வடை சாப்பிடுவோம்

வாருங்கள் இன்று வெள்ளிக்கிழமை ஒரு சைவ ஹோட்டலில் சைவ சாப்பாடு சாப்பிடுவம் . ஓகே நானும் வருகிறேன் அண்ணா என்றேன் . நான் சொன்னேன் சாப்பாட்டுக்கு பின் வடை வாங்கி தர வேண்டும் என்று . அண்ணா சொன்னார் அதற்க்கு என்ன வடை வாங்கி சாப்பிடுவம் வாங்கோ என்று எம்மை எல்லோரையும் அழைத்து போனார் அண்ணா .

இப்போது தான் நினைவு வந்தது வடை எல்லோருக்கும் பிடிக்கும் . எனக்கும் பிடிக்கும் .இதை பற்றி ஒரு பதிவு எழுதலாமே என . சரி எழுதிடுவம் . எழுதிட்டா போச்சு . வடை பலகார வகைகளில் ஒன்றாகும். நமது தமிழர் முறைப்படி பல விழாக்கள், கொண்டாட்டங்கள் , கோவில் திரு விழாக்கள் போன்றவற்றில் முக்கியமாக வடைக்கு முக்கியத்துவம் உண்டு .

உணவுடனும் சிற்றுண்டியாகவும் பரிமாறுவர். தமிழர்களின் பெரும்பாலான விழாக்களிலும் சடங்குகளிலும் வடை பொதுவாகப் பரிமாறப்படும். எல்லோருக்கும் வடை என்றால் பிடிக்கும் . பிடிக்காதவர்கள் இருக்க முடியாது . மிகவும் சுவையாக இருக்கும் . எல்லோரும் சாப்பிட்டு இருப்பீர்கள் .


வடைகளில் உளுந்து வடை , கடலை வடை , மசாலா வடை என பல வகைகளில் உண்டு . உளுத்தம் பருப்பில் செய்யும் வடை உளுந்து வடை என்றும் , கடலை பருப்பில் செய்த வாடா கடலை வடை என்றும் அழைப்பதுண்டு . உளுத்தம் பருப்புடன் கீரையும் சேர்த்து செய்தால் அது கீரை வடை என்றும் அழைக்கப்படும் .

உளுத்தம் வடை செய்து கடவுள்களுக்கு மாலையாக போடுவதுண்டு . உளுத்தம் பருப்பு அல்லது கடலைப் பருப்பை ஊற வைத்து கெட்டியாக அரைத்து நறுக்கிய வெங்காயம், பச்சை மிளகாய் , நற்சீரகம்  போன்றன சேர்த்து அளவாக உப்புச் சேர்த்துப் பிசைந்தெடுத்துச் சிறு சிறு உருண்டைகளாக்கித் தட்டிக் கொதிக்கும் எண்ணெயில் போட்டு வடை சுடலாம். 

உளுந்து வடை நன்றாக வெந்து , அவிவதட்க்காக தான் உளுந்து வடையில் நடுவில் ஒரு துளை போடுவர். உளுந்து வடையின் சிறப்பு அது . உளுந்து வடை பெரிதாக இருக்கும் . கடலை வடை சிறியதாக இருக்கும் . அதில் துளை இடுவதில்லை . விசேட வைபவங்களுக்கு பெரிதும் பயன்படுவது உளுந்து வடை தான் .

தமிழர்களின் உணவு முறைகளில் வடைக்கு பெரிதும் முக்கியத்துவம் உண்டு . இறைவனுக்கு படைப்பதற்கு பொங்கலுடன் அவல் அதனோடு வடையும் சுட்டு இறைவனுக்கு படைப்பர் . விரத நாட்களிலும் வீடுகளில் பாயாசம், வடை சுடுவார்கள் .சாப்பாட்டுக்கு பின்பு இவற்றை உண்பார்கள் .