Sunday, November 7, 2010

உலக நாயகன் கமலின் பிறந்தநாள் இன்று

http://deepwarriors.com/wp-content/uploads/2010/08/kamal-hassan-Pictures.jpg
உலகநாயகனான கமல்ஹாசனுக்கு இன்றைய தினம் பிறந்த நாள் ஆகும் . நவம்பர் மாதம் 7 ஆம் திகதி 1954  ஆம் ஆண்டு இந்தியாவின் பரமக்குடி என்னும் இடத்தில் பிறந்தார் . இன்று தனது 56 ஆவது பிறந்த நாளை கொண்டாடுகிறார் .
http://www.bharatstudent.com/ng7uvideo/bs/gallery/normal/movies/bw/2008/apr/dasavatar/dasavatar_027.jpg
தமிழ் சினிமாவை உலக சினிமாவுக்கு கொண்டு சென்றவர் . சினிமாவில் ஏற்று இராத பாத்திரங்கள் இல்லை . அவர் நடிக்காத வேடங்கள் இல்லை . சினிமாவில் தெரியாத அம்சங்கள் இல்லை . படத்துக்கு படம் வித்தியாசமான நடிப்பு , வித்தயாசமான வேடங்கள் என்று தனது பாத்திரத்தின் தன்மை உணர்ந்து நடிப்பார் . சில முக்கியமான கதைகளை நகைச்சுவையாக நடித்து எல்லோருக்கும் புரியும் படி நடிப்பதிலும் வல்லவர்.
http://farm4.static.flickr.com/3539/3321454553_f1ee4ddf06_m.jpg
எனக்கு கமலிடம் பிடித்த விடயம் என்னவெனில் அவரது வித்திசாமான வேடம் அணிந்து நடிப்பது . அவ்வை சண்முகியாகட்டும், தசாவதாரமாகட்டும் அச்சு பிசகாமல் சிறப்பான நடிப்பு . தனது உடல்கட்டமைப்பை என்றும் இளமையாக வைத்திருக்கிறார் .

ஏழை மக்களுக்கு உதவி செய்வது , மாணவர்களுக்கு உதவி செய்வது போன்ற பல நல்ல திட்டங்களை தனது பிறந்த நாளில் கமல் செய்வது வழமை . இப்படியான நல்ல உள்ளமும் கொண்டவர் . தமிழ் தவிர ஹிந்தி, தெலுங்கு, மலையாளம், கன்னடம் ஆகிய மொழித் திரைப்படங்களிலும் நடித்துள்ளார். ராஜ்கமல் பிலிம்ஸ் என்ற திரைப்படத் தயாரிப்பு நிறுவனத்தையும் நடத்தி வருகிறார்.
http://www.lazygeek.net/images/velu_naiker.jpg
களத்தூர் கண்ணம்மா திரைப்படத்தில் இருந்து வெளிவர இருக்கும் மன்மதன் அம்பு வரை அவரது கலை பயணம் தொடர்ந்து கொண்டு இருக்கிறது . எனக்கு இவர் நடித்த படங்களில் பிடித்த படங்களாக மூன்றாம் பிறை , நாயகன், அபூர்வ சகோதரர்கள் , வசூல் ராஜா , அவ்வை சண்முகி , இந்தியன் , தெனாலி , தசாவதாரம் போன்ற படங்கள் எனக்கு மிகவும் பிடித்த படங்கள் ஆகும் .
http://www.getmobiware.com/files/5681_dasavatharam-stills19.jpg
1960 ஆம் ஆண்டு  தமிழ்  திரைப்படங்களில் அறிமுகம் ஆனார் . 1962 ஆம் ஆண்டு  மலையாளத் திரைப்படங்களில் அறிமுகம் ஆனார் . 1977 ஆம் ஆண்டு வங்காளம் , கன்னடம் , தெலுங்கு , இந்தி திரைப்படங்களில் அறிமுகம் ஆனார் .  தசாவதாரம் படத்தில் பத்து வேடங்கள் ஏற்று நடித்திருந்தார் .
http://3.bp.blogspot.com/_eYfkWNPoiiQ/Smx4wfn_PTI/AAAAAAAAC_0/HhCHdPYF4gA/s400/kamal_hassan.jpg
மூன்று முறை, இந்திய அரசின் நடிப்புக்கான தேசிய விருதுகள் பெற்று உள்ளார் .(மூன்றாம்பிறை, நாயகன், இந்தியன்) போன்ற படங்களில் நடித்தமைக்காக இவ்விருதுகள் கிடைத்தன . சிறந்த குழந்தை நட்சத்திரத்துக்கான இந்திய தேசிய விருது. (திரைப்படம் – களத்தூர் கண்ணம்மா). 18 பிலிம்பேர் விருதுகளை அள்ளி உள்ளார் . பத்மஸ்ரீ விருது கூட பெற்று உள்ளார் . சத்யபாமா நிகர்நிலை பல்கலைக்கழகம் வழங்கிய கௌரவ டாக்டர் பட்டம் பெற்று உள்ளார் .
http://www.timescontent.com/tss/photos/preview/165993/Kamal%20Hassan.jpg
இன்று பிறந்தநாளை கொண்டாடும் நடிகர் கமலுக்கு எல்லோரினதும் பிறந்த நாள் வாழ்த்துக்கள் உரித்தாகட்டும் . இன்னும் பல வெற்றி படங்களை தர வேண்டும் என்பதே ரசிகர்கள் அனைவரினதும் அவா .




2 comments:

சே.குமார் said...

Nalla pakirvu.
Kamalukku piranthanal vazhththukkal.

Pavi said...

நன்றி குமார்