ஏமாற்றாதீர்கள்

காதலிப்பது ஒருவரை , கல்யாணம் பண்ணிக்கொள்வது இன்னொருவரை . இதுதான் இப்போதைய லேட்டஸ்ட் பசனாக மாறி விட்டது . ஆண்களும் அப்படித்தான் , பெண்களும் அப்படித்தான் . எல்லா இடங்களிலும் இப்படித்தான் நடக்கின்றது . சில நல்லுள்ளங்களை தவிர .

காதலையே கொச்சை படுத்துபவர்களும் இந்த உலகத்தில் இருக்கிறார்கள் . காதலை வாழ வைப்போரும் இந்த உலகில் இருக்கிறார்கள் . எல்லா இடங்களிலும் இருவரும் காதல் ஜோடிகளாக சுற்றி திரிந்து விட்டு பின்பு அப்பா, அம்மா பார்க்கும் மாப்பிளையையோ , பெண்ணையோ கல்யாணம் செய்து கொள்கிறார்கள் . பின்பு கேட்டால் பெற்றோரின் சம்மதம் முக்கியம் என்கிறார்கள் . அப்போ ஏன் நீங்க காதல கொச்சை படுத்திறீங்க ? மற்றையவரை ஏமாத்துறீங்க ? அப்பா, அம்மா சம்மதம் தான் முக்கியம் என்றால் ஏன் இன்னொருவருடன் ஊர் சுற்றுகிறீர்கள் ? அப்போ ஏன் காதலித்தீர்கள் ? அதை தவிர்க்கலாம் தானே . ஏன் இந்த ஏமாற்றும் வித்தை ???

ஏன் இன்னொரு மனசை புண்பட வைத்து ஏமாற்று பேர்வழிகளாக இருக்கிறீர்கள் ? நீங்கள் ஏமாற்றும் பெண்ணாக இருந்தால் அவள் சுற்றி திரிந்த இடங்கள் , உங்களுடன் பழகிய நாட்களை எண்ணி மனம் வெதும்புவாள் . இதே ஒரு ஆணாக இருப்பின் மதுவுக்கு ஆளாகி , தாடி வைத்து பைத்தியம் போல அலைகிறான் . இது எதற்க்கு ?

ஆனால் இப்போது காலம் மாறி விட்டது . ஒருவன் ஏமாற்றினால் இன்னொருவன் , ஒருத்தி ஏமாற்றினால் இன்னொருத்தி . தாடிவைத்து திரிவதெல்லாம் அந்தகாலம் . வெளிநாடு சென்றால் அவன் வெளிநாட்டு மாப்பிளை . அவன் மனதை மாற்றி விட்டு வேறொரு பெண்ணை திருமணம் செய்கிறான் . அவள் பெற்றோர் பார்க்கும் வெளிநாட்டு  மாப்பிளையை கல்யாணம் பண்ணி வெளிநாடு செல்கிறாள் .

எல்லாம் நடக்கட்டும் சரி . ஏன் இந்த ஏமாற்று நடத்தை . ஒருவனுக்கு ஒருத்தி என்ற நமது பண்பாடு எல்லாம் எங்கே . காற்றோடு பறந்து போய் விட்டதா ? ஒருவர் செய்யும் தவறு இன்னொருவரை பாதிக்க கூடாது .

எல்லோரும் இந்த உலகில் நல்லவர்களும் இல்லை . கெட்டவர்களும் இல்லை . சில நல்ல உள்ளங்கள் இன்றும் இருக்கத்தான் செய்கின்றன . ஒருவனுக்கு ஒருத்தியாக இருக்கிறார்கள் . பெற்றோர் பார்த்து செய்து வைக்கும் கல்யாணங்களும் நடக்கின்றன . காதலர்களாக இருந்து திருமணம் செய்து இணைபிரியாத தம்பதியினராக இருப்பவர்களும் உள்ளனர் . காதலிப்பது தப்பில்லை . காதலித்து ஏமாற்றுவது தப்பு என்று சொல்ல வருகிறேன் .

எல்லோரும் நல்லாக இருப்போம் . அன்னம் போல் இருப்போம் . இவ்வுலகில் பிறந்தோம் , சிறப்பாக வாழ்ந்தோம் , சந்தோசமாய் வாழ்ந்து இறைவனடி சேர்ந்தோம்  என்று இருப்போம் . எதைக்கொண்டு வந்தோம் , எதை கொண்டு  போகிறோம் . சில தத்துவங்கள் தான் எங்களை நல்ல மனிதர்கள் ஆக்குகின்றன .