பாராட்டுக்கள் தான் எம்மை சந்தோசப்படுத்தும் .......

பரீட்சையில் பாஸ் பண்ணும் போது நீ கஷ்டப்பட்டு படித்தாய் . நல்ல ரிசல்ட் வாங்கினாய் . உனக்கு எமது பாராட்டுக்கள் என்கின்றோம் . நல்ல வேலை கிடைத்து போகும் போது எமது நண்பரை பாராட்டுகின்றோம் . விளையாட்டில் வெற்றி பெறும்போது அந்த குழுவை , அணியை வாழ்த்துகின்றோம் .

இப்படி நாம் பல விதங்களில் ஒவ்வொருவருக்கும் பாராட்டுகளை தெரிவித்துக் கொள்கின்றோம் . இதே சிலர் இந்த பாராட்டை தெரிவிப்பதில்லை . தனது மகன் பட்டம் பெற்றான் என்றால் அவனை இன்னும் நாம் பாராட்டி , வாழ்த்தும்போது தான் அவன் இன்னும் ஒருபடி சந்தோசம் அடைகின்றான் . அவனுக்குள் ஒரு உந்து சக்தி வரும் . நாம் இன்னும் முன்னேற வேண்டும் என்று .

நீ கஷ்டப்பட்டு படித்து , கடினமாக உழைத்தாய் , வெற்றி பெற்றாய் , எண்கள் மனம் குளிர்கிறது என்று அவனுக்கு பாராட்டுகளை தெரிவிக்க வேண்டும் . உற்றார் , உறவினர் , நண்பர்கள் எல்லோரும் வாழ்த்தும்போது அவனது சந்தோசம் எல்லையற்றது .

நாம் எமது நண்பனையோ, உறவுகளையோ நல்லது செய்யும் போது நாம் பாராட்டுகின்றோம் . பாராட்ட வேண்டும் . நாம் அவர்களுக்கு பாராட்டு தெரிவிப்பதன் மூலம் நாம் ஒன்றும் எந்த விடயத்திலும் குறையப்போவதில்லை . நீதான் என் நண்பன் . நீ தான் என்னுடைய அக்கா என்று பூரிப்பு அடைகிறான் .

இதே போல்தான் கணவன் , மனைவிக்குள்ளும் இந்த பாராட்டு தெரிவிப்பது இருக்க வேண்டும் . இன்றைக்கு நீ சமைத்த கறிகள் இன்றைக்கு ருசியாக இருக்கிறது என்று கணவன் பாராட்டுகின்றார் . அப்போது மனைவியின் சந்தோசத்தை பார்க்கணுமே . அப்படி பாராட்டும்போது தான் நான் இன்னும் நல்ல ருசியாக சமைக்கணும் என்று அவர்களுக்கு ஒரு எண்ணம் தோன்றும் . அதுவே என்ன கொடுத்தாலும் சாப்பிட்டு ஒன்றும் பாராமல் போவது , எதுக்கும் இது சரியில்லை, அது சரியில்லை என்று சொல்வது கூடாது .

சிலர் நினைப்பது இவர்களுக்கு நல்ல இருக்குது என்று சொன்னவுடன் தலைக்கனம் ஏறி பிறகு சரியாக சமைக்க மாட்டார்கள் என்று அது தவறு . இந்த சாரி உங்களுக்கு நல்ல இருக்கிறது . இந்த சேட் உங்களுக்கு நல்ல இருக்கிறது என்று ஆணோ , பெண்ணோ இப்படியான பாராட்டுகளை தெரிவிக்க வேண்டும் .

மனைவியோ , கணவனோ சில வீடுகளில் பார்த்தீர்கள் என்றால் மனைவி இந்த கலர் உங்களுக்கு நல்லா இருக்கு இந்த சேட் என்று சொன்னால் போதும் . அதே ஒரு கிழமைக்கு போட்டபடிதான் இருப்பார்கள் . யாராக இருந்தாலும் அன்பை வெளிப்படுத்துங்கள் . வாழ்த்துக்கள், பாராட்டுதல்களை வழங்குங்கள் .