வாங்க சாப்பிடுவம் புட்டும் மீன் பொரியலும்

நம்மவர்கள் சாப்பாட்டில் ஒரு பிடி பிடிப்பது வழக்கம் . அதுவும் இப்போது சிலர் மேற்கத்தைய உணவுகளை விட கிராமங்களில் செய்து மண் சட்டியில் சமைக்கும் உணவுகளுக்கு ஆசைப்படுகிறார்கள் .

இயற்கையான உணவுகள் , சத்தான உணவுகள் என அவற்றை விரும்புகின்றனர். இன்றைய நாகரிக உலகில் எதையோ சாப்பிட்டு வயிற்றை நிரப்பினால் சரி என்று தான் நினைக்கிறோம் . அதில் சத்து உள்ளதா , எமக்கு ஆரோக்கியம் தரும் உணவுகளா என்று நாம் சிந்திப்பதில்லை .

இது நாம் எல்லோரும் தான் . துரித உணவுகள் தான் அதிகம் உன்னுகின்றோம் . நமது கைப்பட மினக்கட்டு ஒரு உணவை தயாரித்து சாப்பிட நேரமில்லை , அலுப்பு , சோம்பல் தனம் வேறு . சரி நான் சொல்ல வந்த விடயத்துக்கு  வருவோம் .

பலர் புட்டும் , மீன் பொரியலும் சாப்பிட ஆசைப்படுகின்றனர். மீன் போரியல் மணத்துடன் புட்டை சுவைத்து சாப்பிடுகின்றனர் . கிராமப்புறங்களில் எல்லாம் மீனை உடனே பிடித்து கழுவி உடனே பொரித்து சாப்பிடுவார்கள் . ருசியாத்தான் இருக்கும் . ம்ம்ம்ம் எல்லோருக்கும் இந்த வாய்ப்பு கிடைக்குமா என்ன ?

நாம் எல்லாம் மீனை வாங்கி ஒரு கிழமைக்கு மேல் குளிர்சாதனப்பெட்டியில் வைத்து எடுத்து சமைக்கின்றோம் . அதில் ருசி இருக்குமா ? ஏதோ போகிறது வாழ்க்கை .