சா, பிசா, பிச்சா என பலவிதங்களில் அழைக்கப்படும் பிட்சா நாகரீக இளைஞர்களின் அடையாளங்களில் ஒன்றாகவே காணப்படுகிறது

எதுவும் அளவுடன் சாப்பிட்டால் நன்மை . அளவுக்கு அதிகமாக சாப்பிடாமல் இருத்தல் நல்லது . இருந்துட்டு ஒரு நாளைக்கு விரும்பிய நேரத்தில் நாம் கடைகளில் ஓடர் செய்து வாங்கி சாப்பிடலாம் .மரக்கறி வகைகளிலும் , இறைச்சி வகைகளிலும் தயார் செய்கிறார்கள் . ஒவ்வொரு ருசிகளிலும் , சுவைகளிலும் , வடிவங்களிலும் இந்த பீட்சா இருக்கிறது .