எனக்கு பிடித்த தங்கமான புருஷன் பாடல்

நாடகங்களில் வரும் பல பாடல்கள் எல்லோருக்கும் பிடித்தவையாக இருப்பது வழமை .அதுபோல் எனக்கும் பல பாடல்கள் பிடிக்கும் . அதிலே மிகவும் பிடித்த பாடல் என்றால் தங்கமான புருஷன் நாடகத்தில் வரும் பாடல்தான் . அர்த்தமுள்ள வரிகள் , கேட்க கேட்க ஆசையாக இருக்கிறது இசையமைப்பு . பாடிய சின்னக்குயில் சித்திரா நன்றாக அனுபவித்து அழகாக பாடுகிறார் . இந்த பாடலில் சொல்வது போல இருப்பவர்கள் எத்தனை பேர் என்று தெரியவில்லை . இந்த பாடலில் சொல்வது போல பெண்களும் , ஆண்களும் இருந்தா எவ்வளவு சந்தோசமாக இருக்கும் வாழ்க்கை .

இந்த பாடலை அப்படியே அவளே தங்கமான மனைவி என்று மாத்தியும் யோசியுங்கோ நண்பிகளே . இது ஆண்களுக்கு மட்டுமல்ல , பெண்களுக்கும் சேர்த்து தான் சொல்கிறேன் . இல்லறம் நல்லறமாக இருக்க நல்ல வழி .


தங்கம் போல குணமிருக்கணும்
தாயைப்  போல மனமிருக்கணும்
மனசு போல வாச்சிருக்கணும்
மனைவி பேச்சை கேட்டிருக்கணும்
அவனே தங்கமான புருஷன் .

மூக்கும் முழியும் அமைஞ்சிருக்கணும்
பார்க்கும் படியா அழகிருக்கணும்
அத்தை மாமனை மதிச்சிருக்கணும்
அன்பு பொங்கும் மனசிருக்கணும்
அவனே தங்கமான புருஷன் .

சம்பளம் மொத்தமும் வீடு வந்தாகணும்
சம்சாரம் கையில அத தந்தாகணும்
அந்த வள்ளுவன் சொல்லிய இல்லறம்
என்கிற நல்லறம் காத்திடணும் (தங்கம் போல )

தாலி கட்டி வந்தவளை தலைக்கு மேல
தூக்கி வச்சு தாங்குவானே தங்கமான புருஷன்
ஒரு நிமிஷம் பிருஞ்சிருந்தா பல வருஷம்
பிரிஞ்சது போல்  ஏங்குவானே தங்கமான புருஷன்

கொண்டவளை ஊர்வசியா , மேனகையா , தேவதையா
கொஞ்சுறவன் தங்கமான புருஷன்
கண்டவளை எண்ணிடாம ஆண்களிலே கண்ணகியா
வாழுறவன் தங்கமான புருஷன்

அதுபோல் இருந்தா அது மனைவி பாக்கியம்
அவனை புகழ இங்கு இல்ல வாக்கியம் (தங்கம் போல )