எந்த விடயத்திலும் நாம் வேகம் , விவேகத்துடன் செயற்பட வேண்டும்

கஷ்டப்பட்டு படிக்கிறோம் , கஷ்டப்பட்டு நல்ல வேலைக்கு போகணும் . சம்பாதிக்கணும் , இந்த விளையாட்டில் நான் வெற்றி பெற வேண்டும் . கிரிக்கெட்டில் நன்றாக விளையாடி சாதிக்கணும் . ஓட்டப்பந்தயத்தில் முதலாம் இடம் பெற வேண்டும் . இப்படி எல்லாம் ஒவ்வொருவருக்கும் ஒவ்வொரு கனவு இருக்கும் .

கனவு எல்லோருக்கும் நனவாகிறதா ? எந்த விடயத்திலும் நாம் புத்திசாதுரியமாக நடக்க வேண்டும் . ஒரு காரியத்தை செய்யும் முன்பு பல தடவை யோசித்து , சிந்தித்து செயல்படல் வேண்டும் . ஒரு வேலைக்கு நாம் போகப் போகிறோம் . அங்கு எவ்வளவு சம்பளம் குடுப்பார்கள் . நல்ல இடமா ? நல்ல கம்பனியா ? எனக்கு தகுந்த வேலையா ? என் படிப்புக்கு ஏற்ற வேலையா ? என பலதும் , பத்தும் யோசித்து சிந்திக்கின்றோம் .

எல்லோரும் கடுமையாக உழைக்கிறார்கள் . சம்பாதிக்கிறார்கள் . அவர்களின் வெற்றிக்குப் பின் கடும் பயிற்சி இருக்கும் . புகழ்பெற்ற பேச்சாளர்கள் எல்லோரும் கடும் பயிற்சியின் பின்பு தான் பேச ஆரம்பிக்கிறார்கள் . இன்று கூட பல ஆராய்ச்சியாளர்கள் பல ஆராய்ச்சிகளில் இறங்கி உள்ளனர் .  சிலர் ஆராய்ச்சிகளில் வெற்றி பெறுகின்றனர் . அவர்களுக்கு வேகம், விவேகம் இருக்கிறது .

கடுமையான உழைப்பின் வெற்றியை இலகுவில் எல்லோராலும் அடைந்து விட முடியாது . சாதிக்கத் துடிக்கும் எந்த மாணவனுக்கும் வேகம், விவேகம் , கடும் பயிற்சி இருக்க வேண்டும் .  படித்து , பல்கலைக்கழகம் செல்ல வேண்டும் என்பது மாணவர்களின் கனவு . அதில் எத்தனை மாணவர்கள் பல்கலைகழகம் செல்கிறார்கள் ?

ஒரு விடயத்தை செய்ய முன்பு தன்னாளான முழு சக்தியையும் பிரயோகித்து முழு மூச்சுடன் திட்டமிட்டு கடுமையாக உழைக்க வேண்டும் .  நாம் சிறந்த திட்டமிடல் மூலம் எமது செயட்பாடுகளை இலகு அடைவதை நோக்காகக் கொண்டு செயட்படுவோம் என்றிருந்தால் எமது முயற்சி வீண்போகாது .