அஜித்தும் விஜயும்

தமிழ் திரை உலகில் ரஜனி, கமலுக்கு பின் பேசப்பட்டவர்கள் அஜித்தும் , விஜயும் . இப்போது அந்த பேச்சையே காணவில்லை . பல நாயகர்கள் வெற்றி படங்களை தந்து கொண்டு இருக்கிறார்கள் . சூர்யா , சிம்பு , தனுஷ் , ரவி , கார்த்தி என்று வெற்றி பட்டியல் நீள்கிறது . எங்கடா அஜித்தையும் , விஜயும் காணம் என்று யோசிக்க தோன்றுகிறது .

தொடர் தோல்விகளால் தலை நிமிர வேண்டிய கட்டாயத்தில் இருக்கிறார் விஜய். இவரின் மார்க்கட்டை எட்டி பிடிக்கும் நிலைக்கு உயர்ந்து விடபோகிறார் சூர்யா . சூர்யா ஒவ்வொரு படத்திலும் தனது நடிப்பு, திறமை போன்றவற்றை உயர்த்தி கொண்டே செல்கிறார் . தொடர் வெற்றி படங்களையும் கொடுத்து கொண்டு இருக்கிறார் . அஜித்தும் வெற்றி படம் ஒன்றை கொடுக்க வேண்டியகட்டாயத்தில் இருக்கிறார் .

வெங்கட்  இயக்கும் படத்தில் மும்மரமாக நடித்து வருகிறார் . கார் பந்தயங்களில் கவனம் செலுத்தியதால் சினிமாவை விட்டு கொஞ்ச நாள் விலகி இருந்தார் . இப்போது கூடுதல் கவனம் செலுத்தி படங்களில் நடித்து வருகிறார் .

தீபாவளிக்கு வெளிவர இருக்கிறது காவல் காதல் என்ற விஜயின் படம் . அதனை தொடர்ந்து வேலாயுதம் படத்தில் இப்போது நடித்து கொண்டு இருக்கிறார் . பின்பு சீமான் இயக்கத்தில் " பகலவன் " படத்திலும் , சங்கர் இயக்கம் ரீமேக் படம் ஒன்றிலும் நடிக்க இருக்கிறார் . வேறு இயக்குனர்களிடமும் கதை கேட்டு கொண்டு இருக்கிறார் .

அஜித் மங்காத்தா படம் முடிந்ததும் விஷ்ணு வரத்தான் இயக்கம்  பில்லா பார்ட் 2 , மதராசப்பட்டினம் , கிரிடம் படங்களை இயக்கிய விஜய் இயக்கம் வணிக பின்னணி கொண்ட கதை அம்சம் கொண்ட ஒரு படத்திலும் நடிப்பதாக உள்ளார் . அதற்க்கு பின்பு பி. வாசு இயக்கும் சந்திரமுகி பார்ட் -2 விலும் நடிக்க உள்ளதாக தகவல்.

பாப்போம் இனி நடித்து வெளி வர இருக்கும் படங்கள் எப்படி இருக்கின்றன என்று . அரைத்த மாவையே அரைக்கிறார்களா, அல்லது புதிய கதைகளை தெரிவு செய்து நடிக்கிறார்களா என்று . இனி வர போகும் படங்கள் வெற்றி பெறுகின்றனவா ? என்று .

ஒரே மாதிரியான கதைகளை ரசிகர்கள் எவ்வளவு நாட்களுக்கு தான் பார்க்கிறது . நான்கைந்து படங்களை ஒன்றாக சேர்த்து மசாலாவாக இருக்கும் படங்களையும் எத்தனை நாட்கள் பார்ப்பது . கொஞ்சம் வித்தியாசமான கதைகளை தேர்ந்து எடுத்து நடியுங்கள் . ஹிந்தியில் எவ்வளவு படங்கள் வித்தியாசமாக வருகின்றன . தமிழில் ஒரு மதராசப்படினமாகவோ , ராவணன் ஆகவோ நாடோடிகள் , பருத்தி வீரனாகவோ படங்கள் வரவில்லையா . அப்படியான வித்தியாசமான கதைகளை ரசிகர்கள் விரும்புகிறார்கள் .

பணம் கொடுத்து திரைப்படங்களை பார்க்கும் ரசிகர்கள் இப்போதெல்லாம் ரொம்ப யோசித்து நல்ல படங்களாக இருந்தால் தான் திரைப்படம் பார்க்க செல்கிறார்கள் . அவர்கள் பார்க்கும் படியாக நல்ல படத்தை எடுங்கள் . சிறியோர் முதல் பெரியோர் வரை பார்க்கும் வண்ணம் இருக்கும் படங்களுக்கு எவ்வளவு சனக்கூட்டம் செல்லும் தெரியுமா ? சனக்கூட்டம் அலை மோதும் .

பாப்போம் இனி வரப்போகும் படங்களில் தான் அஜித்தும் , விஜயும் வெற்றி கோடி நாட்டுகின்றனரா , தமது இடத்தை தக்க வைத்து கொள்கின்றனரா என்று பொறுத்திருந்து பாப்போம் .