சங்ககாராவின் இரட்டை சதம்

இலங்கை கிரிக்கெட் அணியின் நம்பிக்கை நட்சத்திரம் , இலங்கை அணியின் சுவர் என்று அழைக்கப்படும் குமார் சங்ககாரா பாகிஸ்தானுக்கு எதிரான போட்டியில் இரட்டை சதம் அடித்து அசத்தினார் . அவரது ஆட்டத்தால் இலங்கை அணி போட்டியை சமநிலையில் முடித்துக் கொண்டது .
சங்ககாரவின்  பொறுப்பான ஆட்டம் இலங்கை அணியை தூக்கி நிறுத்தியது . இலங்கை அணியின் அதிரடி ஆட்டக்காரராகவும் , பொறுப்பான ஒரு வீரராகவும் , இலங்கை அணியின் சிறந்த விக்கெட் கீப்பர்களில் ஒருவர், தலை சிறந்த துடுப்பாட்ட வீரராகவும் திகழ்கிறார் சங்கா . இடதுகை துடுப்பாட்ட வீரர் . 

இலங்கை அணியின் பல வெற்றிகளுக்கு காரணகர்த்தாவாக உள்ளார் . ஏனைய வீரர்களுக்கு ஒரு சிறந்த வீரராகவும் திகழும் சங்கா அண்மையில் நடைபெற்ற டெஸ்ட் போட்டியில் தனது 26-வது சதத்தை நிறைவு செய்தார். பாகிஸ்தானுக்கு எதிராக அவர் அடிக்கும் ஆறாவது சதமாகவும் அமைந்தது . இதுவரை 101 ஆவது டெஸ்ட் போட்டியும் ஆகும் . 

ஒருநாள் போட்டி என்றாலும், டெஸ்ட் போட்டி என்றாலும் சரி இவர் ஒரு திறமையான அதிரடியான , பொறுப்பான , சூழ்நிலைக்கு ஏற்ப தன்னை மாற்றிக் கொண்டு விளையாடும் வீரர் .  டெஸ்ட் போட்டிகளில் அதிக இரட்டை சதம் அடித்தவர்களின் வரிசையில் மூன்றாவது இடத்துக்கு முன்னேறி உள்ளார் . 

இதில் முதல் இடத்தில் டான் பிராட்மேன் (12), லாரா (9), இப்போது சங்கா (8 ) இரட்டை சதங்களை பெற்று உள்ளார் . கூடிய கெதியில் இரண்டாம் இடத்தை பிடிக்கலாம் என்ற எதிர்பார்ப்பு எல்லோர் மத்தியிலும் இருக்கிறது . ரசிகர்கள் எல்லோரினதும் அவாவும் கூட .