என் மனம் கவர்ந்த பாடகர்கள்

எனக்கு பொதுவாக எல்லா பாடல்களும் பிடிக்கும் . மெலடியான பாடல்கள் , குத்து பாடல்கள் , சோக பாடல்கள் என எல்லா வகையான பாடல்களும் பிடிக்கும் . அதுவும் தமிழை தமிழாக உச்சரித்து பாடுபவர்களை ரொம்பவும் பிடிக்கும் எனக்கு . பாலசுப்ரமணியம் , ஜேசுதாஸ் கால பாடகர்களில் இருந்து இன்றைய இளைய , புதிய பாடகர்களையும் பிடிக்கும் .

பாலசுப்ரமணியம் பாடிய பாடல்களில் பல பாடல்கள் உள்ளன . சிறந்த குரல்வளமும் , பாடல்களை உயிர் ஓட்டத்துடனும் , உணர்ச்சிகளுடனும் , ஏற்ற இறக்கக்ன்களுடனும் பாட கூடியவர். இவர் பாடிய பாடல்களில் நிலாவே வா , சத்தம் இல்லாத தனிமை , உன்னை பார்த்த பின்பு நான் , என்பன எனக்கு பிடித்த பாடல்கள் ஆகும் .

 

ஜேசுதாஸ் சோக பாடல்கள் பாடுவதற்க்கு மிகவும் பொருத்தமான பாடகர் . பூங்காற்று சுகமானது என்ற பாடல் எனக்கு எப்போதும் கேக்க பிடிக்கும் .

ஹரிஹரனை பிடிக்காதோர் எவரும் இருக்க முடியாது . எல்லோருக்கும் பொதுவாக பிடித்த பாடகர் . காந்த குரலுக்கு போருத்தமானவரும் கூட . உன்பேர் சொல்ல ஆசைதான் , உருக்கு சிரித்தவளே , டெலிபோன் மணி போல் சிரிப்பவள் இவளா , தொடுதொடு நிலவே ,என எல்லா பாடல்களுமே பிடிக்கும் . எப்போதும் கேட்பதற்க்கு ஏற்ற குரல் வளம் . என்னை மிகவும் கவர்ந்த பாடகர் .

 

உன்னி கிருஷ்ணனும் ஒரு சிறந்த பாடகர் . சங்கீத மேடைகளில் இவருக்கு கூட்டம் அதிகம் . நல்ல குரல் வளம் . சுரவரிசைகளை நீண்ட நேரம் இழுத்து பாட கூடியவர் . இன்னிசை பாடிவரும் இளம் காற்றுக்கு உருவமில்லை , என்னவளே அடி என்னவளே , தாய்தானே அன்புக்கு ஆதாரம் , உயிரும் நீயே , கண்ணோடு கண்ணோடு வந்த காதல் என பாடல்கள் அருமையோ அருமை .

 

ஸ்ரீநிவாஸ் நல்ல பாடகர் . ஆப்பிள் பெண்ணே பாடலுக்கு சொந்தகாரர் . ஒரு பொய்யாவது சொல் கண்ணே , எட்டில் அழகு பாடல் அருமை .

 

உன்னிமேனனும் ஒரு சிறந்த பாடகர் . உச்சஸ்தாயி பாடல்களை மிகவும் நன்றாக பாட கூடியவர் . என்னவிலை அழகே பாடலுக்கு குரலுடன் இனிமை கொடுத்தவர் . நதியே நதியே காதல் நதியே , ஏய் நிலவே பாடல்கள் இவர் பாடிய பாடல்களில்  எனக்கு பிடித்தவை .

 

சங்கர் மகாதேவன் ஒரு கலக்கலான பாடகர் . குத்து பாடல்கள் என்றாலும் சரி மெலடி பாடல் என்றாலும் சரி எல்லாவகையான பாடல்களுக்கும் ஏற்ற குரல் . கும்பிட போன தெய்வம் குறுக்க வந்ததம்மா , சந்தன தென்றலை , வாடி வாடி நாட்டுக்கட்ட , நான் அடிச்சா தாங்கமாட்டா போன்ற பாடல்களும் எனக்கு பிடிக்கும் .

 

திப்புவையும் எனக்கு பிடிக்கும் . உம்சுக்கட்ட , தாய்மடியே உன்னை தேடுகிறேன் , காதல் வந்தால் சொல்லி அனுப்பு போன்ற பாடல்கள் எனக்கு பிடிக்கும் 

 

கார்த்திக் இளைய தலைமுறை ரசிகர்களுக்கு மிகவும் பிடித்த பாடகர் தான் இவர் . அவள் யாரவள் , ஒரு மாலை இளவெயில் நேரம் , சக்தி கொடு , என பல பாடல்கள் பிடிக்கும் .

 

பாடகர் பிரசன்னாவேட்டைக்காரன் பாடல் கரிகாலன் காலமிது பாடலுக்கு சொந்தகாரர் . 

பாலாஜி , முகேஷ் போன்ற பாடகர்கள் பாடிய பாடல்களும் எனக்கு பிடிக்கும் .இவர்கள் எனக்கு பிடித்த பாடகர்கள்.