இவர் இந்த ஆண்டு 98 பாடல்களை எழுதியுள்ளார் . அதில் பல ஹிட் பாடல்கள் . ரசிகர்களை கவர்ந்த பாடல்கள் . எல்லோருக்கும் பிடித்து இருந்தது . வரிகளை கேட்டு கேட்டு ரசித்திருந்தனர். அதிக இசையமைப்பாளர்களுடன் பணியாற்றி இருக்கிறார் . அடுத்த ஆண்டு வெளியாக இருக்கும் பல புதிய படங்களுக்கு பாடல்கள் எழுதிக் கொண்டிருக்கிறார் .
ஏழாம் அறிவு படத்தில் கார்த்திக் பாடிய "முன் அந்திச் சாரல் நீ " எல்லோராலும் விரும்பப்பட்டது . நா . முத்துக்குமாரின் பாடல்களில் என்னை மிகவும் கவர்ந்த பாடல் . நான் ரசித்த பாடல்களில் இதுவும் ஒன்று . பாடகர் கார்த்திக்குக்கும் ஹிட் பாடலாய் அமைந்தது .
பில்லா 2, நண்பன், வேட்டை, ஒரு கல் ஒரு கண்ணாடி, அரவான், தாண்டவம் என அடுத்த ஆண்டு வெளியாக இருக்கும் படங்களுக்கு பாடல்கள் எழுதிக் கொண்டு இருக்கிறார் . அதில் நண்பன் பாடல்கள் வெற்றிநடை போடுகின்றன .நண்பன் படத்தில் இரண்டு பாடல்களை நா. முத்துக்குமார் தான் எழுதியுள்ளார் . "நல்ல நண்பன் வேண்டும் என்று " என்ற பாடல் நட்பை பற்றிய பாடல் . வேட்டை , நண்பன் படங்கள் பொங்கலுக்கு வெளிவர இருக்கின்றன . அடுத்த ஆண்டு பாடல்கள் இன்னும் அதிகம் எழுதுவார் போல் இருக்கிறது . தனக்கென்று தனியாக ஒரு நல்ல பாடலாசிரியராக வலம் வருகிறார் நா. முத்துக்குமார் அவர்கள் .
அர்த்தமுள்ள பாடல்வரிகள் , எல்லோருக்கும் விளங்க கூடிய வசனங்கள் , அழகான கோர்வை என வித்தியாசமாக தனக்கென்று ஒரு பாணியை அமைத்து பல பாடலாசிரியர்களுக்கு மத்தியில் மிளிரும் வைரமாகத் திகழ்கிறார் நா. முத்துக்குமார் . அடுத்த ஆண்டும் வெற்றிகள் , ஹிட்ஸ் தொடரட்டும் .
No comments:
Post a Comment