பணம் இன்றேல் பிணம்

 

ஒவ்வொரு மனிதனும் சந்தோசமாக இருக்க வேண்டும் , நன்றாக இருக்க வேண்டும் என்று தான் எல்லோரும் நினைப்பதுண்டு . எல்லோரும் நினைக்கிறார்கள் . ஆனால் உண்மையில் நடப்பது வேறு . எல்லோரும் பதவிகள் , பட்டங்கள் கிடைப்பதில்லை . சிலர் படித்து பட்டம் பெறுகிறார்கள் . சிலர் கஷ்டத்தின் நிமித்தம் படிப்பை பாதியில் நிறுத்துகிறார்கள் . எல்லோரிடமும் பணம் இருக்கிறதா ?

இல்லையே . பணக்காரனிடம் தினம் தினம் இன்னும் பணம் கூடி கொண்டு போகிறது . ஏழைகள் இன்னும் வறுமை நிலைக்கு தள்ளப்படுகின்றனர். எல்லோருக்கும்  சொந்த காலில் நின்று உழைத்து முன்னேற ஆசைதான் . அதற்க்கு போதிய பணம் இருந்தால் தானே முன்னேற முடியும் . அதற்க்கு உதவி செய்ய ஒருவரும் இருக்க மாட்டார்கள் .


பணம் பொருள் என்று இருந்தால் எல்லோரும் மதிப்பார்கள் . இல்லையேல் ஏனையோரை ஒரு தூசாக தான் மிதிப்பார்கள் . பணம் இருந்தால் எல்லாம் உண்டு. பணம் இல்லாவிட்டால் ஏதும் இல்லை. செல்வந்தருக்கு பெரிய சுற்றம் இருக்கும். செல்வம் இல்லையேல் எவரும் இல்லை. இதுதான் உலகம் .

பாதாளம் வரை பாய வல்ல இந்தப் பணம் கொடிய பகைவரை அழிக்கும் தன்மை கொண்டது .பணம் கொடுத்தால் எதையும் செய்ய துணிகிறார்கள் . செல்வம் உள்ளவர்களின் வாக்கே செல்வாக்கு என்று அழைக்கப்படும். செல்வம் இல்லாதவர்களின் வாக்கு ஒரு பைசாக்கு கூட உதவாது .

ஏழைகள் , கஷ்டப்படுவோருக்கு கொடுத்து உதவும் புண்ணியவான்கள் எனப்படுகின்றனர். அதே பணத்தை வைத்து பெட்டிக்குள் பூட்டி பூட்டி வைத்திருப்பவனின் பணம் பிணத்துக்கு சமம் . அவன் இறந்து விட்டால் அவனை அவனது பிணத்தை எரிக்க ஒருவரும் வரார் . அவனின் பணம் மட்டும் இருந்தால் பணம் அவனை எரிக்குமா . இல்லையே . எல்லோருக்கும் கொடுத்து உதவி செய்து ஒரு மனிதன் இறந்தால் அவருக்கு அஞ்சலி செலுத்த ஒரு மக்கள் படையே மாமனிதருக்காக திரண்டு வரும் . அப்படித்தான் இருக்க வேண்டும் .

எல்லோரும் கஷ்டப்பட்டு உழைத்து வாழ்வில் முன்னேற்றம் காண வேண்டும் . ஏழை , பணக்காரன் என்ற பாகுபாடு குறைந்து எல்லோரும் சந்தோசமாக வாழ்க்கையில் இருக்க வேண்டும் என்பதே எல்லோரினதும் விருப்பம் .