தொடர் வெற்றிகளை தந்து கொண்டிருக்கும் நடிகர் ஆர்யா

 

தமிழ் சினிமாவில் முன்னேறி வெற்றி கொடி கட்டும் நாயகர்களில் ஒருவராக மாறிவிட்டார் நடிகர் ஆர்யா. எந்தவித சினிமா பின்புலமும் இல்லாமல் திரை துறைக்கு வந்து தனது இடைவிடாத முயற்சியாலும் , கடின உழைப்பாலும் , சிறந்த நடிப்பாலும் முன்னேறி வருகிறார் ஆர்யா .

தனது ஒவ்வொரு படத்திலும் வித்தியாசமான நடிப்பு , வேறு வேறு இயக்குனர்கள் , வேறு வேறு கதையம்சம் என ஒவ்வொரு படத்தையும் தேர்ந்து சிறப்பாக நடித்து வருகிறார் . ஒரே அரைத்த மாவை அரைக்காமல் வித்தியாசமான கதையம்சம் கொண்ட படங்களை தான் பெரிதும் விரும்புகிறார்கள் ரசிகர்கள் . அதனை உணர்ந்து கொண்டுள்ள நடிகர்களில் ஒருவர் ஆர்யா .

ரசிகர்கள் எதிர்பார்க்கும்படியான நல்ல கதையம்சம் கொண்ட படங்களை தேர்வு செய்து நடித்து வெற்றி கொடி கட்டிக்கொண்டு இருக்கிறார் ஆர்யா . சில புகார்கள் இடைக்கிடை ஆர்யாவை பற்றி வந்தாலும் அவற்றையும் சமாளித்து கொண்டு நடிகைகளுடன் கிசுகிசுக்க பட்டாலும் அவர் முன்னேறி  கொண்டே வருகிறார் .

சிறந்த நடிப்பு , அழகு , உயரம் என ஒரு கதாநாயகனுக்கு உரித்தான அத்தனை அம்சமும் ஆர்யாவிடம் உண்டு .
பெரிய வெற்றிகளுக்காக காத்து கொண்டு இருந்த ஆர்யா இப்போது மிகவும் குசியாக , சந்தோசமாக இருக்கிறார் . ரசிகர்களுக்கு நல்ல படங்களை கொடுத்துள்ளேன் , ரசிகர்கள் அவற்றை வெற்றி படமாக மாற்றி உள்ளார்கள் என்றதுதான் காரணம் .ஆர்யாவின் குசிக்கு காரணம் அதுதான் .

கலாபக்காதலன் படத்தில் ஆர்யாவின் நடிப்பை பாராட்டலாம் . அதே போல நான் கடவுள் படத்திலும் சிறப்பாக நடித்து இருந்தார் . மதராசப்படினம் படமும் ஆர்யாவுக்கு நல்ல பெயரை வாங்கி கொடுத்தது . வெற்றி படங்களில் ஒன்றாக அமைந்தது . அதைவிட தற்போது வெளிவந்து ஓடி கொண்டு இருக்கும் பாஸ் என்கிற பாஸ்கரன் படமும் வெற்றிகரமாக ஓடி கொண்டு இருக்கிறது திரை அரங்குகளில் .

அடுத்து சிக்கு புக்கு. மணிகண்டன் இயக்கியிருக்கிறார். ஸ்ரேயா கதாநாயகியாக நடித்து இருக்கிறார் . மீடியா ஒன் குளோபல் தயாரித்திருக்கின்றனர். இது ஓரு ரொமான்டிக் காமெடி படம். பாஸ் என்கிற பாஸ்கரன் மாதிரியான காமெடி படம் கிடையாது. இது வேறொரு மாதிரியான படம் என்று சொல்கிறார் ஆர்யா .

இதுவரை பதினொரு படங்களில் நடித்து இருக்கிறார் ஆர்யா . பத்தாவது படம் தான் மதராசபட்டினம். மதராசபட்டினம் படம் எதிர்பார்த்ததை விட அதிக அளவில் வெற்றி பெற்று உள்ளது. இந்த படம் சுதந்திரத்துக்கு முந்தைய கதை. அதாவது 1946-ம் ஆண்டு வெள்ளைக்கார பெண் ஒரு கூலித்தொழிலாளியை காதலித்த கதை என்பதால் ரசிகர்கள் படத்தை ரசனையோடு பார்க்கிறார்கள். பாராட்டிய வண்ணம் உள்ளனர் . பாடல்களும் அருமை . சண்டைக் காட்சி உள்பட அனைத்து காட்சிகளும் ரிஸ்க் எடுத்து எடுக்கப்பட்டு உள்ளது.

இன்னும் பல வெற்றி படங்களை ரசிகர்களுக்கு கொடுத்து வெற்றிப்பட நாயகர்களின் வரிசையில் இணைய வேண்டும் . உங்களிடம் இருந்து இன்னும் பல வித்தியாசமான படங்களை எதிர்பார்த்து காத்து இருக்கிறார்கள் ரசிகர்கள் .