அஜித்தின் 50 ஆவது படம்

 

அஜித் கார் ரேசில் பங்குபற்றியதால் படங்களில் நடிக்கவில்லை . அசல் படத்திற்க்கு பின் அஜித் நடிக்கும் 50 ஆவது படம் தான் பெரும் சிக்கலாக உள்ளது . படத்தின் பெயர் மாற்றம் , இயக்குனர் மாற்றம் என பெரும் சில்லெடுப்புக்கு மத்தியில் சரியான விடை கிடைத்துள்ளது  அஜித் ரசிகர்களுக்கு .

கெளதம் மேனன் அஜித்தின் படத்தில் இருந்து விலக தற்போது அந்த இடத்தை இயக்குனராக கெட்டியாக பிடித்துள்ளார் வெங்கட்பிரபு . அஜித்தின் 50 ஆவது படத்தின் இயக்குனர் வெங்கட்பிரவு என்று உறுதியாகி விட்டது . நாயகி விடயத்திலும் இருந்த சிக்கல் நீங்கி விட்டது .

நாயகியாக அனுஷ்கா அஜித்துடன் ஜோடி சேரவுள்ளார். விஜய், சூர்யாவைத் தொடர்ந்து அடுத்து அஜித்துடன் இணைகிறார் . ஏற்கனவே விஜயின் வேட்டைக்காரன் படத்திலும் , சூர்யாவின் சிங்கம் படத்திலும் நடித்து உள்ளார் . சிங்கம் அனுஷ்காவுக்கு ஒரு திருப்புமுனையான படமாக அமைந்தது .

தற்போது அஜித்தின் 50 ஆவது படத்துக்கு "மங்காத்தா "என்று பெயர் இட்டுள்ளனர் . அஜீத் நடிக்க வெங்கட்பிரபு இயக்க, தயாநிதி அழகிரி  தயாரிக்கவுள்ள மங்காத்தா படத்தில் அஜீத்துக்கு ஜோடியாகிறார் அனுஷ்கா.  இயக்குனர் வெங்கட்பிரபு ஏற்கனவே சரோஜா , சென்னை08 போன்ற வெற்றி படத்தை இயக்கியவர் என்பது தெரிந்ததே .

அஜித்தின் படம் எப்போது வரும் என ஆவலுடன் எதிர்பார்த்து இருக்கிறார்கள் . எப்போது மங்காத்தா படம் வெளிவரும் என்பது இன்னும் தெரியாது . அஜித் முழுக்கவனமும் படத்தில் செலுத்தி தனது 50 படத்தில் சிறப்பாக நடித்து ,  நல்ல கதையம்சமுள்ள படமாக , எல்லோரும் குடும்பத்துடன் சேர்ந்து பார்க்க கூடிய குடும்ப பாங்கான படமாக  அமைய வேண்டும் மங்காத்தா .