இக்காலத்தில் நல்ல நட்பு அமைவது கடினம்

நட்பு என்பது சொந்த பந்தங்களை தாண்டி ஒருவர் மீது இன்னொருவருக்கு ஏற்படும் பாசம் , அன்பு அதையும் தாண்டியது . தங்கையோடு அண்ணன் நட்போடு இருக்கலாம் . அக்காவோடு தங்கை நட்போடு இருக்கலாம் . ஆனால் ஊர் வேறு , மொழி வேறு என ஒரு சொந்தமும் இல்லாமல் வருவது நட்பு .

எத்தனைபேருக்கு ஆத்மார்த்தமான நண்பர்கள் கிடைக்கின்றார்கள் . தனது நண்பிக்காக எதையும் செய்யும் , செய்யத் துணியும் நட்பு கொண்டவர்கள் எத்தனை பேர் . அப்படி இருப்போர் அபூர்வம் . விரல் விட்டு எண்ணக் கூடியவர்கள் தான் உள்ளனர் . 

நமக்கு நல்ல பெற்றோர் கிடைத்தால் நாமும் நல்லவர்களாக , சமுதாயத்தில் ஒரு நல்ல பிரஜையாக வாழ்வோம் . நல்ல நட்பு கிடைத்தால் அவன் எமது வாழ்நாள் பூராக நன்றிக்கடன் பட்டவனாகவும் , எமது நன்மை , தீமைகளுக்கு எமக்கு உறுதுணையாகவும்,  சோர்ந்து இருக்கும் போது தட்டி தூக்கி விடுபவனாகவும் , ஆபத்தில் உதவி செய்ய முன் நிட்பவனாகவும் , எமக்கு ஒரு பிரச்சனை என்றால் தீர்த்து வைக்கும் ஒருவனாகவும் , எமது கவலைகளை அவனிடம் கொட்டி தீர்த்து அதற்க்கு ஒரு தீர்வு சொல்லும் ஒரு ஆசானாகவும் இருக்கிறான் ஒரு நண்பன் .

சிறுவயதில் பழகிய நட்பு நாம் வாழும் வரைக்கும் தொடர்கிறது என்றால் அந்த நட்பில் ஒரு களங்கமும் இராது . அது சிறந்த நட்பு . எப்போதும் எதையும் விட்டுக் கொடுத்து , தமது கவலைகளை சொல்லி தீர்த்து இருவரும் தமது முன்னேற்றப் பாதையில் , வாழ்வில் சிறந்து விளங்குவார்கள் . ஆண்களின் நட்பு இறுதிவரை செல்கிறது . ஆனால் , பெண்களின் நட்பு அப்படி தொடர்வது குறைவு . கல்யாணம் செய்தவுடன் அந்த நட்பு சிலருக்கு தொடர்வதில்லை . 

சிலர் நாம் எப்போதும் நண்பர்கள் என அந்த நட்பை தொடர்கிறார்கள் . பெண்கள் ஒரு ஆணுக்கு நண்பியாக இருக்கும்போது அந்த நட்பு காதலாக மாறி திருமணத்தில் முடி வடிகிறது . ஆனால் , சிலரது நட்பு அப்படி இல்லை . கடைசி வரைக்கும் அவன் ஒரு நண்பனாக இருக்கிறான் . அவன் வேறு ஒருவரை திருமணம் செய்கிறான் . அவள் வேறோ ஒருவரை திருமணம் செய்கிறாள் . ஆனாலும், அவர்கள் நண்பர்களாக தமது இன்ப , துன்பங்களை பகிர்ந்து கொள்கிறார்கள் . 

ஆனால் , எல்லா இடங்களிலும் இப்படி நடப்பதில்லை . அவளுடைய கணவன் சந்தேகப்பட்டால் அவளது வாழ்க்கையில் சண்டை, சச்சரவு வந்து இவர்களின் பழைய நட்பால் விவாகரத்து வரை செல்வதும் உண்டு . அதற்க்கு ஏற்றபடி நடந்து கொள்ள வேண்டியது அவரவர் பொறுப்பு .

நட்புக்கு எல்லை இல்லை . நல்ல நட்பால் சாதித்தவர்கள் அதிகம் . நட்பு என்ற போர்வையில் சீரளிந்தவர்களும் உண்டு . நமக்கு ஏற்ற நண்பர்களை தேர்வு செய்து அவனது பழக்கவழக்கங்கள், குணங்கள் எமக்கு பிடித்திருந்தால் அவனை எமது நண்பனாக ஏற்றுக் கொள்ளலாம் . அவன் தீய பழக்கங்களுடன் இருக்கிறான் என்றால் அவனை விலத்தி நாமும் விலகி நடப்பது நமக்கு நல்லது . 

வெளிப்பார்வைக்கு எல்லாம் நன்றாகத்தான் இருக்கிறது . வெளுத்ததெல்லாம் பால் என்று நினைக்கபடாது . எல்லோருக்கும் ஒவ்வொரு காலகட்டத்தில் பல நண்பர்கள் வருவார்கள், பழகுவார்கள் . ஆனால் , அவை நிலைப்பதில்லை . சிலருக்கு சிலரது நட்பு பாடசாலை காளான்கள் முடிந்ததும் முடிவடைகிறது . சிலரது நட்பு தொடர்கிறது . 

இன்னும் சிலரது நட்பு வேலை செய்யும் இடங்களில் இருந்து ஆரம்பிக்கிறது .