வானொலிகளும் ரசிகர்களும்

படித்தவர்கள் முதல் பாமரர்கள் வரை எல்லோரும் கேட்பது வானொலி தான் . எல்லோருக்கும் பிடித்த நிகழ்ச்சிகளை கால நேரத்துக்கு ஏற்ப திறம்பட செய்து ரசிகர்களை கவர்கின்றன வானொலி நிகழ்ச்சிகள் என்பதில் ஐயமில்லை .

உலகளாவிய ரீதியில் பல வானொலிகள் இருக்கின்றன . ஒன்லைன் மூலமும் நிகழ்ச்சிகளை உலகில் எந்த மூலையில் இருந்து கொண்டாலும் கேட்டு மகிழலாம் . தமிழ் வானொலிகளும் பல உண்டு உலகளாவிய ரீதியில் . மலேசியா , சிங்கப்பூர் , இங்கிலாந்து , இந்தியா , இலங்கை , நெதர்லாந்து , கனடா , சுவிஸ் என்று பல நாடுகளிலும் தமிழ் வானொலி அலைவரிசைகள் இருக்கின்றன .

தமிழர்களின் கலாசாரம் , நடைமுறைகள் , சிறப்பு விசேஷங்கள் போன்ற விடயங்களை அறியத்தருவதுடன் விசேட  கோவில் திருவிழாக்கள் நேரடி ஒலிபரப்பும் இடம்பெறுகின்றன . இலங்கையிலும் பல வானொலி அலைவரிசைகள் உள்ளன .

தமிழில் சக்தி , வெற்றி , வசந்தம் , சூரியன் வானொலி அலைவரிசைகள் உள்ளன . விளையாட்டு செய்திகள், நாட்டு நடப்புகள், உலக நடப்புகள் என்பனவற்றை உடனுக்குடன் கேட்டு மகிழலாம் . புத்தம் புதிய திரைப்பட பாடல்களை எல்லாம் கேட்டு மகிழ்வதோடு காலத்தால் அழியாத இடைக்கால, பழைய பாடல்களை இரவு வேளைகளில் கேட்க கூடியதாக உள்ளது .

சிலர் வாசித்து அறிவதை விட கேட்பதில் அதிக ஆர்வம் காட்டுவார்கள் . வானொலியில் அவர்கள் பல தகவல்களையும் கேட்டறிந்து கொள்கிறார்கள் . சிலர் படிக்கும் போதே வானொலி கேட்டுக்கொண்டே படிப்பார்கள் . வேறு சிலர் வானொலியை காலையில் போட்டால் இரவு படுக்கும் போதுதான் பூட்டுவார்கள் . அவர்கள் எல்லா நிகழ்ச்சிகளையும் கேட்பார்கள் . இப்போது கைத்தொலைபேசிகளிலும்  வானொலி நிகழ்ச்சிகளை கேட்டு மகிழலாம்

இதில் இன்னொரு சுவாரசியம் என்னவென்றால் சிலர் ஒரு வானொலி அலைவரிசையில் ஒரு நிகழ்ச்சியை கேட்க மாட்டார்கள் . பல தடவை மாற்றி மாற்றி எந்த அலைவரிசையில் தங்களுக்கு பிடித்த பாட்டு போகுதோ அந்த அலைவரிசைக்கு திருப்பி தங்களுக்கு பிடித்த பாட்டை கேட்பார்கள் .அது போல தான் நானும் . சிலர் காலை நேரத்தில் ஒரு அலைவரிசையிலும் , இரவு நேரத்தில் இன்னொரு அலைவரிசையிலும் திருப்பி நிகழ்ச்சிகளை கேட்பார்கள்.

சிலர் தமக்கு பிடித்த அலைவரிசை ஏதோ அதில் மட்டுமே போடுவார்கள் . வேறு அலைவரிசை நிகழ்ச்சிகளை கேட்பதே இல்லை . சிலர் தமக்கு பிடித்த அறிவிப்பாளர் எந்த நிகழ்ச்சி செய்கிறாரோ அந்த நிகழ்ச்சியை விரும்பி கேட்பர்.

மாறி மாறி வானொலி அறிவிப்பாளர்களும் ரசிகர்களுக்கு பிடித்த நிகழ்ச்சிகளை தொகுத்து வழங்கி ரசிகர்களின் ஆதரவை பெறுகிறார்கள் . நிகழ்ச்சிகளும் அருமையாக இருக்கின்றன. அறிவிப்பாளர்கள் தமது குரல் வளத்தாலும் , நிகழ்ச்சிகளை தொகுத்து வழங்கும் பாங்கும் அருமை .